| ປີທ່ອງທ່ຽວແຫ່ງຊາດ - ກ໋ວາງນາມ 2022: ໂອກາດທີ່ດີເພື່ອດຶງດູດແຂກທ່ອງທ່ຽວສາກົນ | |
| ແຂວງແຄ໋ງຮ່ວາ ຈັດຕັ້ງເກືອບ 100 ເຫດການ ເພື່ອຮັບໃຊ້ນັກທ່ອງທ່ຽວໃນປີ 2022 |
ບ້ານຂວຍຂອນ, ຕາແສງ ກິມກຸກ ແມ່ນໝູ່ບ້ານທ່ອງທ່ຽວຊຸມຊົນ ທີ່ສາມາດຮັກສາບັນດາວັດທະນະທຳ ທີ່ເປັນເອກະລັກສະເພາະຂອງຊົນເຜົ່າໂລໂລ. ຊຸມປີມໍ່ໆມານີ້, ໝູ່ບ້ານທ່ອງທ່ຽວຂວຍຂອນ ໄດ້ດຶງດູດນັກທ່ອງທ່ຽວພາຍໃນ ແລະ ຕ່າງປະເທດເປັນຈຳນວນຫຼວງຫຼາຍມາຢ້ຽມຢາມ, ຄົ້ນຫາ ແລະ ລົງພຶດຕິກຳຕົວຈິງ.
ເພື່ອແນໃສ່ຍົກສູງຄຸນນະພາບ, ປະສິດທິຜົນການອະນຸລັກຮັກສາບັນດາຄຸນຄ່າວັດທະນະທຳ ຂອງຊາວເຜົ່າໂລໂລ, ສົມທົບກັບການຊຸກຍູ້ແຫຼ່ງທ່ອງທ່ຽວ ແລະ ພັດທະນາແຫຼ່ງທ່ອງທ່ຽວ, ຈາກແຫຼ່ງທຶນຂອງໂຄງການເປົ້າໝາຍພັດທະນາວັດທະນະທຳ, ກະຊວງວັດທະນະທຳ, ກິລາ ແລະ ການທ່ອງທ່ຽວ ໄດ້ລົງທຶນ 5 ຕື້ດົ່ງເພື່ອຍົກສູງປະສິດທິຜົນການອະນຸລັກຮັກສາບັນດາຄຸນຄ່າ ວັດທະນະທຳທີ່ເປັນວັດຖຸ ແລະ ບໍ່ເປັນວັດຖຸຂອງຊົນເຜົ່າໂລໂລ.
 |
| ຮັກສາສີສັນສະເພາະຂອງຊົນເຜົ່າໂລໂລ ຕິດພັນກັບການພັດທະນາການທ່ອງທ່ຽວ. (ພາບ: baonhandan) |
ບັນດາລາຍການ ທີ່ໄດ້ຮັບການຜັນຂະຫຍາຍ ປະກອບມີ ການສ້າງບ້ານຊຸມຊົນ ຢູ່ໝູ່ບ້ານຂວຍຂອນ; ຮັກສາບັນດາແບບເຮືອນດັ້ງເດີມຂອງຊາວເຜົ່າໂລໂລ. ພ້ອມກັນນັ້ນ, ກໍ່ດຳເນີນການເກັບສະສົມ ແລະ ອະນຸລັກຮັກສາບັນດາບົດເພງພື້ນເມືອງ, ຟ້ອນລຳຕ່າງໆຂອງຊາວເຜົ່າໂລໂລ, ສົມທົບກັບການຈັດຕັ້ງຖ່າຍທອດ, ແນະນຳໃຫ້ຊາວບ້ານ. ບົນພື້ນຖານນັ້ນ, ຄະນະສິລະປະມະຫາຊົນໄດ້ຮັບການສ້າງຕັ້ງ ແລະ ປະພັນລາຍການສິລະປະ, ໃນນັ້ນມີການສະແດງລະຄອນຕຸກອງທອງຂອງຊາວເຜົ່າໂລໂລ.
ໂດຍຕີລາຄາບັນດາປະສິດທິຜົນ ທີ່ບັນລຸໄດ້ຜ່ານການປະຕິບັດໂຄງການ, ທ່ານຫົວໜ້າພະແນກວັດທະນະທຳ, ກິລາ ແລະ ທ່ອງທ່ຽວ ແບ່ງປັນວ່າ ບັນດາຄຸນຄ່າວັດທະນະທຳທີ່ເປັນເອກະລັກສະເພາະຂອງຊາວເຜົ່າໂລໂລ ໄດ້ຮັບການເກັບສະສົມ, ຟື້ນຟູ ແລະ ອະນຸລັກຮັກສາ, ຄວາມຮັບຮູ້ຂອງປະຊາຊົນໃນການປົກປັກຮັກສາບັນດາຄຸນຄ່າວັດທະນະທຳ ແລະ ການທ່ອງທ່ຽວຂອງປະຊາຊົນໄດ້ຮັບການຍົກສູງຂຶ້ນ. ຂວຍຂອນສັນຍາວ່າຈະເປັນສະຖານທີ່ທ່ອງທ່ຽວທີ່ດຶງດູດໃຈນັກທ່ອງທ່ຽວ.
ຄຳຮຸ່ງ
