 |
| ນັກເຕະຫງວຽນຮ່ວາງດຶກໄດ້ຮັບລາງວັນບານເຕະຄຳເພດຊາຍ (ພາບ: qdnd.vn) |
ລາງວັນບານເຕະຄຳເພດຊາຍ ໄດ້ຮັບຖືວ່າແມ່ນຍາກທີ່ຈະຄາດຄະເນທີ່ສຸດ ຍ້ອນນັກເຕະ ຫງວຽນຮ່ວາງດຶກ (ສະໂມສອນ Viettel) ແລະ ນັກເຕະ ຫງວຽນກວາງຫ໋າຍ (ສະໂມສອນ ຮ່າໂນ້ຍ) ລ້ວນແຕ່ໄດ້ຮັບການຕີລາຄາສູງ. ໝາກຜົນ, ນັກເຕະ ຫງວຽນຮ່ວາງດຶກ, ນັກເຕະທີ່ມີຄວາມກ້າວໜ້າໃນປີຜ່ານມາ ຄ້ວາໄດ້ລາງວັນບານເຕະຄຳ. ຮ່ວາງດຶກ ມີການຫຼິ້ນບານຢ່າງປະທັບໃຈໃນທິມຊາດ ຫວຽດນາມ ຢູ່ຮອບຄັດເລືອກ World Cup ແລະ AFF Cup 2021.
ສຳລັບລາງວັນບານເຕະຄຳເພດຍິງ ໄດ້ສະຫງວນໃຫ້ແກ່ນັກເຕະຍິງ ຮວິ່ງຍື ກັບຕັນຂອງທິມຊາດຫວຽດນາມ ແລະ ຂອງສະໂມສອນນະຄອນ ໂຮ່ຈີມິນ. ໃນປີຜ່ານມາ, ຮວິ່ງຍື ຄ້ວາໄດ້ລາງວັນຊີງຊະນະເລີດແຫ່ງຊາດພ້ອມກັບທິມບານເຕະຍິງນະຄອນໂຮ່ຈີມິນ. ຕົ້ນປີ 2022, ກັບຕັນ ຮວິ່ງຍື ແລະ ບັນດານັກເຕະຍິງຂອງທິມຊາດຫວຽດນາມ ກໍ່ຍາດໄດ້ປີ້ເຂົ້າຮ່ວມ World Cup 2023.
ນອກຈາກບັນດາລາຍການດັ່ງກ່າວ, ປີນີ້ ຄະນະຈັດຕັ້ງກໍ່ໄດ້ຍ້ອງຍໍຊົມເຊີຍບັນດາຄູຝຶກ ມາຍດຶກຈຸງ (ທິມບານເຕະຍິງ), Park Hang-seo (ທິມບານເຕະຊາຍ) ແລະ ຟ້າມມິງຢາງ (ທິມບານເຕະ futsal) ໂດຍແມ່ນຄູຝຶກທີ່ນຳຜົນສຳເລັດຫຼາຍຢ່າງມາໃຫ້ຫວຽດນາມ.
ບຸນຄົງ
