| ຫວຽດນາມ - ສ.ເກົາຫຼີ ເພີ່ມທະວີການຮ່ວມມືອັນເລິກເຊິງໃນຫຼາຍຂົງເຂດ | |
| ຫວຽດນາມ ຮັບດຳລົງຕຳແໜ່ງປະທານຮ່ວມໂຄງການອາຊີຕາເວັນອອກສ່ຽງ ໃຕ້ຂອງ OECD ຢ່າງເປັນທາງການ |
ເອກະອັກຄະລັດຖະທູດຜູ້ມີອຳນາດເຕັມແຫ່ງສິງກະໂປ ປະຈຳ ສສ. ຫວຽດນາມ ທ່ານ Jaya Ratnam ໄດ້ໃຫ້ຊາບເນື້ອໃນດັ່ງກ່າວໃນວາລະການເຂົ້າພົບປະຄຳນັບສະຫາຍເລຂາພັກນະຄອນຮ່າໂນ້ຍ ດິງຕຽນຢຸ້ງ ໃນວັນທີ 10 ກຸມພາ 2022.
 |
| ວິສາຫະກິດຜູ້ປະກອບການຊາວສິງກະໂປຄາດຫວັງໃນການເປີດກວ້າງການລົງທຶນທີ່ຮ່າໂນ້ຍ. ພາບ: netnews |
ໃນວາລະການພົບປະຄຳນັບ, ສະຫາຍເລຂາພັກນະຄອນຮ່າໂນ້ຍ ດິງຕຽນຢຸ້ງ ໄດ້ແລກປ່ຽນຢ່າງກວມລວມກ່ຽວກັບສະພາບການຂະຫຍາຍຕົວຂອງນະຄອນຫຼວງໃນໄລຍະຜ່ານມາ. ຊີ້ໃຫ້ເຫັນການເຕີບໂຕທາງດ້ານອຸດສາຫະກຳຂອງຮ່າໂນ້ຍ ໃນປີ 2021 ສູງກວ່າ ໃນປີ 2020, ບັນລຸ 4,78% ທຽບກັບ 4,7%. ການເຕີບໂຕຂອງຜະລິດຕະພັນໃນພື້ນທີ່ (GRDP) ສົກງົບປະມານ IV/2021 ເກີນຄາດໝາຍເມື່ອທຽບໃສ່ ປີ 2020, ປະກອບສ່ວນເຂົ້າໃນການເຕີບໂຕ 2,92% ໃນທັງໝົດປີ 2021 - ສູງກວ່າຄ່າສະເລ່ຍໂດຍລວມທົ່ວປະເທດ (2,58%).
ຮ່າໂນ້ຍ ຄາດຄະເນຈະສືບຕໍ່ເຕີບໂຕເປັນຢ່າງດີໃນສົກງົບປະມານ I/2022... ຮ່າໂນ້ຍຍັງຄົງຊຸກຍູ້ບັນດາໂຄງການທີ່ມີລັກສະນະກຳນົດເວລາຍາວນານ, ແນໃສ່ຮັບປະກັນຄວາມສາມາດໃນການພັດທະນາທີ່ຍືນຍົງ, ເປັນຕົວແບບກໍຄື ໂຄງການການລົງທຶນເສັ້ນທາງຖະໜົນວົງແຫວນ 4 ຂອງນະຄອນຫຼວງ, ໂຄງການປັບປຸງລະບົບທີ່ພັກຊຸມຊົນອະພາທ໌ເມັນເກົ່າ; ພ້ອມກັນນັ້ນ, ສຸມໃສ່ລົງທຶນເຂົ້າໃນບັນດາຂົງເຂດການສຶກສາອົບຮົມ, ສາທາລະນະສຸກ, ວັດທະນະທຳ... ເປັນຕົ້ນ.
ຮ່າໂນ້ຍ ແລະ ສິງກະໂປ ຈະມີໂອກາດຮ່ວມມືຫຼາຍຢ່າງ ເປັນຕົ້ນແມ່ນໃນບາງຂົງເຂດທີ່ມີທ່າແຮງເຊັ່ນ: ການເມືອງ, ການຕ້ານ ແລະ ສະກັດກັ້ນພະຍາດລະບາດ, ລົງທຶນການຄ້າ, ການທ່ອງທ່ຽວ, ການພັດທະນາຕົວເມືອງທີ່ອັດສະລິຍະ, ການສຶກສາ - ຝຶກອົບຮົມ, ວັດທະນະທຳ...
ທ່ານ ດິງຕຽນຢຸ້ງ ຕັ້ງປະເດັນໃຫ້ສິງກະໂປ ຊັ່ງຊາຄົ້ນຄວ້າເປີດກວ້າງການລົງທຶນເພີ່ມໃນບັນດາຂົງເຂດອື່ນນອກຈາກອະສັງງຫາລິມະຊັບ, ລົງທຶນພັດທະນາບັນດາງານຝີມືອັນເປັນມູນເຊື້ອ, ພິຈາລະນາຄວາມສາມາດສ້າງເຂດອຸດສາຫະກຳຫວຽດນາມ - ສິງກະໂປ (VSIP)... ເທິງພື້ນທີ່ຂອງນະຄອນ.
ທ່ານເອກອັກຄະລັດຖະທູດ Jaya Ratnam ເປັນເອກະພາບທັງສອງຝ່າຍຄວນຮັດແໜ້ນຄວາມສາມັກຄີ ແລະ ການພົວພັນຮ່ວມມືໃນໄລຍະຕໍ່ໜ້າ. ພ້ອມກັບເນັ້ນໜັກຄວາມເຊື່ອໝັ້ນທາງການເມືອງສູງລະຫວ່າງຫວຽດນາມ - ສິງກະໂປ ເປັນຄວາມສະດວກອັນໃຫຍ່ຫຼວງ ເພື່ອທີ່ສອງຝ່າຍສາມາດຊຸກຍູ້ການຮ່ວມມືເຊັ່ນ ການພັດທະນາແຫຼ່ງກຳລັງບຸກຄະລາກອນ; ຊຸກຍູ້ການພັດທະນາການທ່ອງທ່ຽວທີ່ຍືນຍົງ; ເປີດກວ້າງການທູດປະຊາຊົນ...
ທ່ານເອກອັກຄະລັດຖະທູດ Jaya Ratnam ໃຫ້ຊາບວ່າ ບັນດາວິສາຫະກິດຜູ້ປະກອບການຊາວສິງກະໂປມີຄວາມຄາດຫວັງເປີດກວ້າງການລົງທຶນໃສ່ຮ່າໂນ້ຍ ແລະ ບັນດາທ້ອງຖິ່ນໃກ້ຄຽງ, ສະເໜີໃຫ້ສອງຝ່າຍຄວນມີການເຊື່ອມໂຍງແລກປ່ຽນໂດຍໄວ ເພື່ອໃຫ້ມີພາສາຮຽກຮ່ວມກັນ, ຊຸກຍູ້ການຮ່ວມມືໃນບັນດາຂົງເຂດທີ່ຮ່າໂນ້ຍໃຫ້ຄວາມສົນໃຈ.
ທ່ານທູດຫວັງວ່າ ດ້ວຍ “ການເຄື່ອນໄຫວລະອຽດ, ຜົນໄດ້ຮັບສະເພາະ” ແມ່ນທິດທາງການຮ່ວມມື, ຮ່າໂນ້ຍ ແລະ ສິງກະໂປ ຈະມີທ່າປ່ຽນແຜນຄາດຫວັງການຮ່ວມມືໃຫ້ກາຍເປັນການເຄື່ອນໄຫວແທ້ຈິງໂດຍໄວ, ປະກອບສ່ວນຢ່າງແທດຈິງເຂົ້າໃນໂອກາດລະນຶກ 50 ປີ ຄົບຮອບວັນສ້າງຕັ້ງການພົວພັນການທູດ ກໍຄື 10 ປີ ຄົບຮອບວັນສ້າງຕັ້ງການພົວພັນຍຸດທະສາດ ຫວຽດນາມ - ສິງກະໂປ ໃນປີ 2023.
ວິລະຊົນ
