| ສະມາຄົມມິດຕະພາບ ສ. ເກົາຫຼີ - ຫວຽດນາມ ໄດ້ມອບຜ້າບັງປາກ 5,000 ຜືນ ໃຫ້ ຊາວຫວຽດນາມ ຢູ່ ສ. ເກົາຫຼີ | |
| ລັດຖະບານ ສ.ເກົາຫຼີ ຮັບຮອງເອົາຂໍ້ຕົກລົງສຸດຍອດລະຫວ່າງ ສ.ເກົາຫຼີ ແລະ ສປປ.ເກົາຫຼີ |
ສອງຝ່າຍເປັນເອກະພາບບັນຫາສຳຄັນໃນປີ 2022 ເຊັ່ນ ການຈັດຕັ້ງຜັນຂະຫຍາຍກິດຈະກຳຕ່າງໆເພື່ອລະນຶກຄົບຮອບ 30 ປີ ການສ້າງຕັ້ງສາຍພົວພັນການທູດ, ຍົກລະດັບການພົວພັນສອງປະເທດຂຶ້ນເປັນ “ຄູ່ຮ່ວມມືຍຸດທະສາດຮອບດ້ານ”, ຈັດຕັ້ງການຢ້ຽມຢາມ ແລະ ພົບປະລະຫວ່າງການນຳຂັ້ນສູງສອງປະເທດໃຫ້ໄດ້ດີ, ຜັນຂະຫຍາຍຢ່າງມີປະສິດທິພາບໃນບັນດາກົນໄກການຮ່ວມມືທີ່ມີໃນປັດຈຸບັນ ແນໃສ່ເພື່ອນຳມາເຊິ່ງຜົນປະໂຫຍດທີ່ແທ້ຈິງໃຫ້ແກ່ສອງປະເທດ.
 |
| ຫວຽດນາມ - ສ.ເກົາຫຼີ ເພີ່ມທະວີການຮ່ວມມືອັນເລິກເຊິງໃນຫຼາຍຂົງເຂດ. ພາບ: vietnamnet |
ລັດຖະມົນຕີ ບຸ່ຍແທງເຊີນ ຢືນຢັນວ່າ ຫວຽດນາມມີຄວາມມຸ້ງຫວັງທີ່ຈະຂະຫຍາຍການຮ່ວມມືໃຫ້ເລິກເຊິ່ງກວ່າເກົ່າກັບສ.ເກົາຫຼີ; ສະເໜີໃຫ້ ສ.ເກົາຫຼີ ສືບຕໍ່ພິຈາລະນາຕອບສະໜອງບັນດາການກູ້ຢືມກ້ອນໃຫຍ່, ເງື່ອນໄຂບຸລິມະສິດໃຫ້ແກ່ໂຄງການພື້ນຖານໂຄງລ່າງຕ່າງໆ ແລະ ໂຄງການຊ່ວຍເຫຼືອການຍົກສູງຄວາມສາມາດໃນການຮັບມືກັບການປ່ຽນແປງຂອງສະພາບອາກາດ; ສືບຕໍ່ເຄື່ອນໄຫວການຮ່ວມມືທີ່ເລິກເຊິ່ງທາງດ້ານແຮງງານ, ການທ່ອງທ່ຽວ, ການສຶກສາ ແລະ ການພົບປະປະຊາຊົນ... ລັດຖະມົນ ບຸ່ຍແທງເຊີນ ກໍຍັງສະເໜີໃຫ້ ສ.ເກົາຫຼີ ດຳເນີນການຮັບຮອງໜັງສືຜ່ານແດນສຸຂະພາບເອເລັກໂຕນິກຂອງຫວຽດນາມໃຫ້ສຳເລັດໂດຍໄວ, ສືບຕໍ່ຊ່ວຍເຫຼືອຫວຽດນາມຍົກສູງຄວາມສາມາດໃນການຕ້ານສະກັດກັ້ນພະຍາດໂຄວິດ-19.
ລັດຖະມົນຕີ Chung Eui Yong ຢືນຢັນວ່າ ຫວຽດນາມ ເປັນຄູ່ຮ່ວມມືທີ່ສຳຄັນລະດັບຕົ້ນຂອງ ສ.ເກົາຫຼີ, ພ້ອມກັນນັ້ນ ຍັງນຳສະເໜີວິທີທາງລະອຽດໃນການຮ່ວມມືອັນເລິກເຊິ່ງຂອງສອງຝ່າຍໃນຂົງເຂດການເມືອງ - ການທູດ, ປ້ອງກັນຊາດ - ປ້ອງກັນຄວາມສະຫງົບ, ເສດຖະກິດ - ການຄ້າ, ສາທາລະນະສຸກ - ວິທະຍາສາດເຕັກໂນໂລຊີ, ວັດທະນະທຳ ແລະ ການພົບປະແລກປ່ຽນຂອງປະຊາຊົນສອງປະເທດ.
ສອງຝ່າຍປຶກສາຫາລືກ່ຽວກັບສະພາບການພາກພື້ນ ແລະ ສາກົນ, ເອກະພາບກັນເພີ່ມທະວີການປະສານງານໃນບັນດາກົນໄກ, ເວທີປາໄສຫຼາຍຝ່າຍ, ເປັນຕົ້ນແມ່ນໃນສະຫະປະຊາຊາດ.
ວິລະຊົນ
