| ເຝີຫວຽດນາມຜ່ານທະລຸເຂົ້າໄປໃນສຸດຍອດບັນດາປະເພດອາຫານທີ່ມີນ້ຳຊຸບແຊບທີ່ສຸດໃນໂລກ | |
| ມີຜະລິດຕະພັນກະເສດ, ສິນໃນນ້ຳ ຫວຽດນາມ ກວ່າ 1000 ຊະນິດໄດ້ສົ່ງອອກໄປຍັງຈີນ |
ຕາມຂໍ້ມູນຈາກນັກຂ່າວສຳນັກຂ່າວສານຫວຽດນາມທີ່ຝຣັ່ງ: ຢໍ່ຈືນຂອງຫວຽດນາມໄດ້ກາຍເປັນໜຶ່ງໃນປະເພດອາຫານທີ່ໄດ້ຄວາມນິຍົມຊົມຊອບທີ່ສຸດຂອງຄົນຝຣັ່ງ.
ດ້ວຍຫົວຂໍ້ທີ່ວ່າ: “ຄົນຝຣັ່ງນິຍົມລີ້ມລອງປະເພດອາຫານທີ່ແປກປະຫຼາດ”, ໂທລະພາບຊ່ອງ TF1 ໃນວັນທີ 7 ກຸມພາ ໄດ້ຖ່າຍທອດອອກລາຍການກ່ຽວກັບທ່າອ່ຽງຂອງຄົນຝຣັ່ງທີ່ນັບມື້ນັບນິຍົມຊົມຊອບໃນອາຫານຕ່າງປະເທດ.
 |
| ພາບປະກອບ |
ນັກຂ່າວໃຫ້ຊາບວ່າ ສິ່ງດັ່ງກ່າວນີ້ບໍ່ແມ່ນເປັນສິ່ງທີ່ໃໝ່, ໃນຊ່ວງ 10 ປີ ຄືນຫຼັງມານີ້ ທ່າອ່ຽງດັ່ງກ່າວນັບມື້ນັບຊັດເຈນຂຶ້ນເລື້ອຍໆ.
ເທິງຊັ້ນວາງສິນຄ້າຕ່າງໆໃນຫ້າງຊັບພະສິນຄ້າ Carrefour, ສິນຄ້າບໍລິໂພກ ແລະ ຜະລິດຕະພັນອາຫານທີ່ມາຈາກເມັກຊີໂກ, ຫວຽດນາມ ຫຼື ຈາກອິນເດຍ ນັບມື້ນັບດຶງດູດລູກຄ້າຜູ້ຊົມໃຊ້.
ຕາມຂໍ້ມູນຈາກທ່ານ Stefen Bompas, ຜູ້ຈັດການດ້ານປະສົບການລູກຄ້າຂອງຫ້າງຊັບພະສິນຄ້າ Carrefour ໃຫ້ຊາບວ່າ: ກ່ອນໜ້ານີ້ຢູ່ຫ້າງຊັບພະສິນຄ້າຂອງກຸ່ມເຄື່ອຄ່າຍ ມີພຽງ 1-2 ມູມນ້ອຍທີ່ມີບາງຜະລິດຕະພັນຂອງບາງຈຳນວນໜ້ອຍຈາກປະເທດບ້ານໃກ້ເຮືອນຄຽງ, ແຕ່ໃນປັດຈຸບັນນີ້ ສິນຄ້າຂອງນັບກວ່າສິບປະເທດໄດ້ນຳເຂົ້າຢາຍເຕັມ 2 ຮອດ 3 ແຖວຊັ້ນວາງສິນຄ້າ.
ປັດຈຸບັນ, ຫ້າງຊັບພະສິນຄ້າ Carrefour ນຳສະເໜີຜະລິດຕະພັນຂາຍຫຼາຍກວ່າ 3,000 ປະເພດທີ່ມາຈາກ 24 ຊາດ, ໃນນັ້ນບໍ່ມີພຽງແຕ່ຜະລິດຕະພັນທີ່ມາຈາກປະເທດບ້ານໃກ້ເຮືອນຄຽງຄື: ອີຕາລີ, ປອັກຕຸຍການ ແລະ ສະເປນ ເທົ່ານັ້ນ ແຕ່ຍັງມີຜະລິດຕະພັນສະເພາະທີ່ມາຈາກແດນໄກເຊັ່ນ: ຫວຽດນາມ, ໄທ, ຍີ່ປຸ່ນ ຫຼື ຈາກ ເມັກຊີໂກ, ບຣາຊິວ ຂອງທະວີບອາເມລິກາໃຕ້.
ລາຍຮັບຈາກຜະລິດຕະພັນອາຫານ ແລະ ການກະເສດຕ່າງໆທີ່ນຳເຂົ້າ ໄດ້ເພີ່ມຂຶ້ນ 20% ໃນປີກາຍ ແລະ ປັດຈຸບັນກຳລັງຖືວ່າເປັນ “ບໍ່ຄຳ” ທີ່ເຕັມໄປດ້ວຍທ່າແຮງເພື່ອໃຫ້ເຄືອຄ່າຍຫ້າງຊັບພະສິນຄ້າໄດ້ຂຸດຄົ້ນເອົາ.
ຂໍ້ມູນສະຖິຕິຂອງຄະນະບໍລິຫານງານເຄື່ອຄ່າຍຫ້າງຊັບພະສິນຄ້າ Carrefour ຢູ່ຝຣັ່ງໃຫ້ເຫັນວ້າຕົວເລກຂອງບັນດາຜະລິດຕະພັນອາຫານຕ່າງປະເທດໄດ້ເປັນຄວາມນິຍົມຊົມຊອບທີ່ສຸດ. ໃນນັ້ນ, ຊູຊິຂອງຍີ່ປຸ່ນຢືນອັນດັບໜຶ່ງ ກວມ 45% ຂອງລາຍຮັບໃນປະເພດສິນຄ້າຕ່າງປະເທດ, ຕໍ່ມາແມ່ນ ປັອບຄອນ ແລະ ໂກ່ໂກ້ ແລະ ມາກໂກຣນີຂອງອາເມລິກາ.
ຢໍ້ຈືນທີ່ເປັນມູນເຊື້ອຂອງຫວຽດນາມ ຢືນຢູ່ອັນດັບທີສາມ ກວມ 19% ຂອງລາຍຮັບສິນຄ້າຕ່າງປະເທດໃນປີຜ່ານມາ.
ວິລະຊົນ
