| ສະຫະລັດອາເມລິກາ ຈະບໍ່ຈຳກັດການຄ້າຕໍ່ສິນຄ້າສົ່ງອອກຂອງຫວຽດນາມ | |
| ຫວຽດນາມ: ຍອດມູນຄ່າສິນຄ້າສົ່ງອອກ-ນໍາເຂົ້າຂອງທົ່ວປະເທດບັນລຸ 1,67 ຕື້ໂດລາສະຫະລັດ, ເພີ່ມຂຶ້ນ 53% ເມື່ອທຽບໃສ່ໄລຍະບຸນເຕັດປີຊວດ 2020 |
ສິນຄ້າກະສິກຳການກະເສດຈຳນວນຫຼາຍທີ່ສົ່ງອອກໄປຈີນຕິດຄ້າງຢູ່ທ່າກ່ຳປັ່ນ, ຫ້ອງການ SPS ຫວຽດນາມໄດ້ຮ້ອງຟ້ອງຢ່າງຮີບດ່ວນເຖິງສະຖານທູດຫວຽດນາມທີ່ປະເທດຈີນ ເພື່ອສະເໜີກັບກົມໃຫຍ່ພາສີປະເທດຈີນປະສານສົມທົບໃນການແກ້ໄຂສະສາງອອກ.
ວັນທີ 9 ກຸມພາ, ຫ້ອງການສອບຖາມ ແລະ ແຈ້ງການແຫ່ງຊາດກ່ຽວກັບການລະບາດວິທະຍາ ແລະ ກັກກັນພືດ-ສັດຫວຽດນາມ (ຫ້ອງການ SPS ຫວຽດນາມ) ໃຫ້ຊາບວ່າ: ໄດ້ອອກໜັງສືສະເໜີຮ້ອງຟ້ອງຢ່າງຮີບດ່ວນ ແລະ ສົ່ງເຖິງສະຖານທູດຫວຽດນາມທີ່ປະເທດຈີນໃນວັນທີ 8 ກຸມພາ.
 |
| ພາບປະກອບ |
ທ່ານ ໂງຊວນນາມ ຮອງຫົວໜ້າຫ້ອງການ SPS ຫວຽດນາມ ກ່າວວ່າ: ໜັງສືສະເໜີຮ້ອງຟ້ອງນີ້ແມ່ນສືບເນື່ອງມາຈາກການສ່ອງແສງຂອງບັນດາວິສາຫະກິດຜູ້ປະກອບການທີ່ກຳລັງນຳສົ່ງສິນຄ້າກະສິກຳການກະເສດໄປຍັງຈີນ ທີ່ຍັງພົບກັບບາງຂໍ້ຂ້ອງຄາໃຈ.
ລະອຽດນັ້ນ ທ່ານ ນາມ ໃຫ້ຊາບວ່າ: ຕາມຄຳແນະນຳໃນແຈ້ງການ ເລກທີ 353 ວັນທີ 27 ກັນຍາ 2021 ຂອງກົມໃຫຍ່ພາສີປະເທດຈີນ, ໃນບາງວິສາຫະກິດທີ່ໄດ້ຍື່ນສຳນວນຈົດທະບຽນກັບອົງການທີ່ມີສິດອຳນາດຂອງຫວຽດນາມກ່ອນວັນທີ 1 ພະຈິກ 2021. ວິສາຫະກິດດັ່ງກ່າວໄດ້ມີບັນຊີສິນຄ້າທີ່ໄດ້ຜ່ານໃນທ່າກຳປັ່ນສົ່ງອອກຂອງຫວຽດນາມ, ໄດ້ມີໜັງສືແຈ້ງພາສີກ່ອນວັນທີ 1 ມັງກອນ 2022 ແຕ່ຍັງບໍ່ໄດ້ຮັບລະຫັດທີ່ກົມໃຫຍ່ພາສີປະເທດຈີນອອກໃຫ້.
ກໍຄືດັ່ງຕາມຂໍ້ມູນຂອງຫ້ອງການ SPS ຫວຽດນາມນັ້ນ, ຜູ້ປະກອບການ 6 ວິສາຫະກິດ ໄດ້ຍື່ນສຳນວນຈົດທະບຽນກັບອົງການສິດອຳນາດຂອງຫວຽດນາມຕາມຄຳແນະນຳຂອງກົມໃຫຍ່ພາສີປະເທດຈີນ ແຕ່ຍັງບໍ່ໄດ້ຮັບລະຫັດຈາດກົມໃຫຍ່ພາສີປະເທດຈີນອອກໃຫ້.
ຍ້ອນແນວນັ້ນ, ຫ້ອງການ SPS ຫວຽດນາມ ຈຶ່ງສະເໜີຫາກົມໃຫຍ່ພາສີປະເທດຈີນ ໃຫ້ອະນຸຍາດຜູ້ປະກອບການວິສາຫະກິດດັ່ງກ່າວໄດ້ນຳສົ່ງອອກຈຳນວນສິນຄ້າທີ່ໄດ້ກ່າວຂ້າງເທິງ, ກໍຄືການອອກລະຫັດເລກຜະລິດຕະພັນໃຫ້ແກ່ຜູ້ປະກອບການສາມາດດຳເນີນການຈົດທະບຽນຖືກຕ້ອງຕາມຂັ້ນຕອນລະບຽບການທີ່ແນະນຳ.
ໃນໜັງສືສະເໜີຮ້ອງຟ້ອງນັ້ນ, ຫ້ອງການ SPS ຫວຽດນາມ ສະເໜີຫ່ສະຖານທູດຫວຽດນາມທີ່ປະເທດຈີນ ປະສານສົມທົບສະເໜີກົມໃຫຍ່ພາສີປະເທດຈີນກວດກາສຳນວນຂອງລະຫັດ 7 ປະເພດຜະລິດຕະພັນທີ່ບໍ່ໄດ້ນອນໃນສິດອຳນາດຄຸ້ມຄອງຂອງກົມຄວາມປອດໄພທາງອາຫານ (ກະຊວງສາທາລະນະສຸກ); ສະເໜີອອກລະຫັດຜ່ານຄືນໃຫ້ແກ່ວິສາຫະກິດ ແລະ ລະຫັດຜ່ານໃຫ້ແກ່ອົງການສິດອຳນາດຂອງຫວຽດນາມໂດຍແມ່ນກົມອະນາໄມສັດ (ກະຊວງກະສິກຳ-ພັດທະນາຊົນນະບົດ).
ທ່ານ ໂຊຊວນນາມ ເນັ້ນໜັກວ່າ: ໃນໄລຍະຜ່ານມາ, ສະຖານທູດຫວຽດນາມທີ່ປະເທດຈີນ ໄດ້ຊ່ວຍເຫຼືອຢ່າງຕັ້ງໜ້າໃຫ້ແກ່ຫ້ອງການ SPS ຫວຽດນາມກ່ຽວກັບການຈົດທະບຽນວິສາຫະກິດສົ່ງອອກຜະລິດຕະພັນອາຫານກະສິກຳການກະເສດໄປຍັງຈີນ ໃຫ້ຮັບປະກັນຂໍ້ກຳນົດໃນຄຳສັ່ງ 248, ຄຳສັ່ງ 249 ຂອງກົມໃຫຍ່ພາສີປະເທດຈີນ.
ອັບເດດຜົນໄດ້ຮັບເຖິງວັນທີ 8 ກຸມພາ, ຈີນໄດ້ພິຈາລະນາແລ້ວ 1.528 ລະຫັດຜະລິດຕະພັນອາຫານກະສິກຳການກະເສດຂອງຫວຽດນາມທີ່ໄດ້ສົ່ງອອອກເຂົ້າໄປຍັງປະເທດຈີນ.
ກ່ອນໜ້ານັ້ນ, ໃນທ້າຍເດືອນມັງກອນ ຫ້ອງການ SPS ຫວຽດນາມ ຮັບການຮ້ອງຂໍຂອງບາງວິສາຫະກິດສົ່ງອອກກາເຟ, ເມັດມະມ່ວງຫິມມະພານ, ເຂົ້າສານ ກ່ຽວກັບການທີ່ຜູ້ກອບການໄດ້ຈົດທະບຽນກັບອົງການສິດອຳນາດຂອງຫວຽດນາມກ່ອນວັນທີ 1 ພະຈິກ 2021, ໄດ້ມີບັນຊີສິນຄ້າ, ໄດ້ດຳເນີນຂັ້ນຕອນເປີດແຈ້ງພາສີຕ່າງໆ, ໄດ້ຈົດທະບຽນອອກເຮືອກຳປັ່ນ… ແຕ່ກົມໃຫຍ່ພາສີປະເທດຈີນຍັງຄົງບໍ່ທັນພິຈາລະນາບັນຊີລາຍຊື່ວິສາຫະກິດ ແລະ ອອກລະຫັດຜະລິດຕະພັນ.
ໃນທັນທີນັ້ນ, ຫ້ອງການ SPS ຫວຽດນາມ ໄດ້ສະເໜີບັນດາສະຫະພັນລວມລວບຄຳເຫັນສ່ອງແສງຈາກບັນດາວິສາຫະກິດ ເພື່ອແກ້ໄຂສະສາງຂໍ້ຂ້ອງຄາໃຈໃຫ້ທັນເວລາໃນເວລາຈົດທະບຽນສົ່ງອອກຜະລິດຕະພັນອາຫານກະສິກຳການກະເສດເຂົ້າໄປຍັງຕະຫຼາດປະເທດຈີນ.
ວິລະຊົນ
