ມີຜະລິດຕະພັນກະເສດ, ສິນໃນນ້ຳ ຫວຽດນາມ ກວ່າ 1000 ຊະນິດໄດ້ສົ່ງອອກໄປຍັງຈີນ

08:56 | 30/12/2021

ຍສໝ - ກົມໃຫຍ່ພາສີອາກອນ ຈີນ ໄດ້ອະນຸມັດລະຫັດຜະລິດຕະພັນ 31.988 ຊະນິດໃຫ້ແກ່ບັນດາວິສາຫະກິດຕ່າງປະເທດສົ່ງອອກໄປຍັງຈີນ, ໃນນັ້ນມີລະຫັດຜະລິດຕະພັນ 1.045 ຊະນິດໃຫ້ແກ່ບັນດາວິສາຫະກິດ ຫວຽດນາມ.

	320 ລະຫັດຜະລິດຕະພັນຂອງຫວຽດນາມ ໄດ້ຮັບໃບອະນຸຍາດ ສົ່ງອອກໄປຍັງຈີນ
	ຈີນຢຸດຕິການນຳເຂົ້າສິນຄ້າຜ່ານດ່ານຊາຍແດນມອງກ໊າຍ, ບໍ່ຮູ້ມື້ໃດຈະເປີດຄືນ

ມີຜະລິດຕະພັນກະເສດ, ສິນໃນນ້ຳ ຫວຽດນາມ ກວ່າ 1000 ຊະນິດໄດ້ສົ່ງອອກໄປຍັງຈີນ (ພາບ: baodautu.vn)

ຕາມຫ້ອງການ SPS ຫວຽດນາມ (ກະຊວງກະສິກຳ ແລະ ພັດທະນາຊົນນະບົດ), ກົມໃຫຍ່ພາສີອາກອນ ຈີນ ພວມອັບເດດໝາກຜົນອະນຸມັດໃຫ້ວິສາຫະກິດ ທີ່ໄດ້ຮັບອະນຸຍາດສົ່ງອອກຜະລິດຕະພັນກະເສດ, ສະບຽງອາຫານ ຂອງບັນດາປະເທດ, ໃນນັ້ນຫວຽດນາມ ເຂົ້າຕະຫຼາດຈີນ ແລະ ລະຫັດຜະລິດຕະພັນເພື່ອໃຫ້ວິສາຫະກິດພິມຫຸ້ມຫໍ່, ຍີ່ຫໍ້...

ໄລ່ຮອດເວລາ 17 ໂມງຂອງວັນທີ 24 ທັນວາ ປີ 2021, ກົມໃຫຍ່ພາສີອາກອນຈີນ ໄດ້ອະນຸມັດລະຫັດຜະລິດຕະພັນກະເສດ, ສະບຽງອາຫານ 31.988 ໃຫ້ແກ່ວິສາຫະກິດຕ່າງປະເທດສົ່ງອອກໄປຍັງຈີນ, ໃນນັ້ນມີຜະລິດຕະພັນ 1.045 ຊະນິດໃຫ້ແກ່ບັນດາວິສາຫະກິດ ຫວຽດນາມ.

ຫ້ອງວ່າການ SPS ຫວຽດນາມ ກໍ່ເນັ້ນວ່າ ແຕ່ລະຜະລິດຕະພັນຂອງວິສາຫະກິດ, ກົມໃຫຍ່ພາສີອາກອນຈີນ ຈະໄດ້ອອກ 01 ລະຫັດ. ດັ່ງນັ້ນ, ວິສາຫະກິດ 01 ແຫ່ງອາດຈະໄດ້ອອກຫຼາຍລະຫັດສິນຄ້າ.

ຍິ່ງໃກ້ກັບວັນທີ 1 ມັງກອນ ປີ 2022, ໂດຍແມ່ນຈຸດເວລາ ຈີນນຳໃຊ້ຄຳສັ່ງເລກທີ 248 ກ່ຽວກັບ “ຂໍ້ກຳນົດຈົດທະບຽນວິສາຫະກິດຜະລິດສະບຽງອາຫານຕ່າງປະເທດໃນການນຳເຂົ້າ” ແລະ ຄຳສັ່ງເລກທີ 249 ກ່ຽວກັບ “ມາດຕະການຄຸ້ມຄອງຫຼັກອະນາໄມສະບຽງອາຫານສົ່ງອອກນຳເຂົ້າ”, ຈຳນວນລະຫັດຜະລິດຕະພັນທີ່ໄດ້ອອກໃຫ້ ນັບມື້ຈະຍິ່ງເພີ່ມຂຶ້ນໂດຍໄວ.

ກ່ອນໜ້ານັ້ນ, ຕາມສະຖິຕິເບື້ອງຕົ້ນ ໄລ່ຮອດເວລາ 11 ໂມງຂອງວັນທີ 24 ທັນວາ, ກົມໃຫຍ່ພາສີອາກອນຈີນ ຫາກໍ່ອະນຸມັດລະຫັດຜະລິດຕະພັນ 20.172 ລະຫັດໃຫ້ແກ່ບັນດາວິສາຫະກິດຕ່າງປະເທດທີ່ນຳເຂົ້າຜະລິດຕະພັນສະບຽງອາຫານເຂົ້າຈີນ, ໃນນັ້ນ: ອາເມລິກາ: 2.200, ຍີ່ປຸ່ນ: 987, ອົດສະຕາລີ 546, ສ.ເກົາຫຼີ 588, ການາດາ: 482, ມາເລເຊຍ: 372, ໄທ: 483, ຫວຽດນາມ: 320, ອິນເດຍ: 279, ອິນໂດເນເຊຍ: 270, ຟີລິບປິນ: 70 ແລະ ປະເທດຕ່າງໆ.

ວິສາຫະກິດ ຫວຽດນາມ ອາດຈະອັບເດດຂໍ້ມູນກ່ຽວກັບເລື່ອງຈີນໃຫ້ອະນຸມັດລະຫັດຜະລິດຕະພັນໃຫ້ແກ່ບັນດາວິສາຫະກິດຕ່າງປະເທດຕາມ link: https://ciferquery.singlewindow.cn/

ບຸນຄົງ