 |
| ທ່ານປະທານສະພາແຫ່ງຊາດ ເວືອງດິ່ງເຫ້ວ (ພາບ: vov.vn) |
ໂດຍຕາງໜ້າສະພາແຫ່ງຊາດ ຫວຽດນາມ ແລະ ໃນນາມສ່ວນຕົວ, ທ່ານປະທານສະພາແຫ່ງຊາດ ເວືອງດິ່ງເຫ້ວ ໄດ້ສົ່ງຄຳອວຍພອນທີ່ສຸດອົກສຸດໃຈໄປຍັງ ທ່ານປະທານສະພາສູງອົດສະຕາລີ Slade Brockman ແລະ ທ່ານປະທານສະພາຕ່ຳອົດສະຕາລີ Andrew Wallace, ອວຍພອນໃຫ້ປະເທດອົດສະຕາລີ ຈະເລີນຮຸ່ງເຮືອງ, ມີຄວາມຜາສຸກ, ພ້ອມກັນນັ້ນ, ທ່ານກໍສະແດງຄວາມປິຕິຊົມຊື່ນເມື່ອເຫັນການພົວພັນຄູ່ຮ່ວມມືຍຸດທະສາດ ຫວຽດນາມ - ອົດສະຕາລີ ໃນໄລຍະຜ່ານມາ ໂດຍບໍ່ຫົວຊາຕໍ່ໂລກລະບາດໂຄວິດ - 19 ຍັງໄດ້ຮັບການຮັກສາ, ປັບປຸງ ແລະ ພັດທະນາໃຫ້ດີງາມກ່ວາອີກ.
ໃນຈົດໝາຍສົ່ງໄປຍັງທ່ານທ່ານປະທານສະພາສູງອົດສະຕາລີ Slade Brockman, ທ່ານປະທານສະພາແຫ່ງຊາດ ຊີ້ແຈ້ງວ່າ ການພົວພັນຮ່ວມມືລະຫວ່າງສະພາແຫ່ງຊາດ ຫວຽດນາມ ແລະ ສະພາສູງ ອົດສະຕາລີ ສືບຕໍ່ພັດທະນາບົນພື້ນຖານຂໍ້ຕົກລົງທີ່ໄດ້ຮັບການລົງນາມລະຫວ່າງ ສະພາແຫ່ງຊາດ ຫວຽດນາມ ກັບລັດຖະສະພາ ອົດສະຕາລີ ໃນປີ 2013. ທ່ານປະທານສະພາແຫ່ງຊາດ ຢັ້ງຢືນວ່າ ສະພາແຫ່ງຊາດ ຫວຽດນາມ ແລະ ທ່ານ ພ້ອມແລ້ວທີ່ຈະຮ່ວມມືກັບປະທານ ແລະ ສະພາສູງ ອົດສະຕາລີ ເພື່ອແລກປ່ຽນບົດຮຽນປະສົບການໃນຂົງເຂດນິຕິກຳ ແລະ ບັນດາບັນຫາສາກົນ ທີ່ຕ່າງຝ່າຍຕ່າງມີຄວາມສົນໃຈ, ປະກອບສ່ວນນຳການພົວພັນຮ່ວມມືລະຫວ່າງລັດຖະສະພາສອງປະເທດໃຫ້ສົມກັບເປັນການພົວພັນຄູ່ຮ່ວມມືຍຸດທະສາດ ຫວຽດນາມ - ອົດສະຕາລີ, ເພື່ອຜົນປະໂຫຍດລວມຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື, ພັດທະນາໃນພາກພື້ນ ແລະ ໃນໂລກ.
ໃນຈົດໝາຍສົ່ງໄປຍັງທ່ານປະທານສະພາຕ່ຳ Andrew Wallace, ທ່ານ ປະທານສະພາແຫ່ງຊາດ ໄດ້ແບ່ງປັນການຕີລາຄາສູງໝາກຜົນການເຈລະຈາທາງໄກ ກັບທ່ານປະທານສະພາຕ່ຳ Tony Smith ໃນວັນທີ 7 ມິຖຸນາ ປີ 2021, ຢັ້ງຢືນຈະສືບຕໍ່ຮ່ວມມືກັບທ່ານປະທານສະພາຕ່ຳ Andrew Wallace ຢ່າງແໜ້ນແຟ້ນ ກໍ່ຄືສະພາຕ່ຳ ອົດສະຕາລີ ປະຕິບັດຂໍ້ຕົກລົງການຮ່ວມມືທີ່ໄດ້ຮັບການລົງນາມ ລະຫວ່າງ ສະພາແຫ່ງຊາດ ຫວຽດນາມ ແລະ ລັດຖະສະພາອົດສະຕາລີ ໃນປີ 2013. ໃນໄລຍະຈະມາເຖິງ, ສະພາແຫ່ງຊາດ ຫວຽດນາມ ຫວັງວ່າຈະສົມທົບກັນກັບສະພາຕ່ຳອົດສະຕາລີ ຕິດຕາມບັນດາຂໍ້ຕົກລົງການຮ່ວມມືໄດ້ຮັບການລົງນາມລະຫວ່າງສອງປະເທດ ເພື່ອປະກອບສ່ວນຊຸກຍູ້ການພົວພັນຄູ່ຮ່ວມມືຍຸດທະສາດລະຫວ່າງສອງປະເທດ ພັດທະນາຢ່າງແທດຈິງ ແລະ ມີປະສິດທິຜົນ, ເພື່ອຜົນປະໂຫຍດຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື, ພັດທະນາໃນພາກພື້ນ ແລະ ໃນໂລກ.
ບຸນຄົງ
