| ວາດພາບບັນຍາກາດບຸນປີໃໝ່ປະຈໍາຊາດຫວຽດນາມ ຜ່ານເອກະສານສຳເນົາ | |
| ງານວາງສະແດງ “ບຸນເຕັດດັ້ງເດີມ” ວາງສະແດງເອກະສານ ແລະຮູບພາບທີ່ເປັນເອກະລັກສະເພາະກ່ວາ 100 ແຜ່ນກ່ຽວກັບບຸນປີໃໝ່ປະຈໍາຊາດ |
 |
| ທ່ານນາຍົກລັດຖະມົນຕີ ການາດາ Justin Trusdeau ສົ່ງຄຳອວຍພອນບຸນປີໃໝ່ໄປຍັງຊາວຫວຽດນາມອາໄສຢູ່ການາດາ (ພາບ: TTXVN) |
ນັ້ນແມ່ນຄຳອວຍພອນທີ່ອົບອຸ່ນຂອງ ທ່ານນາຍົກລັດຖະມົນຕີ ການາດາ Justin Trusdeau ທີ່ສະຫງວນໃຫ້ແກ່ປະຊາຄົມຊາວຫວຽດນາມ ອາໄສຢູ່ການາດາ ໃນຍາມບຸນເຕັດປະຈຳຊາດທີ່ໃກ້ຈະວຽນມາ.
ຕາມສຳນັກຂ່າວສຳນັກຂ່າວສານ ຫວຽດນາມ ປະຈຳ Ottawa ແລ້ວ, ວັນທີ 22 ມັງກອນ, ພໍ່ແມ່ປະຊາຊົນຊາວຫວຽດນາມ ອາໄສຢູ່ ການາດາ ໄດ້ຕັ້ງໜ້າເຂົ້າຮ່ວມລາຍການຕ້ອນຮັບບຸນເຕັດປະຈຳຊາດ ໂດຍສະຖານທູດ ຫວຽດນາມ ປະຈຳ ການາດາ ສົມທົບກັບສະມາຄົມການາດາ - ຫວຽດນາມ ຈັດຕັ້ງແບບທາງໄກ.
ລາຍການໄດ້ຈັດຕັ້ງຢ່າງພິຖິພິຖັນດ້ວຍຫົວຂໍ້ “ພັດທະນາປະຊາຄົມ, ເປີດກ້ວາງການຄ້າ ແລະ ການສຶກສາ”, ໂດຍມີການເຂົ້າຮ່ວມຂອງ ທ່ານນາງ Mara Ng ລັດຖະມົນຕີຮັບຜິດຊອບການຄ້າສາກົນ, ສົ່ງເສີມການລົງທຶນ, ວິສາຫະກິດຂະໜາດໜ້ອຍ ແລະ ພັດທະນາເສດຖະກິດຂອງ ການາດາ, ທ່ານ Peter M.Boehm ສະມາຊິກ ສະພາສູງ ປະທານຄະນະກຳມະການພົວພັນຕ່າງປະເທດ ສະພາສູງ ການາດາ, ທ່ານສະມາຊິກສະພາສູງ Victor Oh, ເຈົ້າຄອງນະຄອນ Toronta John Tory , ເອກອັກຄະລັດຖະທູດ ບັນດາປະເທດອາຊຽນ, ທ່ານ ຫງວຽນກວາງຈຸງ ຫົວໜ້າສະຖານກົງສູນໃຫຍ່ ຫວຽດນາມ ປະຈຳ Vancouver , ທ່ານ Paul Thoppil ຜູ້ຊ່ວຍວຽກຮອງລັດຖະມົນຕີການຕ່າງປະເທດ, ພ້ອມກັບເຈົ້າໜ້າທີ່, ບັນດາສື່ມວນຊົນ ແລະ ເພື່ອນມິດ ການາດາ.
ກ່າວຄຳເຫັນໄຂລາຍການ, ທ່ານເອກອັກຄະລັດຖະທູດ ຫວຽດນາມ ປະຈຳ ການາດາ ຟ້າມກາວຟອງ ໄດ້ສະແດງຄວາມປິຕິຊົມຊື່ນ ເມື່ອຫວນຄືນບັນດາບາດກ້າວພັດທະນາໃຫຍ່ໃນການພົວພັນສອງຝ່າຍ, ໂດຍບໍ່ຫົວຊາຕໍ່ປີ 2021 ທີ່ເຕັມໄປດ້ວຍຄວາມຫຍຸ້ງຍາກຈາກໂລກລະບາດໂຄວິດ - 19. ສອງປະເທດໄດ້ເຫັນປະຈັກຕາ ບາງການພົບປະ, ການເຈລະຈາລະຫວ່າງນາຍົກລັດຖະມົນຕີ ສອງທ່ານ ແລະ ບາງລັດຖະມົນຕີ.
ສອງອາທິດກ່ອນນີ້, ຄະນະກຳມະການປະສົມກ່ຽວກັບດ້ານເສດຖະກິດ (JEC) ລະຫວ່າງ ຫວຽດນາມ ແລະ ການາດາ ໄດ້ສ້າງຕັ້ງ, ສ້າງກຳໄລໄດ້ດີກ່ວາໃຫ້ແກ່ການຄ້າ ແລະ ການລົງທຶນລະຫວ່າງສອງຝ່າຍ. ທ່ານເອກອັກຄະລັດຖະທູດ ກໍ່ເນັ້ນໜັກວ່າ ຈະປະກອບສ່ວນໃຫ້ແກ່ບັນດາວິສາຫະກິດ ການາດາ ເຊື້ອຊາດຫວຽດນາມ ໃນຂີດໝາຍສຳຄັນຂອງການພົວພັນການຄ້າ, ວົງການການແລກປ່ຽນການຄ້າສອງຝ່າຍໄດ້ເພີ່ມຂຶ້ນ 19% ໃນປີ 2021.
ທ່ານເອກອັກຄະລັດຖະທູດ ໄດ້ຊີ້ແຈ້ງວ່າ ໜຶ່ງໃນບັນດາປະເທດທີ່ມີອັດຕາພັດທະນາໄວທີ່ສຸດໃນໂລກ, ລັດຖະບານ ແລະ ປະຊາຊົນ ຫວຽດນາມ ຈະສືບຕໍ່ມານະພະຍາຍາມພັດທະນາດ້ານເສດຖະກິດ, ຮັກສາສັນຕິພາບ, ຄວາມໝັ້ນຄົງແຫ່ງຊາດ. ຫວຽດນາມ ຫວັງວ່າຈະກາຍເປັນ ກຳລັງເສດຖະກິດໃໝ່ ໃນພາກພື້ນ. ເປົ້າໝາຍນີ້ພຽງແຕ່ບັນລຸໄດ້ເມື່ອມີການຮ່ວມມືກັບສາກົນ, ໃນນັ້ນມີຄວາມສຳຄັນຂອງການເຊື່ອມຕໍ່ດ້ານເສດຖະກິດ ຫວຽດນາມ - ການາດາ ທີ່ພວມນັບມື້ນັບເພີ່ມຂຶ້ນ.
ທ່ານນາງ Mary Ng ສະແດງຄວາມເຊື່ອໝັ້ນວ່າ ຄະນະກຳມະການປະສົມກ່ຽວກັບເສດຖະກິດຈະຊ່ວຍປັບປຸງການພົວພັນປະຊາຊົນ ເຊິ່ງໄດ້ມີຄວາມແໜ້ນແຟ້ນ ລະຫວ່າງສອງປະເທດ, ກໍ່ຄືຈະເພີ່ມທະວີການພົວພັນທາງການຄ້າ ທີ່ພວມພັດທະນາຢ່າງແຮງຂອງ ການາດາ ກັບ ຫວຽດນາມ.
ໃນຈຸດເວລາທີ່ສັກກະລະບູຊາ ເມື່ອບຸນເຕັດວຽນມາ, ພໍ່ແມ່ປະຊາຊົນທີ່ຢູ່ໄກກັບບ້ານເກີດເມືອງນອນ ໃນທຸກສະຖານທີ່ເຊື່ອມຕໍ່ໃນທົ່ວປະເທດ ການາດາ ທີ່ກວ້າງໃຫຍ່, ນັບແຕ່ Montreal, Ottawa, Toronto ຈົນຮອດ Saskatchewan, Nova Scotia, Vancouver,.. ລ້ວນແຕ່ເຕົ້າໂຮມກັນຢູ່ຊາຍຄາຮ່ວມ ແມ່ນສະຖານທູດ ຫວຽດນາມ ຢູ່ ການາດາ, ອວຍພອນໃຫ້ການເລີ່ມຕົ້ນປີໃໝ່ ດ້ວຍບັນດາສິ່ງທີ່ດີງາມທີ່ສຸດ.
ບຸນຄົງ
