| ບຸນເຕັດປະຈໍາຊາດ 2022: ເຜີຍແຜ່ວັດທະນະທຳ ຫວຽດນາມ ຢູ່ ອີຕາລີ ແລະ Cyprus | |
| ໝໍ້ເຂົ້າຕົ້ມທີ່ເຕັມໄປດ້ວຍນ້ຳໃຈບ້ານເກີດເມືອງນອນຂອງຊາວຫວຽດນາມ ອາໄສຢູ່ອົດສະຕາລີ |
 |
| ບັນດາແຂກຖືກເຊີນ (ພາບ: baoquocte.vn) |
ເຂົ້າຮ່ວມລາຍການມີຜູ້ຕາງໜ້າສະມາຄົມຊາວຫວຽດນາມ ອາໄສຢູ່ໂປໂລຍ, ບັນດາສະມາຄົມ, ໝູ່ຄະນະ, ບາງສະມາຄົມຊາວຫວຽດນາມ ອາໄສຢູ່ ໂປໂລຍ ແລະ ຜູ້ຕາງໜ້າເພື່ອນມິດໂປໂລຍທີ່ມາຈາກກະຊວງການຕ່າງປະເທດ, ສະມາຄົມສະມາຊິກມິດຕະພາບ ແລະ ສະມາຄົມມິດຕະພາບ ໂປໂລຍ - ຫວຽດນາມ.
ກ່າວຄຳເຫັນໄຂພິທີ, ທ່ານເອກອັກຄະລັດຖະທູດ ຫງວຽນຮຸ່ງ ໄດ້ຫວນຄືນບັນດາຜົນງານການພົວພັນພາຍໃນ, ການພົວພັນຕ່າງປະເທດທີ່ພົ້ນເດັ່ນຂອງ ຫວຽດນາມ ໃນປີ 2021, ອີກຄັ້ງໜຶ່ງ ໄດ້ສົ່ງຄຳຂອບໃຈໄປຍັງ ລັດຖະບານ ໂປໂລຍ ທີ່ໄດ້ໜູນຊ່ວຍວັກຊິນ ແລະ ວັດຖຸອຸປະກອນການແພດຢ່າງທັນການ, ປະກອບສ່ວນຊ່ວຍໃຫ້ ຫວຽດນາມ ຄວບຄຸມໂລກລະບາດໂຄວິດ - 19 ແລະ ຟື້ນຟູເສດຖະກິດໂດຍໄວ.
ທ່ານເອກອັກຄະລັດຖະທູດ ສະແດງຄວາມພູມໃຈກ່ຽວກັບບັນດາຜົນງານໃນການຮ່ວມມືລະຫວ່າງສອງປະເທດ ໃນປີຜ່ານມາ, ທ່ານກໍ່ສະແດງຄວາມຫວັງວ່າ ການຮ່ວມມືຈະເພີ່ມທະວີໃນທຸກຂົງເຂດໃນໄລຍະຈະມາເຖິງ. ປັດຈຸບັນ, ໂປໂລຍແມ່ນຄູ່ຮ່ວມມືການຄ້າໃຫຍ່ທີ່ສຸດຂອງ ຫວຽດນາມ ຢູ່ເອີລົບ ພາກກາງຕາເວັນອອກ.
ໂດຍແບ່ງປັນຄວາມຫຍຸ້ງຍາກ, ຄວາມເສຍຫາຍຂອງພໍ່ແມ່ປະຊາຊົນຊາວຫວຽດນາມ ອາໄສຢູ່ໂປໂລຍ ໃນໄລຍະເກີດໂລກລະບາດໂຄວິດ - 19, ທ່ານເອກອັກຄະລັດຖະທູດ ຫງວຽນຮຸ່ງ ໄດ້ຕີລາຄາສູງ ປະຊາຄົມ ໄດ້ມີຄວາມສາມັກຄີ, ມານະພະຍາຍາມຜ່ານຜ່າສິ່ງທ້າທາຍ, ໜູນຊ່ວຍເຊິ່ງກັນແລະກັນ, ພ້ອມທັງໜູນຊ່ວຍທ່ານໝໍໂປໂລຍຢ່າງມີປະສິດທິຜົນ, ສະໜັບສະໜູນວັດຖຸອຸປະກອນ, ແບ່ງປັນບົດຮຽນປະສົບການ, ປະກອບເຫື່ອແຮງ ພ້ອມກັບປະຊາຄົມໃນທົ່ວປະເທດປ້ອງກັນຕ້ານໂລກລະບາດໂຄວິດ - 19.
ທ່ານເອກອັກຄະລັດຖະທູດ ເຊື່ອໝັ້ນວ່າ: ໃນປີ 2022, ປະຊາຄົມຊາວຫວຽດນາມ ອາໄສຢູ່ໂປໂລຍ ຈະສືບຕໍ່ພັດທະນາ, ມີຄວາມສາມັກຄີ ແລະ ມີການເຊື່ອມໂຍງເຂົ້າກັບສັງຄົມປະເທດປະຈຳຖິ່ນ, ກາຍເປັນຂົວຕໍ່ເພີ່ມທະວີນ້ຳໃຈມິດຕະພາບລະຫວ່າງສອງປະເທດຢ່າງແທດຈິງ.
ໃນໂອກາດນີ້, ທ່ານເອກອັກຄະລັດຖະທູດ ໄດ້ອວຍພອນໃຫ້ພໍ່ແມ່ປະຊາຊົນ ແລະ ເພື່ອນມິດ ໂປໂລຍ ທີ່ສະໜິດສະໜົມ ປີໃໝ່ຈົ່ງມີສຸຂະພາບທີ່ແຂງແຮງ, ມີຄວາມຜາສຸກ ແລະ ມີຄວາມສະຫງົບສຸກ.
ໂດຍຕາງໜ້າໃຫ້ແກ່ປະຊາຄົມ, ທ່ານ ເຈິ່ນຈ້ອງຮຸ່ງ, ຮອງປະທານຜູ້ປະຈຳການສະມາຄົມຊາວຫວຽດນາມ ອາໄສຢູ່ໂປໂລຍ ແລະ ຜູ້ແທນບາງທ່ານໄດ້ສະແດງຄວາມຂອບອົກຂອບໃຈຕໍ່ການນຳພັກ, ລັດ ແລະ ສະຖານທູດ ທີ່ຍາມໃດກໍ່ເອົາໃຈໃສ່, ລະດົມກຳລັງໃຈຕໍ່ຊາວຫວຽດນາມ ອາໄສຢູ່ຕ່າງປະເທດ, ສະແດງຄວາມຂອບອົກຂອບໃຈຕໍ່ສະຖານທູດ ທີ່ໄດ້ຈັດຕັ້ງລາຍການລະດູບານໃໝ່ 2022 ຢ່າງອົບອຸ່ນ ແລະ ເຕັມໄປດ້ວຍຄວາມໝາຍນີ້.
ໃນໂອກາດນີ້, ທ່ານເອກອັກຄະລັດຖະທູດ ຫງວຽນຮຸ່ງ ໄດ້ມອບໃບຍ້ອງຍໍຂອງທ່ານນາຍົກລັດຖະມົນຕີ, ໃບຍ້ອງຍໍຂອງ ລັດຖະມົນຕີການຕ່າງປະເທດ, ໃບຍ້ອງຍໍຂອງລັດຖະມົນຕີກະຊວງສຶກສາບຳລຸງສ້າງ ແລະ ໃບຍ້ອງຍໍຂອງ ຄະນະກຳມະການແຫ່ງລັດ ກ່ຽວກັບຊາວຫວຽດນາມອາໄສຢູ່ຕ່າງປະເທດ ໃຫ້ແກ່ໝູ່ຄະນະ, ສ່ວນບຸກຄົນດີເດັ່ນ ທີ່ໄດ້ອະທິດສ່ວນຢ່າງສຸດໃຈ ເພື່ອວຽກງານປະຊາຄົມຊາວຫວຽດນາມ ອາໄສຢູ່ໂປໂລຍ ຜ່ານບັນດາສະໄໝ, ພ້ອມທັງຮັບຮູ້ບັນດາການປະກອບສ່ວນເຂົ້າການສົງຄາມຕ້ານໂລກລະບາດໂຄວິດ - 19 ແລະ ສະໜັບສະໜູນ ພໍ່ແມ່ປະຊາຊົນທີ່ປະສົບກັບໄພທຳມະຊາດຢູ່ພາຍໃນປະເທດຢ່າງຕັ້ງໜ້າ ແລະ ມີປະສິດທິຜົນ.
ບຸນຄົງ
