| ພິທີໄຂປີທ່ອງທ່ຽວແຫ່ງຊາດ 2022 ຈະດຳເນີນໃນ ເດືອນມີນາ ຢູ່ແຂວງ ກ໋ວາງນາມ | |
| ຄວາມອົບອຸ່ນບຸນປີໃໝ່ປະຈໍາຊາດ 2022 ຂອງນັກຮຽນຫວຽດນາມ ຢູ່ ກຳປູເຈຍ |
 |
| ທ່ານນາງ ເອກອັກຄະລັດຖະທູດ ຫວຽດນາມ ປະຈຳ ອີຕາລີ ຫງວຽນທິບິກເຫ້ວ. ພາບ: TTXVN |
ຕາມສຳນັກຂ່າວສານຫວຽດນາມປະຈຳ Rome ແລ້ວ, ກ່າວຄຳເຫັນທີ່ພິທີ, ທ່ານນາງ ເອກອັກຄະລັດຖະທູດ ຫວຽດນາມ ປະຈຳ ອີຕາລີ ຫງວຽນທິບິກເຫ້ວ ໄດ້ສົ່ງຄຳອວຍພອນອັນປະເສີດໄປເຖິງບັນດາພໍ່ແມ່ປະຊາຊົນ, ປະຊາຄົມຊາວ ຫວຽດນາມ ຢູ່ ອີຕາລີ ແລະ Cyprus ໃນໂອກາດບຸນເຕັດປະຈໍາຊາດ.
ທ່ານນາງເອກອັກຄະລັດຖະທູດ ຫງວຽນທິບິກເຫວ້ ໄດ້ສະແດງຄວາມຂອບອົກຂອບໃຈຕໍ່ພໍ່ແມ່ປະຊາຊົນ, ເພື່ອນມິດກ່ຽວກັບຄວາມຮັກແພງອັນອົບອຸ່ນ, ຄວາມສາມັກຄີທີ່ສະຫງວນໃຫ້ແກ່ຫວຽດນາມ ພາຍຫຼັງໄພນ້ຳຖ້ວມ ແລະ ການແຜ່ລະບາດຂອງພະຍາດໂຄວິດ-19.
ທ່ານນາງເອກອັກຄະລັດຖະທູດ ຫງວຽນທິບິກເຫວ້ ໄດ້ສະແດງຄວາມດີໃຈທີ່ໄດ້ເຫັນວັດທະນະທຳຫວຽດນາມ ແຜ່ລາມອອກໄປຢ່າງກ້ວາງຂວາງບໍ່ພຽງແຕ່ໃນປະຊາຄົມຊາວ ຫວຽດນາມ ຫາກຍັງແຜ່ລາມໄປຍັງບັນດາເພື່ອນໜຸ່ມ ອີຕາລີ ອີກດ້ວຍ, ເຖິງແມ່ນໃນສະພາບໂລກລະບາດທີ່ມີການຜັນແປຢ່າງສັບສົນໃນຊຸມປີຜ່ານມາກໍ່ຕາມ.
ທ່ານນາງເອກອັກຄະລັດຖະທູດ ຫງວຽນທິບິກເຫວ້ ໃຫ້ຮູ້ວ່າ: ວັນທີ 8 ກັນຍາ ໄດ້ຮັບເລືອກຕັ້ງເປັນວັນເຊີດຊູພາສາຫວຽດນາມ ໃນທົ່ວໂລກ ແລະ ຢູ່ ອີຕາລີ ມີຍາດຕິພີ່ນ້ອງຊາວ ຫວຽດນາມ, ລູກລ້ຽງຂອງຄົນຫວຽດນາມ ແລະ ບັນດາເພື່ອນໜຸ່ມ ອີຕາລີ ເປັນຈຳນວນຫຼວງຫຼາຍ ໄດ້ເຂົ້າຮ່ວມບັນດາຫ້ອງຮຽນພາສາຫວຽດນາມ ທາງອອນລາຍ ທີ່ຈັດຕັ້ງໂດຍຄະນະກໍາມະການກ່ຽວກັບຊາວຫວຽດນາມຢູ່ຕ່າງປະເທດ, ກະຊວງການຕ່າງປະເທດ ຫຼືເຂົ້າຮຽນພາສາຫວຽດນາມ ຢູ່ພາກວິຊາພາສາຫວຽດນາມ ຂອງໂຮງຮຽນ Ca'Foscari.
ໄຊພອນ
