| ກຽນຢາງ: ໄດ້ຈັດຕັ້ງພານັກສຶກສາກຳປູເຈຍກັບປະເທດເນື່ອງໃນວັນບຸນເຕັດ | |
| ຈັດການເຄື່ອນໄຫວທີ່ມີຄວາມໝາຍຫຼາຍຢ່າງເພື່ອ ໜູນຊ່ວຍກຳມະກອນ, ຊາວຜູ້ອອກແຮງງານຕ້ອນຮັບບຸນເຕັດ |
 |
| ພາບປະກອບ: 24h.com.vn |
ຄວາມຮູ້ສຶກເມື່ອຕອນຮັບບຸນເຕັດຢູ່ໄກຄອບຄົວ.
ບຸນເຕັດແມ່ນໂອກາດເພື່ອເຕົ້າໂຮມກັນ, ເມື່ອ “ຜູ້ໃດໄປໄກຄອບຄົວກໍ່ຈະກັບເມືອບ້ານ” ເຕົ້າໂຮມກັນກັບຄອບຄົວ, ພໍ່ແມ່ພີ່ນ້ອງ, ນັ່ງອ້ອມພາເຂົ້າຢ່າງອົບອຸ່ນ. ແຕ່ປີນີ້, ຍ້ອນໂລກລະບາດໂຄວິດ - 19 ມີສະພາບການທີ່ສັບສົນ, ດັ່ງນັ້ນ ມີນັກສຶກສາຫວຽດນາມ ຫຼາຍຄົນໃນໂລກ ພັດບໍ່ສາມາດກັບເມືອບ້ານເພື່ອຕ້ອນຮັບບຸນເຕັດປະຈຳຊາດໄດ້.
ເປັນຄັ້ງທຳອິດທີ່ຕ້ອນຮັບບຸນເຕັດຢູ່ໄກຄອບຄົວ, ຫງວຽນຖ໋າວ (ເກີດປີ 2002, ກ໋ວາງນິງ, ປັດຈຸບັນພວມດຳລົງຊີວິດ ແລະ ຮຽນຢູ່ Gwangju, ປະເທດສາທາລະນະລັດເກົາຫຼີ ) ແບ່ງປັນວ່າ: ຕ້ອນຮັບບຸນເຕັດຢູ່ໄກຄອບຄົວເຮັດໃຫ້ຂ້າພະເຈົ້າຮູ້ສຶກເສົ້າ ແລະ ໂດດດ່ຽວ. ບຸນເຕັດແມ່ນເພື່ອເຕົ້າໂຮມກັນກັບຄອບຄົວ ແຕ່ຂ້າພະເຈົ້າພັດຢູ່ຕ່າງປະເທດ. ມີສິ່ງໜຶ່ງທີ່ໂຊກດີໃນບຸນເຕັດນີ້ ແມ່ນຂ້າພະເຈົ້າມີຄົນຮັກຢູ່ນຳກັນ, ດັ່ງນັ້ນກໍ່ຮູ້ສຶກບັນເທົາໜ້ອຍໜຶ່ງ. ຄວາມຈິງແລ້ວ, ຂ້າພະເຈົ້າຢາກກັບບ້ານຫຼາຍ ແຕ່ໂລກລະບາດແກ່ຍາວ ດັ່ງນັ້ນການເດີນທາງໄປມາກໍປະສົບຄວາມຫຍຸ້ງຍາກຫຼາຍ. ແລະ ກໍ່ຍ້ອນວ່າ ວຽກງານຂອງຂ້າພະເຈົ້າຢູ່ນີ້ອີກ. ຫວັງວ່າ, ປີໜ້າ, ໂລກລະບາດຈະໄດ້ຮັບການຄວບຄຸມ ແລະ ຂ້າພະເຈົ້າຈະກັບ ຫວຽດນາມ ຕ້ອນຮັບບຸນເຕັດນຳຄອບຄົວ ຄືຊຸມປີກ່ອນ.
ຢູ່ໄກຄອບຄົວ ເມື່ອໄປປະເທດອົດສະຕາລີຮ່ຳຮຽນເປັນເວລາສອງປີ, ເຟືອງແອັງ ນັກສຶກສາຂອງມະຫາວິທະຍາໄລ Wollongong, ລັດ New South Wales, ປະເທດອົດສະຕາລີ ໄດ້ທຳຄວາມລຶ້ງເຄີຍ ກັບການຕ້ອນຮັບບຸນເຕັດຢູ່ ເຂດດິນແດນ Kangaroo. ສຳລັບເຟືອງແອັງ, ໄດ້ການເຕົ້າໂຮມກັນກັບເພື່ອນໆນັກສຶກສາຂອງຕົນ ກໍ່ຮູ້ສຶກມ່ວນຊື່ນ ແລະ ອົບອຸ່ນ ຄືພວມຢູ່ນຳກັນກັບຄອບຄົວນ້ອຍໆ. ຢູ່ປະເທດອົດສະຕາລີ, ປະຊາຄົມຊາວຫວຽດນາມ ເວົ້າສະເພາະ ແລະ ຊາວອາຊີເວົ້າລວມ ຫຼາຍພໍສົມຄວນ ດັ່ງນັ້ນ ມີເຍື່ອງອາຫານໃນຍາມບຸນເຕັດຄົບຖ້ວນພໍສົມຄວນ. ສິ່ງນີ້ເຮັດໃຫ້ນັກສຶກສາ ພວກຂ້າພະເຈົ້າກໍ່ຮູ້ສຶກໃກ້ກັບບຸນເຕັດກ່ວາ. ແຕ່ສິ່ງທີ່ເປັນໜ້າເສຍດາຍແມ່ນ ປະເທດອົດສະຕາລີນອນຢູ່ພາກໃຕ້ຂອງໂລກ, ບັນດາລະດູກົງກັນຂ້າມກັບ ຫວຽດນາມ ດັ່ງນັ້ນ ບຸນເຕັດປະຈຳຊາດກົງກັບທ້າຍລະດູຮ້ອນຕົ້ນ ລະດູໃບໄມ້ຫຼົ່ນ ອາກາດຈະບໍ່ໜາວ ຫຼື ມີຝົກຝອຍຄືຢູ່ຮ່າໂນ້ຍ” ເຟືອງແອັງແບ່ງປັນ.
ບັນຍາກາດບຸນເຕັດ ຢູ່ ທາງຕາເວັນຕົກ
ບໍ່ແມ່ນປະເທດໃດໃນໂລກ ກໍ່ຕ້ອນຮັບບຸນເຕັດຄືຢູ່ ຫວຽດນາມ ແລະ ບາງປະເທດອາຊີຕາເວັນອອກ ແຕ່ພຽງແຕ່ມີຊາວຫວຽດນາມຢູ່ຫັ້ນ ແນ່ນອນວ່າບຸນເຕັດຈະໄດ້ຮັບການຈັດຕັ້ງ.
“ໃນຊຸມວັນໃກ້ຈະຮອດບຸນເຕັດ ເມື່ອໄປຍັງຕະຫຼາດ ຫວຽດນາມ ຢູ່ ມົດສະກູ ຈະຮູ້ສຶກວ່າໄດ້ກັບເມືອຫວຽດນາມ, ບັນຍາກາດບຸນເຕັດຢູ່ທຸກແຫ່ງ ດ້ວຍສຽງຂອງຜູ້ຊື້ຄົນຂາຍທີ່ຄຶກຄຶ້ນ. ຢູ່ຫໍພັກນັກສຶກສາຂ້າພະເຈົ້າ, ນັກສຶກສາ ຫວຽດນາມ ໄດ້ຂຶ້ນແຜນການຕ້ອນຮັບບຸນເຕັດຢູ່ໄກຄອບຄົວ ແລະ ກະກຽມບັນດາຂອງຂວັນເພື່ອມອບກັນ. ຂ້າພະເຈົ້າຄິດວ່າ ເຖິງວ່າຢູ່ໃສ, ບຸນເຕັດຍາມໃດກໍ່ຢູ່ໃນໃຈຂອງຊາວຫວຽດນາມ.” ເຟືອງລິງ (ນັກສຶກສາໂຮງຮຽນເສດຖະກິດແຫ່ງຊາດ Plekhanov, ປະເທດລັດເຊຍ) ແບ່ງປັນ.
ເວົ້າເຖິງການວາງແຜນສະເພາະຂອງຕົນ ໃນໂອກາດບຸນເຕັດປະຈຳຊາດຈະວຽນມາ, ເຟືອງລິງ ກໍ່ມີຄວາມພາກພູນໃຈທີ່ສຸດ “ຢູ່ມົດສະກູ, ນັກສຶກສາ ຫວຽດນາມ ກໍ່ຫຼາຍພໍສົມຄວນ, ດັ່ງນັ້ນ ພວກນ້ອງຈະຫໍ່ເຂົ້າຕົ້ມ ແລະ ກະກຽມຄາບເຂົ້າ ບຸນເຕັດຫວຽດນາມ ທີ່ເປັນມູນເຊື້ອ. ຂ້າພະເຈົ້າກໍ່ໂຊກດີຍ້ອນວ່າ ປີໃດກໍ່ໄດ້ກະກຽມຄາບເຂົ້າບຸນເຕັດກັບພໍ່ແມ່, ດັ່ງນັ້ນເມື່ອໄປຮຽນຢູ່ຕ່າງປະເທດ, ຂ້າພະເຈົ້າຄິດວ່າ ຈະແມ່ນການລົງພຶດຕິກຳຕົວທີ່ເປັນໜ້າຈັບໃຈ ເມື່ອຕົນເອງໄດ້ຄິດລາຍການອາຫານ ແລະ ແຕ່ງກິນ”.
ໂດຍບໍ່ສາມາດຕ້ອນຮັບ ບຸນເຕັດ ຖືກຕາມປະຕິທິນ ຍ້ອນຄາຮຽນ ແລະ ເຮັດວຽກ, ທູຖາວ (ນັກສຶກສາ ຢູ່ ເຢຍລະມັນ) ໄດ້ເລືອກທີ່ຈະຕ້ອນຮັບບຸນເຕັດໄວກ່ວາກຳນົດ ດ້ວຍວິທີການຈະພ້ອມກັບເພື່ອນມິດນັກສຶກສາ ຫວຽດນາມ ເຂົ້າຫ້ອງຄົວ ເພື່ອແຕ່ງບັນດາເຍື່ອງອາຫານທີ່ເປັນເອກະລັກສະເພາະຂອງ ວັນບຸນເຕັດບ້ານເກີດເມືອງນອນ. “ພວກຂ້າພະເຈົ້າ ແຕ່ລະຄົນ ຈະເຮັດເຍື່ອງອາຫານໜຶ່ງ, ຜູ້ໃດຮູ້ປຸງແຕ່ງອາຫານຫຍັງກໍ່ຈະປຸງແຕ່ງເຍື່ອງອາຫານນັ້ນ. ພາຍຫຼັງແຕ່ງກິນລຽບລ້ອຍ, ທຸກຄົນຈະຍົກຈອກອວຍພອນບຸນເຕັດ, ທຳຄວາມລຶ້ງເຄີຍ. ພິເສດ, ງານລ້ຽງຂອງມື້ນັ້ນຍັງມີການເຂົ້າຮ່ວມຂອງຊາວຕ່າງປະເທດສອງຄົນ, ດ້ວຍເຫຼົ້າ, ຊີ້ນແກະ ແລະ ບັນດາເຍື່ອງອາຫານທີ່ເປັນມູນເຊື້ອຕ່າງໆຂອງເຂດ Afrika. ໂດຍຮູ້ວ່າ ສອງຄົນນັ້ນ ກິນຊີ້ໝູບໍ່ໄດ້ ດັ່ງນັ້ນ ພວກຂ້າພະເຈົ້າໄດ້ແຕ່ງອາຫານຢໍ່ຈືນທະເລໃຫ້ເຂົາກິນ ເພື່ອໂຄສະນາກ່ຽວກັບອາຫານການກິນຂອງປະເທດຕົນ. ທັງສອງຄົນລ້ວນແຕ່ຮູ້ສຶກເປັນໜ້າຈັບໃຈເມື່ອຟັງຂ້າພະເຈົ້າ ເລົ່າເລື່ອງກ່ຽວກັບ ຫວຽດນາມ, ໂດຍແມ່ນປະເທດທີ່ມີໝາກໄມ້ຫຼາຍຊະນິດ, ມີເຍື່ອງອາຫານທີ່ແຊບນົວ ແລະ ປັດຊະນີຍະສະຖານ, ທິວທັດທຳມະຊາດ ທີ່ສວຍງາມ.”
ບໍ່ເທົ່າໃດມື້ ບຸນເຕັດຈະວຽນມາແລ້ວ, ເຖິງວ່າຢູ່ໃນສະພາບບໍ່ມີເງື່ອນໄຂ, ແຕ່ນັກສຶກສາຫວຽດນາມ ຍັງຊອກຫາໄດ້ວິທີການຕ້ອນຮັບບຸນເຕັດສະເພາະຂອງຕົນເພື່ອຕ້ອນຮັບບຸນເຕັດຢູ່ຕ່າງປະເທດ ຢ່າງອົບອຸ່ນ ແລະ ຄົບຖ້ວນ ຄືຢູ່ບ້ານເກີດເມືອງນອນຂອງຕົນ.
ບຸນຄົງ
