| ເພີ່ມທະວີການຮ່ວມມືທາງດ້ານປ້ອງກັນຊາດ ລະຫວ່າງ ຫວຽດນາມ - ລາວ | |
| ຍູ້ແຮງການຜັນຂະຫຍາຍໂຄງການໜຶ່ງຕາແສງໜຶ່ງຜະລິດຕະພັນຮັບປະກັນປະສິດທິຜົນ ແລະ ມີຄຸນນະພາບ |
 |
| ທ່ານ ຫວູບ໊າຝຸ, ຫົວໜ້າກົມສົ່ງເສີມການຄ້າ ຂຶ້ນກັບກະຊວງອຸດສາຫະກຳ ແລະ ການຄ້າ (ພາບ: vov.vn) |
ລາຍການ “ເຄື່ອງໝາຍການຄ້າ ແຫ່ງຊາດ ຫວຽດນາມ” ໄດ້ອອກອາກາດໃນຊ່ອງໂທລະພາບ VTV1 ແມ່ນໜຶ່ງໃນບັນດາເນື້ອໃນເຄື່ອນໄຫວຜັນຂະຫຍາຍມະຕິຂອງນາຍົກລັດຖະມົນຕີ, ໂດຍກະຊວງອຸດສາຫະກຳ ແລະ ການຄ້າ ໄດ້ສົມທົບກັບສະຖານີໂທລະພາບ ຫວຽດນາມ ຜັນຂະຫຍາຍປະຕິບັດ. ລາຍການລວມມີ 260 ລາຍການ ເຊິ່ງ VTV 1 ອອກອາກາດແຕ່ວັນຈັນ ຮອດວັນເສົາ (ຍົກເວັ້ນວັນສຸກ) ໃນເວລາ 17 ໂມງ 20 ນາທີ, ໃນໄລຍະຕະຫຼອດ 12 ເດືອນດ້ວຍເວລາ 5 ພາກ ໃນທຸກອາທິດ.
ລາຍການ “ເຄື່ອງໝາຍການຄ້າແຫ່ງຊາດ ຫວຽດນາມ” ຈະນຳມາເຊິ່ງເລື່ອງລາວຕ່າງໆ ຂອງບັນດາຜະລິດຕະພັນທີ່ບັນລຸ ເຄື່ອງໝາຍການຄ້າແຫ່ງຊາດ ໃນວິວັດການສ້າງສາ, ພັດທະນາເພື່ອສົມກັບເປັນຜະລິດຕະພັນແຖວໜ້າ, ນຳໜ້າໃນຂະແໜງ, ຂົງເຂດທີ່ມີອິດທິພົນຊື່ສຽງບົນຕະຫຼາດ, ປະກອບສ່ວນຊ່ວຍໃຫ້ຜູ້ບໍລິໂພກຫວຽດນາມ ຮັບຮູ້ ບັນດາຜະລິດຕະພັນ ຫວຽດນາມ ທີ່ມີຄຸນນະພາບ ແລະ ອິດທິພົນຊື່ສຽງ, ເພີ່ມທະວີຄວາມເຊື່ອໝັ້ນຕໍ່ຜະລິດຕະພັນແຫ່ງລັດ.
ທ່ານ ຫວູບ໊າຝຸ, ຫົວໜ້າກົມສົ່ງເສີມການຄ້າ (ກະຊວງອຸດສາຫະກຳ ແລະ ການຄ້າ) - ເລຂາທິການລາຍການເຄື່ອງໝາຍການຄ້າແຫ່ງຊາດ ໃຫ້ຮູ້ວ່າ: ລາຍການໄດ້ຕັ້ງຄວາມຫວັງຈະກາຍເປັນຊ່ອງທາງສື່ມວນຊົນຢ່າງເປັນທາງການ, ແຜ່ກະຈາຍຄູນຄ່າອັນດີງາມເຊິ່ງລາຍການ ເຄື່ອງໝາຍການຄ້າ ຫວຽດນາມ ນຳມາໃຫ້ ປະຊາຄົມວິສາຫະກິດ, ໃນວິວັດການສ້າງສາການໂຄສະນາພາບພົດ ປະເທດ ຫວຽດນາມ, ປຸກລຸກ ຄວາມເຊື່ອໝັ້ນຄວາມເອກອ້າງທະນົງໃຈແຫ່ງຊາດຂອງປະຊາຄົມວິສາຫະກິດ ຫວຽດນາມ. ພ້ອມທັງຍົກສູງຄວາມຮັບຮູ້, ຄວາມຮັບຜິດຊອບຂອງ ວິສາຫະກິດທີ່ມີຜະລິດຕະພັນບັນລຸເຄື່ອງໝາຍການຄ້າແຫ່ງຊາດ ໃນການຮ່ວມເດີນທາງ ກັບລາຍການແຜ່ຂະຫຍາຍບັນດາຄຸນຄ່າອັນດີງາມ.
ບຸນຄົງ
