| ມອບທຶນການສຶກສາ 41 ທຶນ ໄປຮຽນຕໍ່ຢູ່ ອາເມລິກາ ໃຫ້ແກ່ນັກຮຽນມັດທະຍົມຕອນປາຍ ແຂວງ ກຽນຢາງ | |
| ກຳປູເຈຍລະນຶກເຖິງໄຊຊະນະວັນທີ 7 ມັງກອນ: ຈາລຶກໄວ້ສະເໝີເຖິງບຸນຄຸນຂອງກອງກຳລັງອາສາສະໝັກຫວຽດນາມ |
 |
| ພາບປະກອບ: thanhnien.vn |
ຂໍ້ມູນດັ່ງກ່າວ ໄດ້ກ່າວເຖິງໃນບັນດາເອກະສານຂອງກົມໃຫຍ່ທ່ອງທ່ຽວ (ກະຊວງວັດທະນະທໍາ, ກິລາ ແລະ ທ່ອງທ່ຽວ) ລົງວັນທີ 6 ມັງກອນນີ້ ເຊິ່ງໄດ້ສົ່ງເຖິງພາກສ່ວນທີ່ກ່ຽວຂ້ອງເຊັ່ນ: ກົມໃຫຍ່ກິລາ-ກາຍຍະກຳ, ຄະນະຄຸ້ມຄອງວັດທະນະທໍາ ແລະ ທ່ອງທ່ຽວ ບັນດາເຜົ່າຂອງຫວຽດນາມ ຫລື ກອງທຶນໜູນຊ່ວຍການພັດທະນາການທ່ອງທ່ຽວ ກໍ່ຄືຂະແໜງການທ່ອງທ່ຽວຢູ່ບັນດາທ້ອງຖິ່ນ.
ປະຈຸບັນ, ກົມໃຫຍ່ການທ່ອງທ່ຽວແຫ່ງຊາດພວມສົມທົບກັບບັນດາພາກສ່ວນທີ່ກ່ຽວຂ້ອງເພື່ອສ້າງຮ່າງໂຄງການສັງລວມປີທ່ອງທ່ຽວແຫ່ງຊາດ - ກວາງນາມ 2022.
ກ່ອນໜ້ານີ້, ການທ່ອງທ່ຽວສີຂຽວໄດ້ເຂົ້າຮອບໃນ 10 ເຫດການທີ່ເປັນສັນຍະລັກຂອງແຂວງ ກວາງນາມ ໃນປີ 2021 ດ້ວຍຫົວຂໍ້ວ່າ “ກວາງນາມແມ່ນທ້ອງຖິ່ນທຳອິດໃນທົ່ວປະເທດທີ່ໄດ້ປະກາດໃຊ້ຊຸດມາດຖານການທ່ອງທ່ຽວສີຂຽວ”.
ການທ່ອງທ່ຽວຍັງສືບຕໍ່ໄດ້ຮັບຜົນກະທົບຢ່າງໜັກໜ່ວງຈາກໂລກລະບາດ Covid-19. ເຖິງຢ່າງໃດກໍຕາມ, ດ້ວຍການກໍານົດວ່າ ການທ່ອງທ່ຽວເປັນປາຍແຫຼມຂອງແຂວງ, ໃນປີ 2021 ກວາງນາມ ຍັງຈະສືບຕໍ່ຊຸກຍູ້ປະຕິບັດບັນດາການເຄື່ອນໄຫວເຊື່ອມຕໍ່ການທ່ອງທ່ຽວທັງພາຍໃນ ແລະ ຕ່າງປະເທດຫຼາຍຢ່າງ.
ສົມທົບກັບ 3 ທ້ອງຖິ່ນ (ເທື່ອທຽນເຫ້ວ, ດ່າໜັງ ແລະ ກວາງບິ່ງ) ປະຕິບັດໂຄງການແນະນຳການທ່ອງທ່ຽວເຂດມໍລະດົກມະຫັດສະຈັນ - Amazing Central Heritage ຢູ່ຮ່າໂນ້ຍ; ໂຄງການແນະນຳການທ່ອງທ່ຽວຢູ່ນະຄອນໂຮ່ຈີມິນ.
ຄະນະພັກແຂວງ ໄດ້ປະກາດໃຊ້ມະຕິບັນຫາສະເພາະກ່ຽວກັບການພັດທະນາການທ່ອງທ່ຽວແຂວງ ກວາງນາມ ຮອດປີ 2025.
ຊຸດມາດຖານການທ່ອງທ່ຽວຂຽວຂອງແຂວງ ກວາງນາມ ໄດ້ປະກາດໃຊ້ຢ່າງເປັນທາງການ. ນີ້ແມ່ນປະຖົມປັດໄຈສຳຄັນເພື່ອຊຸກຍູ້ການພັດທະນາແບບຍືນຍົງຂອງການທ່ອງທ່ຽວກວາງນາມໃນໄລຍະໃໝ່.
ໄຊພອນ
