| ປີ 2022, ກຽນຢາງ ຈະດຶງດູດການລົງທຶນ ເຂົ້າເຂດເສດຖະກິດດ່ານຊາຍແດນ | |
| ວິສາຫະກິດ ສ.ເກົາຫຼີ ຫຼາຍແຫ່ງມີຄວາມສົນໃຈມາລົງທຶນຢູ່ແຂວງ ທ໊າຍບິ່ງ |
 |
| ມອບທຶນການສຶກສາ 41 ທຶນ ໄປຮຽນຕໍ່ຢູ່ ອາເມລິກາ ໃຫ້ແກ່ນັກຮຽນມັດທະຍົມຕອນປາຍ ແຂວງ ກຽນຢາງ. ພາບ: baoquocte.vn |
ທ່ານ ປອ. ເຢືອງແມ້ງເກື່ອງ, ຫົວໜ້າຜູ້ຕາງໜ້າ ໂຮງຮຽນມະຫາວິທະຍາໄລອາເມລິກາ - AUV ປະຈຳ ຫວຽດນາມ ໃຫ້ຮູ້ວ່າ ດ້ວຍຄວາມປາດຖະໜາຊຸກຍູ້ການຮ່ວມມືບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງໃຫ້ຫວຽດນາມ ເວົ້າລວມ ແລະ ແຂວງ ກຽນຢາງ ເວົ້າສະເພາະ, ທາງໂຮງຮຽນໄດ້ສະຫງວນບັນດາທຶນການສຶກສາຂອງ ອາເມລິກາ ໃຫ້ແກ່ນັກຮຽນມັດທະຍົມ ແຂວງກຽນຢາງ.
ໃນນັ້ນ, ທຶນການສຶກສາ 100% ມີມູນຄ່າ 60,000 ໂດລາ (ລວມຄ່າຮຽນ 4 ປີ) 1 ທຶນ, ທຶນການສຶກສາ ຫຼຸດຄ່າຮຽນ 50% (ມູນຄ່າ 30,000 ໂດລາ ແຕ່ລະທຶນ) 10 ທຶນ, ທຶນການສຶກສາ 30 ທຶນ ຫຼຸດຄ່າຮຽນ 30% (ມູນຄ່າ 18,000 ໂດລາ/ທຶນ) 30 ທຶນ.
ທຶນການສຶກສາ 100% ແມ່ນສໍາລັບເປົ້າໝາຍນັກຮຽນທີ່ຮຽນເກັ່ງໃນລະດັບແຂວງ, ລະດັບຊາດ, ມີລະດັບພາສາອັງກິດເທົ່າກັບ 7.5 IELTS. ເມື່ອໄດ້ຮັບທຶນການສຶກສາ, ນັກສຶກສາຈະເຂົ້າຮ່ວມຫຼັກສູດ 2 ປີຢູ່ມະຫາວິທະຍາໄລອາເມລິກາ - AUV ທີ່ ດ່ານັງ, 2 ປີຕໍ່ໄປຈະໄດ້ຮໍ່າຮຽນ ຢູ່ໜຶ່ງໃນ 20 ມະຫາວິທະຍາໄລແຖວໜ້າຂອງອາເມລິກາ.
ທ່ານ ເຈິ່ນກວາງບາວ, ຜູ້ອໍານວຍການພະແນກສຶກສາ ແລະ ບຳລຸງສ້າງ ແຂວງ ກຽນຢາງ ໃຫ້ຮູ້ວ່າ: ບັນດາທຶນສຶກສາຂອງມະຫາວິທະຍາໄລ ອາເມລິກາ - AUV ແມ່ນມີຄຸນຄ່າຫຼາຍ, ເພື່ອໜູນຊ່ວຍບັນດານັກຮຽນທີ່ຮຽນເກັ່ງ, ມີຄວາມກຳລັງສາມາດໜຸ່ມຂອງຂະແໜງສຶກສາ-ບຳລຸງສ້າງ ຢ່າງທັນການ; ພ້ອມກັນນັ້ນ ກໍພັດທະນາການລົງທຶນໃຫ້ແກ່ການສຶກສາປາຍແຫຼມຂອງແຂວງໃນອະນາຄົດ. ຜ່ານນັ້ນ, ກໍປະກອບສ່ວນບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບເພື່ອຮັບໃຊ້ໃນການພັດທະນາເສດຖະກິດ - ສັງຄົມຂອງທ້ອງຖິ່ນ.
ໄຊພອນ
