| ກຳປູເຈຍໜູນຊ່ວຍດ້ານສະບຽງອາຫານ, ວັດຖຸສາທາລະນະສຸກ ໃນການປ້ອງກັນຕ້ານໂລກລະບາດໂຄວິດ - 19 ໃຫ້ແກ່ຫວຽດນາມ | |
| ແຜນທີ່ຊາຍແດນກຳປູເຈຍ-ຫວຽດນາມ ຈະສົ່ງໃຫ້ສະຫະປະຊາຊາດເກັບຮັກສາໄວ້ |
 |
| ທ່ານນາຍົກລັດຖະມົນຕີ ສົມເດັດ ຕີຈໍ່ ຮຸນແຊນ.ພາບ: TTXVN |
ຂໍ້ຄວາມຖະແຫຼງໄດ້ເນັ້ນໜັກວ່າ: ຫຼັງຈາກໄຊຊະນະປະຫວັດສາດດັ່ງກ່າວ, ປະທານພັກປະຊາຊົນກຳປູເຈຍ, ແນວໂຮມສາມັກຄີກອບກູ້ປະເທດກຳປູເຈຍ ແລະ ລັດຖະບານປະຊາຊົນ ໄດ້ຮວບຮວມທຸກກຳລັງແຮງທົ່ວປວງຊົນ, ຟື້ນຟູທຸກຄວາມຫຍຸ້ງຍາກ, ລຳບາກ ເພື່ອປົກປ້ອງ, ຟື້ນຟູ ແລະ ສ້າງສາຄືນປະເທດຊາດນັບຕັ້ງແຕ່ເລກ 0. ປະສົບຜົນສຳເລັດໃນການຈັດຕັ້ງປະຕິບັດບັນດາໜ້າທີ່ຍຸດທະສາດນີ້ ໄດ້ສ້າງພື້ນຖານໃຫ້ແກ່ການຊອກຫາສັນຕິພາບ, ຄວາມສາມັກຄີແຫ່ງຊາດ, ສືບຕໍ່ຟື້ນຟູ ແລະ ພັດທະນາປະເທດຊາດໃນທຸກຂົງເຂດ ເພື່ອບັນລຸໄດ້ຄວາມກ້າວໜ້າຈົນເຖິງທຸກວັນນີ້. ວັນທີ 7 ມັງກອນ 1979 ໄດ້ຖືກປະຊາຊົນກຳປູເຈຍສັນລະເສີນໃຫ້ເປັນ “ວັນເກີດຄັ້ງທີ່ສອງຂອງຕົວເອງ”, ຖ້າບໍ່ມີໄຊຊະນະ 7 ມັງກອນນີ້ ປະຊາຊົນກຳປູເຈຍບໍ່ສາມາດມີຊີວິດການເປັນຢູ່ໄດ້ຮອດທຸກວັນນີ້.
ນາຍົກລັດຖະມົນຕີ ຮຸນແຊນ ຢືນຢັນວ່າ: “ພວກເຮົາລະນຶກເຖິງເຫດການປະຫວັດສາດນີ້ ດ້ວຍຈິດວິນຍານແຫ່ງການຈົດຈຳຢ່າງເລິກສະເໝີໃນຄວາມຊົ່ວຮ້າຍຂອງລະບອບການຂ້າລ້າງເຜົ່າພັນ Pol Pot ທີ່ກໍ່ຂຶ້ນກັບປະເທດຊາດ ແລະ ປະຊາຊົນກຳປູເຈຍ, ກໍຄືຈາລຶກໄວ້ສະເໝີໃນບຸນຄຸນອັນຍິ່ງໃຫຍ່ຂອງພະນັກງານ, ນັກຮົບແນວໂຮມສາມັກຄີກອບກູ້ປະເທດຊາດກຳປູເຈຍ ແລະ ທະຫານອາສາສະໝັກຫວຽດນາມທີ່ໄດ້ສູນເສຍເລືອດເນື້ອ ແລະ ຜູ້ກ້າຫານທີ່ເສຍສະຫຼະໃນສົງຄາມການຕໍ່ສູ້ໂຄ່ນລົ້ມລະບອບການຂ້າລ້າງເຜົ່າພັນ Pol Pot ແລະ ສະກັດກັ້ນພວກມັນກັບຄືນມາ”.
ຂໍ້ຄວາມການຖະແຫຼງຍັງເນັ້ນໜັກໃນປີ 2020-2021 ຜ່ານມາ, ການລະບາດພະຍາດໂຄວິດ-19 ໄດ້ສົ່ງຜົນກະທົບຮຸນແຮງເຖິງການດຳລົງຊີວິດໃນສັງຄົມກຳປູເຈຍ. ເພື່ອປະເຊີນໜ້າກັບສະຖານະການນີ້, ລັດທຖະບານເຈົ້າຊີວິດກຳປູເຈຍ ໄດ້ກຳນົດຫຼາຍແຜນການຍຸດທະສາດ ແລະ ມາດຕະການທີ່ມີລັກສະນແທດຕົວຈິງ ເພື່ອສະກັດກັ້ນການແຜ່ລະບາດ ຊຶ່ງປະກອບທັງມາດຕະການການບໍລິຫານ, ການແພດ, ການປ້ອງກັນຄວາມສະຫງົບ, ເສດຖະກິດ ແລະ ສັງຄົມ ພິເສດແມ່ນຍຸດທະສາດຕ້ານພະຍາດດ້ວຍການສັກວັກຊີນປ້ອງກັນໃນທົ່ວປະເທດ ເພື່ອຮັບປະກັນຊີວິດຂອງປະຊາຊົນ, ຮັກສາຄວາມໝັ້ນຄົງຂອງສັງຄົມ, ຮັກສາຄວາມເທົ່າທຽມທາງເສດຖະກິດ ແລະ ຊີວິດການເປັນຢູ່ ດ້ວຍການເຂົ້າຮ່ວມຢ່າງກະຕືລືລົ້ນຂອງປວງຊົນ.
ຮອດທ້າຍປີ 2021, ກຳປູເຈຍໄດ້ມີຕົວເລກຜຸ້ຕິດເຊື້ອໂຄວິດ-19 ຫຼຸດລົງຢູ່ໃນລະດັບຕ່ຳ ພ້ອມທັງສາມາດສ້າງພູມຄຸ້ມກັນໄດ້ໃນຊຸມຊົນ, ດ້ວຍເຫດນັ້ນ ຈຶ່ງອະນຸຍາດໃຫ້ລັດຖະບານປະກາດເປີດປະຕູປະເທດຄືນໃນທຸກຂົງເຂດທ່າມກາງສະພາບປົກກະຕິໃໝ່ ນັບແຕ່ວັນທີ 1 ພະຈິກ 2021. ຮອດປັດຈຸບັນ, ສະຖານະການນັບມື້ນັບດີຂຶ້ນ ຊຶ່ງສະທ້ອນໄຊຊະນະຂອງກຳປູ່ເຈຍໃນການສະກັດກັ້ນການລະບາດະຍາດໂຄວິດ-19, ພ້ອມທັງນຳໄປສູ່ການຄາດຄະເນຕ່າງໆທີ່ຕັ້ງໜ້າກ່ຽວກັບການຟື້ນຟູ ແລະ ຊຸກຍູ້ການຂະຫຍາຍຕົວເສດຖະກິດໃນປີ 2022.
ກໍຄືໃນໂອກາດນີ້, ໜັງສືພິມ ແລະ ບັນດາອົງການສື່ສານຂອງກຳປູເຈຍ ພ້ອມພາກັນນຳຂ່າວສານລົງຫຼາຍກ່ຽວກັບໂອກາດລະນຶກ 43 ປີ ແຫ່ງໄຊຊະນະເໜືອລະບອບການຂ້າລ້າງເຜົ່າພັນ Pol Pot (7/1/1979-7/1/2022).
ໜັງສືພິມ Khmer Times ໄດ້ກ່າວຢ່າງຊັດເຈນວ່າ 43 ປີກ່ອນ, ກ້ອນກຳລັງອາສາສະໝັກຫວຽດນາມ ຮ່ວມກັນກຳລັງທະຫານສູ້ຮົບກຳປູ້ເຈຍ, ແນວໂຮມສາມັກຄີປະຊາຊົນກອບກູ້ຊາດກຳປູເຈຍ (KUFNS) ໄດ້ເປີດການບຸກໂຈມຕີໂຄ່ນລົ້ມລະບອບຂະເໝນແດງທີ່ປ່າເຖື່ອນ, ເປີດສັກກະຫຼາດໄລຍະແຫ່ງສັນຕິພາບໃຫ້ແກ່ປະເທດຊາດທີ່ຖືກສົງຄາມທຳລາຍມາຕະຫຼອດຫຼາຍປີ.
ວັນໄຊຊະນະນີ້ໄດ້ຖືກລະນຶກເຖິງໃນແຕ່ລະປີທີ່ແດນແຫ່ງວັດວາທາດເຈດີ, ຈາລຶກໃຫ້ປະຊາຊົນ 1,7 ລ້ານຄົນທີ່ເສຍຊີວິດຍ້ອນຂ້າທໍລະມານ, ຕາຍອຶດຕາຍຫິວ, ອອກແຮງງານຢ່າງທຸກທໍລະມານ ແລະ ພະຍາດບາດໃນລະບອບການຂ້າລ້າງເຜົ່າພັນ.
ຍ້ອນເຫດຜົນທີ່ຄວາມສ່ຽງຕໍ່ການແຜ່ລະບາດພະຍາດໂຄວິດ-19 ຂຶ້ນອີກ, ປະທານພັກປະຊາຊົນກຳປູເຈຍຈັດຕັ້ງລະນຶກ 43 ປີແຫ່ງໄຊຊະນະ ດ້ວຍຂະໜາດທີ່ເລັກນ້ອຍໃນທົ່ວປະເທດ. ນາຍົກລັດຖະມົນຕີ ຮຸນແຊນ ທັງເປັນປະທານພັກ ກ່ອນໜ້ານີ້ ໄດ້ແຈ້ງການຍົກເລີກການຈັດຕັ້ງກິດຈະກຳຕ່າງໆທີ່ມີຜູ້ຄົນໂຮມກັນຫຼວງຫຼາຍ.
ສຳນັກຂ່າວສານແຫ່ງຊາດກຳປູເຈຍ (AKP) ນຳຂ່າວບັນດາການນຳຂອງກຳປູເຈຍ ປະກອບດ້ວຍ ທ່ານນາຍົກລັດຖະມົນຕີ ສົມເດັດ ຕີຈໍ່ ຮຸນແຊນ ແລະ ປະທານລັດຖະສະພາ ສົມເດັດ ເຮັ່ງ ສຳຣິນ ສົ່ງຄຳອວຍພອນໃນໜ້າຕ່າງເຟສບຸກສ່ວນຕົວ ເນື່ອງໃນໂອກາດລະນຶກ 43 ປີ ໄຊຊະນະເໜືອລະບອບການຂ້າລ້າງເຜົ່າພັນຂະເໝນແດງ.
ບັນດາການນຳຂອງກຳປູເຈຍ ຢືນຢັນວ່າໃນໄລຍະເວລາຜ່ານມາ, ລາຊາອານາຈັກກຳປູເຈຍໄດ້ນຳເອົາຄືນມາໄດ້ຄວາມເຊື່ອໝັ້ນຂອງປະເທດຊາດໃນເວລາທີສາກົນ ແລະ ປະກອບສ່ວນຢ່າງຕັ້ງໜ້າເຂົ້າໃນການສ້າງສາສັນຕິພາບ ແລະ ພັດທະນາຢ່າງຍືນຍົງໃນພາກພື້ນ ແລະ ໃນໂລກ.
ວິລະຊົນ
