 |
| ພາບປະກອບ: studyrussian.com |
ກະຊວງການສຶກສາ ແລະ ບຳລຸງສ້າງໄດ້ປະກາດຮັບສະໜັກນັກສຶກສາ 1000 ຄົນ ໄປຮຽນຢູ່ລັດເຊຍ ຕາມແຜນການທຶນການສຶກສາຢູ່ ສະຫະພັນ ລັດເຊຍ ປີ 2022 ດ້ວຍຫຼາຍລະດັບ: ປະລິນຍາເອກ, ປະລິນຍາໂທ, ປະລິນຍາຕີ. ໄລຍະບຳລຸງສ້າງແຕ່ 3 ເດືອນ ຫາ 5 ປີ, ອີງຕາມຫຼັກສູດບຳລຸງສ້າງ ແລະ ປີໜຶ່ງທີ່ຮຽນກຽມພາສາລັດເຊຍ.
ທຶນການສຶກສາຂອງ ລັດຖະບານ ສະຫະພັນ ລັດເຊຍ ຈະສະໜອງທັງໝົດຄ່າຮຽນ, ເງິນອຸດໜູນໃນແຕ່ລະເດືອນ ແລະ ສັບຊ້ອນບ່ອນກິນຢູ່ໃນຫໍພັກດ້ວຍຄ່າໃຊ້ຈ່າຍຕ່ຳ. ລັດຖະບານ ຫວຽດນາມ ຈະຈ່າຍຄ່າປິ້ຍົນໄປ-ກັບໜຶ່ງຄັ້ງ, ຄ່າເດີນທາງ, ຄ່າທຳນຽມເຮັດວິຊາ, ໜັງສືຜ່ານແດນ, ປະກັນໄພສາທາລະນະສຸກ ແລະ ອອກຄ່າໃຊ້ຈ່າຍຕາມແຕ່ລະເດືອນຕາມຂໍ້ກຳນົດ.
ເງື່ອນໄຂການສະໝັກໂດຍລວມແມ່ນ ຜູ້ສະໝັກຮັບທຶນການສຶກສາຕ້ອງມີຄຸນນະທາດດ້ານການເມືອງ, ຄຸນສົມບັດທີ່ດີ ມີສຸຂະພາບທີ່ແຂງແຮງ ເພື່ອຮ່ຳຮຽນ ຢູ່ຕ່າງປະເທດ. ຜູ້ສະໝັກຮັບທຶນການສຶກສາຕ້ອງໃຫ້ຄຳໝັ້ນສັນຍາຈະປະຕິບັດສຳເລັດຫຼັກສູດບຳລຸງສ້າງ ແລະ ກັບເມືອປະເທດຮັບໃຊ້ອົງການທີ່ສົ່ງໄປຮຽນ ຫຼືຕາມຄວາມຮຽກຮ້ອງຂອງລັດ. ບັນດາຜູ້ບໍ່ປະຕິບັດສຳເລັດຫຼັກສູດບຳລຸງສ້າງ, ປະລະການຮຽນຍ້ອນຕົນເອງ, ຖືກໃຫ້ອອກຈາກການຮຽນ ຫຼື ພາຍຫຼັງຮຽນຈົບບໍ່ກັບຄືນປະເທດ, ບໍ່ປະຕິບັດພັນທະຂອງຜູ້ໄດ້ຮັບທຶນການສຶກສາຢ່າງຄົບຖ້ວນ ຕ້ອງທົດແທນງົບປະມານການບຳລຸງສ້າງຕາມຂໍ້ກຳນົດທີ່ໄດ້ຮັບການປະກາດໃຊ້ໃນປັດຈຸບັນ.
ຜູ້ຮັບທຶນການສຶກສາ ທີ່ບໍ່ຮູ້ພາສາລັດເຊຍ ຈະໄດ້ຮຽນພາສາລັດເຊຍ 1 ປີຢູ່ ສະຫະພັນລັດເຊຍ ແລະ ຕ້ອງຜ່ານການເສັງໂດຍຝ່າຍລັດເຊຍຈັດຕັ້ງກ່ອນທີ່ຈະເຂົ້າຮຽນວິຊາສະເພາະ.
ເປົ້າໝາຍສະໝັກຮັບທຶນການສຶກສາແມ່ນນັກຮຽນທີ່ພວມຮຽນ ມໍ7, ນັກສຶກສາປີທີໜຶ່ງ, ຜູ້ມີລະດັບວິຊາສະເພາະປະລິນຍາຕີ, ປະລິຍະໂທ, ປະລິນຍາເອກ. ບັນດາຜູ້ຮັບສະໝັກທີ່ເຄີຍໄປຮຽນຢູ່ ສະຫະພັນລັດເຊຍ ແລ້ວ ຫຼືຮຽນພາສາລັດເຊຍ ຢູ່ ຫວຽດນາມ ຫຼືມີໃບຢັ້ງຢືນພາສາລັດເຊຍສາກົນ ຈະໄດ້ໃຫ້ ບຸລິມະສິດໃນການພິຈາລະນາ.
ລົງທະບຽນເອກະສານເຂົ້າຮ່ວມການສະໝັກທາງໄກໃນປະຕູຖານຂໍ້ມູນເອເລັກໂຕນິກ ຂອງຝ່າຍລັດເຊຍ education-in-russia.com, ຝ່າຍ ຫວຽດນາມ http://tuyensinh.vied.vn ແລະ ສົ່ງເອກະສານ 2 ສະບັບດ້ວຍພາສາລັດເຊຍ ຈົນຮອດວັນທີ 28 ມັງກອນ ປີ 2022.
ກຳນົດເວລາສົ່ງເອກະສານດ້ວຍພາສາຫວຽດນາມ ຮອດວັນທີ 30 ມິຖຸນາ ປີ 2022 (ໄລ່ຕາມກາຈຳ້ຂອງໄປສະນີ ຮັບເອກະສານຢູ່ກົມຮ່ວມມືສາກົນ - ກະຊວງການສຶກສາ ແລະ ບຳລຸງສ້າງ).
ຂໍ້ມູນລະອຽດເບິ່ງໃນ Link:
ບຸນຄົງ
