ນັ້ນແມ່ນຄຳຢືນຢັນຂອງທ່ານ Timur Sadykov ຫົວໜ້າສະຖານກົງສູນໃຫຍ່ລັດເຊຍ ປະຈຳນະຄອນໂຮ່ຈີມິນ ໃນການພົບປະກັບຜູ້ຕາງໜ້າບັນດາອົງການສື່ມວນຊົນ ໃນຕອນເຊົ້າວັນທີ 29 ທັນວາ ເພື່ອແຈ້ງໃຫ້ຊາບກ່ຽວກັບໝາກຜົນແຫ່ງແນວທາງພົວພັນຕ່າງປະເທດຂອງ ລັດເຊຍ ໃນປີນີ້.
ທີ່ການພົບປະ, ທ່ານ Sadykov ໃຫ້ຄຳສັງເກດວ່າ ບັນດາການເຄື່ອນໄຫວປ້ອງກັນ, ຕ້ານພະຍາດໂຄວິດ-19 ໄດ້ສະແດງໃຫ້ເຫັນການພົວພັນຮ່ວມມືຢ່າງແໜ້ນແຟ້ນລະຫວ່າງສອງປະເທດ. ທ່ານ Sadykov ໃຫ້ຮູ້ວ່າ: ສອງປະເທດໄດ້ສ້າງຕັ້ງກົນໄກແລກປ່ຽນປະສົບການໃນການກວດ, ປິ່ນປົວ ແລະ ສະກັດກັ້ນພະຍາດໂຄວິດ-19.
 |
| ທ່ານ Timur Sadykov ຫົວໜ້າສະຖານກົງສູນໃຫຍ່ລັດເຊຍ ປະຈຳນະຄອນໂຮ່ຈີມິນ. ພາບ: ຍືເຈິ່ນ |
ຂະແໜງນ້ຳມັນເຊື້ອໄຟ - ພະລັງງານ ຍັງຄົງແມ່ນເສົາຄໍ້າຂອງການຮ່ວມມືດ້ານ ເສດຖະກິດລະຫວ່າງສອງປະເທດໃນຫຼາຍປີຜ່ານມາດ້ວຍບໍລິສັດຮ່ວມທຸລະກິດ Vietsovpetro ນຳໜ້າ. ປີນີ້ Vietsovpetro ສະເຫຼີມສະຫຼອງ 40 ປີແຫ່ງວັນສ້າງຕັ້ງບໍລິສັດຮ່ວມທຸລະກິດ ດ້ວຍໄຊຊະນະທີ່ສຳຄັນ ເຊັ່ນ: ຂຸດຄົ້ນນ້ຳມັນ 3,1 ລ້ານໂຕນ ແລະ ອາຍແກັສ 83,6 ລ້ານ m3, ເລີ່ມເຄື່ອນໄຫວໂຄງການທະເລ 34 ໂຄງການ, ໃນນັ້ນມີ ຮ້ານ BK ໃໝ່ຢູ່ບໍ່ແຮ່ ແບັກໂຫ.
ປີ 2022, ລັດເຊຍ ແລະ ຫວຽດນາມ ຈະສະເຫຼີມສະຫຼອງ 10 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດຮອບດ້ານ. ທ່ານ Sadykov ກ່າວວ່າ “ສະຖານກົງສຸນໃຫຍ່ລັດເຊຍ ປະຈຳນະຄອນ ໂຮ່ຈີມິນ ປາດຖະໜາຢາກຈັດຕັ້ງບັນດາເຫດການເພື່ອຂີດໝາຍເຫດການດັ່ງກ່າວຢ່າງສົມກຽດ. ເຖິງຢ່າງໃດ ກໍ່ຕາມ, ພວກຂ້າພະເຈົ້າຈະພິຈາລະນາສະພາບການພະຍາດໂຄວິດ-19 ເພື່ອສ້າງແຜນການທີ່ສົມເຫດສົມຜົນ.
ບູນມີ
