 |
| ພິທີຕອບຮັບ |
ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດ ນາງ ຫງວຽນເຟືອງງາ, ປະທານ VUFO ໃຫ້ຮູ້ວ່າ: ໃນສະພາບການຜັນແປຢ່າງສັບສົນຂອງໂລກລະບາດໂຄວິດ - 19, ຫວຽດນາມ ຍັງສືບຕໍ່ໄດ້ຮັບການໜູນຊ່ວຍຈາກ ອົງການບໍ່ຂຶ້ນກັບລັດຖະບານຕ່າງປະເທດ, ພິເສດແມ່ນຄວາມເຫັນດີເຫັນພ້ອມດ້ານນະໂຍບາຍ, ການໜູນຊ່ວຍດ້ານການເງິນ ແລະ ປະສົບການຈາກ ອົງການບໍ່ຂຶ້ນກັບລັດຖະບານຕ່າງປະເທດ ທັງຊ່ວຍເຫຼືອໃຫ້ຫວຽດນາມ ໃນການຕ້ານໂລກລະບາດ ແລະ ທັງຜັນຂະຫຍາຍປະຕິບັດບັນດາໂຄງການ.
ທ່ານນາງປະທານ VUFO ໄດ້ສະແດງຄວາມຂອບອົກຂອບໃຈຕໍ່ບັນດາຄວາມມານະພະຍາຍາມອັນໃຫຍ່ຫຼວງຂອງ ອົງການບໍ່ຂຶ້ນກັບລັດຖະບານຕ່າງປະເທດ, ຜ່ານຜ່າຄວາມຫຍຸ້ງຍາກທີ່ເກີດຈາກໂລກລະບາດ ແລະ ສືບຕໍ່ສະຫງວນການສະໜັບສະໜູນອັນລ້ຳຄ່າໃຫ້ຫວຽດນາມ. ອົງການບໍ່ຂຶ້ນກັບລັດຖະບານຕ່າງປະເທດໄດ້ເຫັນດີເປັນເອກະພາບ ແລະ ສະໜັບສະໜູນບັນດານະໂຍບາຍຕະຫຼອດເຖິງການໜູນຊ່ວຍດ້ານການເງິນ ແລະ ປະສົບການ, ທັງໜູນຊ່ວຍ ຫວຽດນາມ ຕ້ານພະຍາດລະບາດ ແລະ ຜັນຂະຫຍາຍບັນດາໂຄງການ ຮັບປະກັນບັນດາຄຳໝັ້ນສັນຍາໃຫ້ຜູ້ໄດ້ຮັບຜົນປະໂຫຍດ ກໍ່ຄືບັນດາຜູ້ໜູນຊ່ວຍ.
"ອົງການບໍ່ຂຶ້ນກັບລັດຖະບານຕ່າງປະເທດ ໄດ້ຕັ້ງໜ້າລະດົມແຫຼ່ງກຳລັງ, ມີໜ້າຢູ່ຈຸດຮ້ອນແຮງຢ່າງທັນການ ເຖິງແມ່ນວ່າພວກເຂົາບໍ່ໄດ້ສັກຢາວັກຊີນ, ໂດຍບໍ່ຄິດງໍ້ທັງເວັນ ແລະ ຄືນ ກໍລ້ວນແຕ່ນໍາເອົາອຸປະກອນການແພດໄປຍັງເຂດປະສົບກັບຄວາມຫຍຸ້ງຍາກເພື່ອໜູນຊ່າຍດ່ານໜ້າປ້ອງກັນ ແລະ ຄວບຄຸມການລະບາດ, ເບິ່ງແຍງດູແລສຸຂະພາບ, ໜູນຊ່ວຍປະຊາຊົນທີ່ໄດ້ຮັບຜົນກະທົບໂດຍກົງຈາກການແຜ່ລະບາດຂອງພະຍາດໂຄວິດ-19. ໂດຍຕາງໜ້າໃຫ້ປະຊາຊົນຫວຽດນາມ, ຂ້າພະເຈົ້າຂໍສະແດງຄວາມຂອບອົກຂອບໃຈຢ່າງສຸດຈິດສຸດໃຈມາຍັງບັນດາອົງການບໍ່ຂຶ້ນກັບລັດຖະບານຕ່າງປະເທດທີ່ພວມເຄື່ອນໄຫວຢູ່ ຫວຽດນາມ ແລະ ບັນດານັກອຸປະຖຳຂອງບັນດາອົງການ” ທ່ານເອກອັກຄະລັດຖະທູດ ນາງ ຫງວຽນເຟືອງງາ ເນັ້ນໜັກ.
ຕາມທ່ານ ຟານແອງເຊີນ, ຮອງປະທານ, ເລຂາທິການ VUFO, ຮອງປະທານຄະນະກຳມະການວຽກງານກ່ຽວກັບ ອົງການບໍ່ຂຶ້ນກັບລັດຖະບານຕ່າງປະເທດແລ້ວ, ດ້ວຍຂໍ້ລິເລີ່ມຂອງ ອົງການບໍ່ຂຶ້ນກັບລັດຖະບານຕ່າງປະເທດ, ການສົມທົບ, ການໜູນຊ່ວຍຢ່າງຕັ້ງໜ້າຂອງ VUFO ແລະ ບັນດາອົງການ, ທ້ອງຖິ່ນທີ່ກ່ຽວຂ້ອງ, ບັນດາອົງການ ໄດ້ປັບປຸງແຜນການດຳເນີນງານຢ່າງທັນການ, ສຸມໃສ່ການຍົກອອກບັນດາມາດຕະການແກ້ໄຂຢ່າງມີປະສິດທິຜົນ ເພື່ອຮັບປະກັນການຮັກສາການເຄື່ອນໄຫວລວມຂອງອົງການຈັດຕັ້ງຢູ່ຫວຽດນາມໃຫ້ເປັນຢ່າງດີ. ຫຼາຍອົງການໄດ້ມານະພະຍາຍາມໜູນຊ່ວຍ ຫວຽດນາມ ໃນການຕ້ານການແຜ່ລະບາດຂອງພະຍາດໂຄວິດ-19, ແກ້ໄຂຜົນສະທ້ອນຈາກໄພທຳມະຊາດເຊັ່ນ: ໄພແຫ້ງແລ້ງ, ນ້ຳເຄັມຊຶມເຂົ້າໃນບາງແຂວງເຂດທົ່ງພຽງແມ່ນ້ຳຂອງທາງພາກໃຕ້, ພາຍຸ ແລະ ໄພນ້ຳຖ້ວມຢູ່ພາກກາງ.
ໃນປີ 2021, ອົງການບໍ່ຂຶ້ນກັບລັດຖະບານຕ່າງປະເທດໄດ້ໜູນຊ່ວຍຫວຽດນາມຢ່າງຕັ້ງໜ້າໃນການຕ້ານພະຍາດໂຄວິດ-19 ດ້ວຍບ້ວງໜູນຊ່ວຍປະມານ 130 ບ້ວງ ໃນນັ້ນມີເງິນສົດ, ອຸປະກອນການແພດ, ສິ່ງຂອງຈຳເປັນ ແລະ ບັນດາໂຄງການບຳລຸງສ້າງ, ຝຶກອົບຮົມ... ດ້ວຍມູນຄ່າ 10,65 ລ້ານ USD.
ເນື່ອງໃນໂອກາດນີ້, ເພື່ອຍ້ອງຍໍຊົມເຊີຍ ແລະ ຮັບຮູ້ການປະກອບສ່ວນອັນຕັ້ງໜ້າຂອງ ອົງການບໍ່ຂຶ້ນກັບລັດຖະບານຕ່າງປະເທດ, VUFO ໄດ້ມອບໃບຍ້ອງຍໍໃຫ້ 49 ອົງການບໍ່ຂຶ້ນກັບລັດຖະບານຕ່າງປະເທດທີ່ມີການເຄື່ອນໄຫວດີເດັ່ນທີ່ສຸດໃນປີ 2021.
ບຸນຄົງ
