| ຫວຽດນາມ ສະໜັບສະໜູນການເພີ່ມທະວີການຮ່ວມມື ລະຫວ່າງສະຫະປະຊາຊາດ ແລະ ສະຫະພາບອາຟຼິກາ | |
| ຫວຽດນາມ ແມ່ນແຫຼ່ງສະໜອງກາເຟໃຫຍ່ອັນດັບ 3 ຂອງອາເມລິກາ |
ຫງວຽນແອງຮ່າວ
ເມື່ອມີອາຍຸ 23 ປີ, ຫງວຽນແອງຮ່າວ (ແຂວງກຽນຢາງ) ໄດ້ຮັບທຶນການສຶກສາ 8 ຕື້ດົ່ງ ໃນຂະແໜງເຄມີສາດ ຈາກມະຫາວິທະຍາໄລວໍຊິງຕັນ, ອາເມລິກາ.
ໃນປີຜ່ານມາ, ວຽກງານຄົ້ນຄວ້າຂອງ ແອງຮ່າວ ຂ້ອນຂ້າງຊ້າລົງ ເພາະແຕ່ລະຄັ້ງທີ່ຈະຊື້ສານເຄມີ ແລະ ເຄື່ອງມືຄົ້ນຄວ້າ, ຈະຕ້ອງລໍຖ້າແຕ່ 2 ຫາ 3 ເດືອນ. ເມື່ອຕ້ອງຄົ້ນຄ້ວາ ແລະເຮັດວຽກເປັນຜູ້ຊ່ວຍສິດສອນທາງອອນລາຍເປັນປະຈຳຢູ່ບ້ານ, ແອງຮ່າວ ຍັງໄດ້ໃຊ້ເວລາເພື່ອຮ່ຳຮຽນເອົາຄວາມຮູ້ ແລະ ທັກສະໃໝ່ເພື່ອພັດທະນາຕົນເອງ.
 |
| ນອກຈາກທຶນການສຶກສາໄປສຶກສາ, ຄົ້ນຄວ້າຢູ່ຕ່າງປະເທດແລ້ວ, ແອງຮ່າວ ຍັງມີບັນດາຜົນງານດີເດັ່ນຢູ່ ອາເມລິກາ ເຊັ່ນ: ລາງວັນນັກສຶກສາດີເດັ່ນດ້ານວັນນະຄະດີ - Pierce College; ລາງວັນນັກສຶກສາຕ່າງປະເທດດີເດັ່ນ - Pierce College... ພາບ: tienphong.vn |
ຫວ່າງມໍ່ໆມານີ້, ແອງຮ່າວ ໄດ້ຮັບສະເໜີໃນລາງວັນ “ອາຈານດີເດັ່ນຂອງມະຫາວິທະຍາໄລວໍຊິງຕັນ”...
ໂດຍໄດ້ຮັບທຶນການສຶກສາຄົ້ນຄວ້າເຄມີສາດ, ແອງຮ່າວ ຖືວ່າ ນີ້ແມ່ນໂອກາດດີເພື່ອຕອບສະໜອງຄວາມສົນໃຈໃນການຄົ້ນຄ້ວາ ແລະ ຊອກຮູ້ຢ່າງເລິກເຊິ່ງກ່ຽວກັບຂົງເຂດທີ່ຕົນມີຄວາມເມົາມົວຫຼົງໄຫຼ.
ຫ |
| ຫງວຽນແອງຮ່າວ. ພາບ: tienphong.vn |
ຫງວຽນຮວິ່ງແອງຄວາ
ກ່ອນນີ້ 5 ປີ, ຫງວຽນຮວິ່ງແອງຄວາ (ເກີດປີ 1999, ຢູ່ນະຄອນໂຮ່ຈີມິນ) ໄດ້ເດີນທາງໄປອາເມລິກາ ເພື່ອທົດສອບບັນດາຂໍ້ຈຳກັດຂອງຕົນໃນຂົງເຂດເຕັກໂນໂລຢີ. ມາຮອດປະຈຸບັນ, ແອງຄວາ ໄດ້ມີຄວາມພໍໃຈສ່ວນໃດສ່ວນໜຶ່ງຕໍ່ຄວາມມຸ່ງມາດປາດຖະໜານັ້ນ ເມື່ອບັນລຸໄດ້ລາງວັນຫຼາຍຢ່າງ ແລະ ຜົນງານທີ່ພົ້ນເດັ່ນໃນຖານະເປັນວິສະວະກອນຊອບແວ.
 |
| ຫງວຽນຮວິ່ງແອງຄວາ. ພາບ: tienphong.vn |
ຫຼັງຈາກຮຽນຈົບ, ນັກສຶກສາປະລິນຍາຕີໃຫມ່ຂະແໜງວິທະຍາສາດຄອມພິວເຕີຈາກ ມະຫາວິທະຍາໄລວໍຊິງຕັນ ກໍ່ໄດ້ຮັບການເຊື້ອເຊີນໃຫ້ເຮັດວຽກເປັນວິສະວະກອນ ຊອບແວຂອງບໍລິສັດ Amazon ດ້ວຍເງິນເດືອນທີ່ຫນ້າສົນໃຈ. ແອງຄວາ ຖືວ່ານີ້ແມ່ນບາດລ້ຽວທີ່ສໍາຄັນໃນເສັ້ນທາງການເຮັດວຽກຂອງຕົນໃນອາຍຸ 21 ປີ.ໜຶ່ງໃນບັນດາຜົນງານທີ່ພົ້ນເດັ່ນຂອງ ແອງຄວາ ແມ່ນນັກປະພັນກິດຈະກຳຄົ້ນຄ້ວາ ProtoSound.
 |
| ໂດຍໄດ້ຢູ່ຕ່າງປະເທດເປັນເວລາຫຼາຍປີ, ບາງທີຄວາມຮູ້ສຶກທີ່ໂສກເສົ້າທີ່ສຸດຂອງ ແອງຄວາ ຍັງແມ່ນຄວາມໂດດດ່ຽວດຽວດາຍເມື່ອໄປເຮັດວຽກໃນຊວງປີໃໝ່ປະຈຳຊາດ. ພາບ: tienphong.vn |
ສິ້ນສຸດປີ 2021 ທີ່ເຕັມໄປດ້ວຍການຜັນປ່ຽນ, ແອງຄວາ ແບ່ງປັນສານທີ່ວ່າ: “ຢ່າປ່ອຍໃຫ້ຄວາມດູໝີ່ນ ຫຼື ການເຍົ້າຍວນຂອງບາງສິ່ງບາງຢ່າງ ບ່ຽງເບນເຈົ້າ ອອກຈາກເສັ້ນທາງຂ້າງໜ້າ, ແຕ່ຢ່າຢ້ານທີ່ຈະບຸກບືນເຂົ້າໃສ່ຂົງເຂດແປກໃໝ່, ຈົ່ງຮຽນຮູ້ສິ່ງທີ່ໜ້າສົນໃຈ ແລະ ຄົ້ນຄວ້າໂລກອ້ອມຕົວເຮົາ. ການເພີ່ມທັກສະໃໝ່ໃຫ້ຕົນເອງສາມາດຊ່ວຍເຮົາໃນເສັ້ນທາງທີ່ຍາວໄກໃນຕໍ່ໜ້າ...".
ຫວູຟານຫວຽດຮວາ
ຫວູຟານຫວຽດຮວາ (ເກີດປີ 1996) ປະຈຸບັນແມ່ນນັກຄົ້ນຄວ້າ ຢູ່ອົງການຄົ້ນ ຄວ້າການບິນ ແລະ ອາວະກາດແຫ່ງຊາດຝຣັ່ງ (ONERA). ກ່ອນນັ້ນ, ນາງໄດ້ຮຽນປະລິນຍາໂທຢູ່ມະຫາວິທະຍາໄລວິທະຍາສາດ ແລະ ເຕັກໂນໂລຢີ ຮ່າໂນ້ຍ (USTH) ແລະ ພ້ອມທັງກໍ່ໄດ້ຮັບໃບປະກາດສະນີຍະບັດຢູ່ມະຫາວິທະຍາໄລ Paris Diderot, ລົງເລິກສະເພາະຂະແໜງວິທະຍາສາດອາວະກາດ.
ພາຍຫຼັງຮຽນຈົບປະລິນຍາໂທຢູ່ຫວຽດນາມ, ຮວາ ສືບຕໍ່ເຮັດວຽກເປັນນັກຄົ້ນຄວ້າ ຢູ່ອົງການຄົ້ນຄວ້າການບິນ ແລະ ອາວະກາດແຫ່ງຊາດຝຣັ່ງ. ເຖິງວ່າຈະມີປະສົບການເຄີຍຢູ່ປະເທດຝຣັ່ງເພື່ອຝຶກອົບຮົມມາກ່ອນກໍ່ຕາມ, ແຕ່ຮວາ ຍັງປະສົບກັບຄວາມຫຍຸ້ງຍາກຍ້ອນບໍ່ຮູ້ພາສາຝຣັ່ງຫຼາຍ. ຮວາ ໃຫ້ຮູ້ວ່າ: “ປະຈຸບັນ, ຂ້າພະເຈົ້າພວມມານະພະຍາຍາມຮຽນພາສາຕ່າງປະເທດດ້ວຍຕົນເອງ ເພື່ອສາມາດເຂົ້າຮ່ວມກອງປະຊຸມສຳມະນາພາສາຝຣັ່ງ ແລະ ປັບຕົວເຂົ້າກັບຊີວິດໃໝ່ໄດ້ງ່າຍດາຍກວ່າ.”
 |
| ຄວາມມຸ່ງມາດປາດຖະໜາຢາກເປັນຄູສອນແຕ່ຍັງນ້ອຍ, ແຕ່ຫວຽດຮວາ “ ເດັດດ່ຽວ” ເລືອກເອົາວິຊາຮຽນໃໝ່ເພື່ອລອງກໍາລັງຄວາມສາມາດຂອງຕົນ. ພາບ: tienphong.vn |
ຫງວຽນແມ້ງຖັ໊ງ
ຫງວຽນແມ້ງຖັ໊ງ (ເກີດປີ 1996) ປະຈຸບັນກຳລັງຮຽນປະລິນຍາໂທ ໃນຂົງເຂດ ເຕັກໂນໂລຢີ ແລະ ວິທະຍາສາດ ສະບຽງອາຫານ ຢູ່ ສ.ເກົາຫຼີ. ປະຈຸບັນ, ຖັ໊ງມີຄວາມຄ່ອງແຄ້ວໃນສອງພາສາຕ່າງປະເທດລວມມີ ພາສາ ສ.ເກົາຫຼີ ແລະ ພາສາອັງກິດ, ມີ GPA ບັນລຸ 4.5/4.5.
ພາຍຫຼັງຮຽນຈົບປະລິນຍາຕີຈາກມະຫາວິທະຍາໄລແຫ່ງຊາດ Chungnam (ສ.ເກົາຫຼີ), ຖັ໊ງ ໄດ້ກັບເມືອຫວຽດນາມ ໂດຍໄດ້ເຮັດວຽກໃນຫຼາຍຕຳແໜ່ງ. 1 ປີຕໍ່ມາ, ຖັ໊ງສືບຕໍ່ໄດ້ຮັບທຶນການສຶກສາ ຈາກອາຈານທີ່ມະຫາວິທະຍາໄລ ແຫ່ງຊາດ Chungnam ແລະ ໄດ້ຮຽນຕໍ່ປະລິນຍາໂທຈົນເຖິງປັດຈຸບັນ.
ພະຍາດໂຄວິດ-19 ສຳລັບ ແມ້ງຖັ໊ງ ເວົ້າສະເພາະ ແລະ ນັກສຶກສາຕ່າງປະເທດເວົ້າລວມແລ້ວ ແມ່ນທີ່ສິ່ງທ້າທາຍບໍ່ແມ່ນໜ້ອຍໆ. ເຖິງຢ່າງໃດກໍຕາມ, ຖັ໊ງໄດ້ປັບຕົວກັບການດຳລົງຊີວິດໂດຍໄວ ແລະ ເປັນເຈົ້າການກວ່າໃນທຸກສະຖານະການດ້ວຍບັນດາແຜນການທີ່ວາງໄວ້ແລ້ວ.
 |
| ຖັ໊ງ ກ່າວວ່າ ເມື່ອໜຶ່ງປີກ່ອນເຄີຍກັບເມືອບ້ານ 1-2 ຄັ້ງ ແຕ່ປະຈຸບັນ ສິ່ງນີ້ໄດ້ກາຍເປັນສິ່ງທີ່ຫຍຸ້ງຍາກກວ່າເກົ່າ. ພາບ: tienphong.vn |
ຫງວຽນກິມງອກ
ຫງວຽນກິມງອກ (ເກີດປີ 1999, ຢູ່ນະຄອນໂຮ່ຈີມິນ) ປະຈຸບັນແມ່ນນັກ ສຶກສາຕ່າງປະເທດຂະແໜງເຄມີຊີວະສາດ ແລະ ຊີວະສາດໂມເລກຸນ ຢູ່ມະຫາວິທະຍາໄລ Clark, ອາເມລິກາ.
ໃນໄລຍະຮຽນຢູ່ອາເມລິກາ, ງອກ ຍາມໃດກໍ່ມີຄວາມເຊື່ອວ່າ: “ປະຕູສູ່ການຄົ້ນຄວ້າວິທະຍາສາດຍາມໃດກໍ່ເປີດຢ່າງກວ້າງຂວາງ ແລະ ບໍ່ຈຳກັດເພດ. ຖ້າເຈົ້າຕັ້ງຈຸດໝາຍປາຍທາງເມື່ອກ້າວເຂົ້າໄປໃນປະຕູນັ້ນ, ມັນຈະເປັນ "ຂອບຟ້າ" ໃຫ້ພວກເຮົາສະແດງອອກຢ່າງເສລີ”.
ນອກຈາກການຮ່ຳຮຽນແລ້ວ, ກິມງອກ ຍັງເປັນນັກບັນນາທິການຂອງວາລະສານຄົ້ນຄວ້າໃນໂຮງຮຽນ ທັງເປັນນັກກໍານົດທິດໃຫ້ນັກຮຽນລຸ້ນນ້ອງ. ງອກ ຍັງໄດ້ເຂົ້າຮ່ວມໃນສະພາຫຼາຍຮູບຫຼາຍແບບ ແລະ ກົມກຽວ ຂອງພະແນກຊີວະພາບ ມະຫາວິທະຍາໄລ Clark ເພື່ອສົ່ງເສີມ ແລະ ເພີ່ມຈໍານວນນັກສຶກສາໃນພະແນກທີ່ມາຈາກທຸກໆປະເທດໃນໂລກ.
ປະຈຸບັນ, ນັກສຶກສາຍິງຄົນນີ້ພວມຄົ້ນຄວ້າວິທີການນຳໃຊ້ “peptides” ແລະ “peptidomimetic” ຊ່ວຍປິ່ນປົວພະຍາດມະເຮັງ.
 |
| ຫວ່າງມໍ່ໆມານີ້, ນັກສຶກສາຍິງຫວຽດນາມທີ່ຮຽນຢູ່ຕ່າງປະເທດ ເປັນກຽດໄດ້ຮັບເລືອກຈາກສະມາຄົມເຄມີອາເມລິກາ ໃຫ້ເປັນໜຶ່ງໃນນັກເຄມີໜຸ່ມທີ່ມີແງ່ຫວັງ ເພື່ອເຂົ້າຮ່ວມກອງປະຊຸມ: “ການພົບປະທີ່ຍາວນານລະຫວ່າງນັກວິທະຍາສາດທີ່ມີຄວາມມຸ່ງມາດປາດຖະໜາ ແລະ ດີເດັ່ນ (LEADS)” ຢູ່ລັດ Washington. ພາບ: tienphong.vn |
ເຈືອງສີທິຫວູ
ພາຍຫຼັງຜ່ານຮອບຄັດເລືອກຢ່າງເຄັ່ງຄັດ, ໃນນັ້ນມີຮອບສຳພາດໂດຍມີການເຂົ້າຮ່ວມຂອງສາດສະດາຈານ ແລະ ນັກຊ່ຽວຊານຈາກບັນດາມະຫາວິທະຍາໄລ ແຖວໜ້າໂລກໃນຂົງເຂດວິທະຍາສາດ ແລະ ເຕັກໂນໂລຊີຊັ້ນນຳຂອງໂລກ, ເຈືອງສີທິຫວູ ໄດ້ມີຄວາມດີເດັ່ນ ສາມາດບັນລຸໄດ້ທຶນການສຶກສາຮຽນປະລິນຍາໂທກ່ຽວກັບວິທະຍາສາດ ຖານຂໍ້ມູນໂປຼແກຼມ ຂອງມະຫາວິທະຍາໄລ California ໃຕ້ ຢູ່ອາເມລິກາ ເມື່ອບໍ່ດົນມານີ້.
ປະຈຸບັນ, ເມື່ອກ້າວເຂົ້າສູ່ສະພາບແວດລ້ອມໃໝ່, ເຖິງວ່າຈະປະສົບກັບຄວາມຫຍຸ້ງຍາກໃນເບື້ອງຕົ້ນກໍ່ຕາມ, ແຕ່ຫວູ ໄດ້ປັບຕົວຢ່າງວ່ອງໄວ.
 |
| ຫວູ ກໍ່ບັນລຸໄດ້ບັນດາຜົນງານທີ່ພົ້ນເດັ່ນຄື: ໄດ້ຮັບທຶນການສຶກສາຝຶກງານຢູ່ຝລັ່ງ, USTH (2019); ທຶນການສຶກສາ A2 ສໍາລັບນັກສຶກສາທີ່ດີເລີດ, USTH (2017 - 2019); ລາງວັນທີ 3 ໃນການແຂ່ງຂັນຄອມພິວເຕີລະດັບເມືອງ, CVA (2017); ລາງວັນຊົມເຊີຍໃນການແຂ່ງຂັນຄອມພິວເຕີລະດັບເມືອງ, CVA (2016); ໄດ້ຮັບໃບປະກາດສະນີຍະບັດ DELF B1 ພາສາຝຣັ່ງ... ພາບ: tienphong.vn |
ບູນມີ
