| ແນະນຳກ່ຽວກັບກາເຟຊະນິດຕ່າງໆທີ່ໄດ້ປູກຢູ່ ຫວຽດນາມ | |
| ກາເຟງວດທຳອິດທີ່ສົ່ງອອກໄປຍັງ ອີຢູ ຕາມສັນຍາ EVFTA |
ກົມການນຳເຂົ້າ-ສົ່ງອອກ (ກະຊວງອຸດສາຫະກຳ ແລະ ການຄ້າ) ໂດຍອ້າງອີງຕາມສະຖິຕິຂອງສູນການຄ້າສາກົນ (ITC) ໃຫ້ຮູ້ວ່າ ໃນ 10 ເດືອນປີ 2021, ອາເມລິການຳເຂົ້າກາເຟບັນລຸ 1,35 ລ້ານໂຕນ, ເປັນມູນຄ່າ 5,72 ຕື້ USD, ເພີ່ມຂຶ້ນ 5,2% ທາງດ້ານປະລິມານ ແລະ 19.7% ໃນດ້ານມູນຄ່າເມື່ອທຽບກັບໄລຍະດຽວກັນໃນປີ 2020. ສະຫະລັດອາເມລິກາ ໄດ້ເພີ່ມການນໍາເຂົ້າກາເຟປະເພດຕ່າງໆ, ຍົກເວັ້ນກາເຟຂົ້ວບົດ, ແລະ ກາເຟບໍ່ມີ caphêin (HS 090112).
 |
| ຫວຽດນາມ ແມ່ນແຫຼ່ງສະໜອງກາເຟໃຫຍ່ອັນດັບ 3 ຂອງອາເມລິກາ. (ພາບ: baogialai) |
ຕາມ ITC ແລ້ວ, ຫວຽດນາມ ແມ່ນແຫຼ່ງສະໜອງກາເຟໃຫຍ່ອັນດັບ 3 ຂອງອາເມລິກາ (ດ້ານປະລິມານ) ໃນ 10 ເດືອນຕົ້ນປີ 2021, ບັນລຸປະມານ 118,300 ໂຕນ, ເປັນມູນຄ່າ 228,11 ລ້ານ USD, ຫຼຸດລົງ 15,1% ໃນດ້ານປະລິມານ ແລະ ຫລຸດລົງ 12,3. % ໃນມູນຄ່າເມື່ອທຽບໃສ່ໄລຍະດຽວກັນຂອງປີ 2020. ອັດຕາສ່ວນກວມຕະຫຼາດກາເຟຂອງຫວຽດນາມ ໃນຈຳນວນສິນຄ້ານຳເຂົ້າຂອງອາເມລິກາ ໄດ້ຫຼຸດລົງຈາກ 10,87% ໃນ 10 ເດືອນຕົ້ນປີ 2020 ມາເປັນ 8,78% ໃນ 10 ເດືອນຂອງປີ 2021.
ຂໍ້ມູນຈາກ https://www.mordointelligence.com, ຕະຫຼາດກາເຟຂອງອາເມລິກາ ຄາດວ່າຈະເຕີບໂຕດ້ວຍ CAGR ແມ່ນ 4.8% ໃນລະຫວ່າງ 2020-2025. ປັດໄຈຕົ້ນຕໍທີ່ຊຸກຍູ້ການເຕີບໂຕຂອງຕະຫຼາດ ແມ່ນວິຖີຊີວິດທີ່ຫຍຸ້ງວຽກ ແລະ ຊົ່ວໂມງເຮັດວຽກທີ່ຍາວນານ. ນອກຈາກນັ້ນ, ຜູ້ບໍລິໂພກໃນອາເມລິກາ ມີຄວາມຕ້ອງການທີ່ເຄັ່ງຄັດສໍາລັບຄຸນນະພາບຂອງຜະລິດຕະພັນຊັ້ນສູງ.
ກາເຟເປັນເຄື່ອງດື່ມທີ່ນິຍົມໃນອາເມລິກາ. ການບໍລິໂພກກາເຟໃນອາເມລິກາ ໄດ້ມີການປ່ຽນແປງເລັກນ້ອຍໃນຊຸມປີມໍ່ໆມານີ້, ແຕ່ຍັງຄົງທີ່ສະເລ່ຍ ແມ່ນ 2 ຈອກກາເຟ/ມື້/ຄົນ.
ອີງຕາມການສໍາຫຼວດຂອງສະມາຄົມກາເຟແຫ່ງຊາດຂອງອາເມລິກາ, ຫຼາຍກ່ວາ 70% ຂອງຜູ້ບໍລິໂພກ ມັກປຸງແຕ່ງກາເຟຢູ່ເຮືອນຂອງຕົນ ແລະ 59% ປະລິມານກາເຟທີ່ບໍລິໂພກປະຈໍາວັນ ເຊິ່ງແມ່ນຜະລິດຕະພັນກາເຟຊັ້ນສູງ. ສະນັ້ນ, ອາເມລິກາກາຍເປັນຕະຫຼາດສົ່ງອອກ ທີ່ມີຄວາມສາມາດບົ່ມຊ້ອນອັນໃຫຍ່ຫຼວງ ທີ່ປະເທດຜະລິດກາເຟລ້ວນແຕ່ຢາກແຊກຊຶມເຂົ້າ, ໃນນັ້ນມີຫວຽດນາມ.
ຄຳຮຸ່ງ
