| ຫວຽດນາມ ປະຕິບັດສຳເລັດຕຳແໜ່ງກຳມະການບໍ່ປະຈຳການສະພາຄວາມໝັ້ນຄົງສະຫະປະຊາຊາດເປັນຢ່າງດີ | |
| ຫວຽດນາມ ຮຽກຮ້ອງຊຸກຍູ້ຄວາມຮັບຮູ້ ແລະ ການປະຕິບັດ UNCLOS |
ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດ ຟ້າມຫາຍແອງ - ຜູ້ຕາງໜ້າຫວຽດນາມ ປະຈຳ ສະຫະປະຊາຊາດ ໄດ້ສະແດງຄວາມຊົມເຊີຍບົດບາດຕັ້ງໜ້າ ແລະ ປະສົບການຂອງສະຫະພັນອາຟຼິກາ ໃນການຊຸກຍູ້ການແກ້ໄຂບັນດາບັນຫາອາຟຼິກາ, ກໍ່ຄືປະກອບສ່ວນເຂົ້າໃນການແກ້ໄຂບັນຫາທົ່ວໂລກ.
 |
| ທ່ານເອກອັກຄະລັດຖະທູດ ຟ້າມຫາຍແອງ. (ພາບ: baoquocte) |
ທ່ານເອກອັກຄະລັດຖະທູດ ຟ້າມຫາຍແອງ ຢືນຢັນການສະໜັບສະໜູນຊຸກຍູ້ ການຮ່ວມມືຢ່າງມີປະສິດທິຜົນ ລະຫວ່າງສະພາຄວາມໝັ້ນຄົງສະຫະປະຊາຊາດ ແລະ ສະພາສັນຕິພາບ ແລະ ຄວາມໝັ້ນຄົງສະຫະພັນອາຟຼິກາ, ສຸມໃສ່ປະຕິບັດບັນດາຂອບເຂດການຮ່ວມມື ລະຫວ່າງສະຫະປະຊາຊາດອາຟຼິກາ, ໃນນັ້ນມີການຕອບສະໜອງຄວາມສົນໃຈຂອງອາຟຼິກາ ໃນການແກ້ໄຂບັນຫາຊອດທະລຸ ຄື: ການຕ້ານການກໍ່ການຮ້າຍ, ການປ່ຽນແປງຂອງດິນຟ້າອາກາດ, ລະເບີດຝັງດິນ, ແມ່ຍິງ, ສັນຕິພາບ ແລະ ຄວາມໝັ້ນຄົງ...
ທ່ານເອກອັກຄະລັດຖະທູດ ຟ້າມຫາຍແອງ ເນັ້ນໜັກເຖິງຄວາມຈຳເປັນຕ້ອງຊຸກຍູ້ການເຂົ້າຮ່ວມ ແລະ ການຮ່ວມມືຂອງສະພາຄວາມໝັ້ນຄົງສະຫະປະຊາຊາດ ແລະ ສະພາສັນຕິພາບ ແລະ ຄວາມໝັ້ນຄົງອາຟຼິກາ ກັບບັນດາອົງການອະນຸພາກພື້ນ ເຂດອາຟຼິກາ ກ່ຽວກັບບັນດາບັນຫາທີ່ກ່ຽວຂ້ອງ, ໃນການປຶກສາຫາລືຂອງສະພາຄວາມໝັ້ນຄົງ ແລະ ການຢ້ຽມຢາມພາກພື້ນ.
ທ່ານເອກອັກຄະລັດຖະທູດ ຟ້າມຫາຍແອງ ໄດ້ຕີລາຄາສູງບົດບາດ ແລະ ການປະກອບສ່ວນຂອງບັນດາປະເທດອາຟຼິກາ ໃນຖານະເປັນສະມາຊິກສະພາຄວາມໝັ້ນຄົງ ແລະ ສືບຕໍ່ສະໜັບສະໜູນບົດບາດນຳໜ້າ ໃນການຊຸກຍູ້ການຮ່ວມມືລະຫວ່າງສະພາຄວາມໝັ້ນຄົງສະຫະປະຊາຊາດ ແລະ ສະພາສັນຕິພາບ ແລະ ຄວາມໝັ້ນຄົງ ຂອງສະຫະພັນອາຟຼິກາ.
ຄຳຮຸ່ງ
