| 320 ລະຫັດຜະລິດຕະພັນຂອງຫວຽດນາມ ໄດ້ຮັບໃບອະນຸຍາດ ສົ່ງອອກໄປຍັງຈີນ | |
| ນັກຮຽນຮູ້ຫວຽດນາມ-ຈີນ ແລກປ່ຽນປະສົບການດ້ານພາສາ |
 |
| ພາບປະກອບ: vietnamnet.vn |
ກ່າວຄຳເຫັນທີ່ກອງປະຊຸມສະຫຼຸບປີ 2021 ຂອງກົມໃຫຍ່ພາສີອາກອນໃນຕອນເຊົ້າວັນທີ 27 ທັນວາ, ທ່ານ ຫງວຽນຮິວເວືອງ, ຮອງຫົວໜ້າກົມພາສີອາກອນ ລ້າງເຊີນ ໄດ້ສະຫງວນເວລາເປັນຈຳນວນຫຼາຍເພື່ອເວົ້າເຖິງເລື່ອງສິນຄ້າສົ່ງໄປຍັງຈີນຖືກຕິດຢູ່ດ່ານຊາຍແດນ.
ຕາມທ່ານ ເວື້ອງ ແລ້ວ, ນັບແຕ່ປັດຈຸບັນ ຈົນຮອດບຸນປີໃໝ່ປະຈຳຊາດ ອາດຈະບໍ່ສາມາດແກ້ໄຂໄດ້ປະລິມານສິນຄ້າທີ່ຖືກອັ່ງອໍຢູ່ເຂດຊາຍແດນ ຖ້າກຳລັງຄວາມສາມາດຜ່ານດ່ານຍັງຄືໃນປັດຈຸບັນ ເຊິ່ງແມ່ນປະມານ 78 – 90 ຄັນຕໍ່ວັນ.
ການນຳກົມພາສາອາກອນລ້າງເຊີນ ກໍ່ສະເໜີໃຫ້ມີການເຈລະຈາຢູ່ລະດັບສູງກ່ວາ ຍ້ອນບັນດາການເຈລະຈາລະຫວ່າງຄະນະຄຸ້ມຄອງເຂດເສດຖະກິດກັບຝ່າຍຈີນ ບໍ່ບັນລຸໄດ້ປະສິດທິຜົນ.
ການນຳກົມພາສາອາກອນລ້າງເຊີນ ຄາດວ່າ ການຜ່ານແດນສິນຄ້າແຕ່ປັດຈຸບັນຈົນຮອດບຸນປີໃໝ່ປະຈຳຊາດຍັງປະສົບກັບຄວາມຫຍຸ້ງຍາກ. ດັ່ງນັ້ນ ສະເໜີແນະບັນດາວິສາຫະກິດດັບປັບສິນຄ້າທີ່ຈະນຳຂຶ້ນດ່ານຊາຍແດນໃນເວລາທີ່ການແກ້ໄຂສິນຄ້າຢູ່ດ່ານຊາຍແດນ ພວມປະສົບກັບຄວາມຫຍຸ້ງຍາກ.
ສິ່ງທີ່ເປັນໜ້າສົນໃຈນັ້ນແມ່ນ, ການນຳກົມພາສີອາກອນ ໄດ້ສົ່ງເສີມບັນດາວິສາຫະກິດຫັນວິທີການມອບສົ່ງສິນຄ້າກາຍເປັນການຂົນສົ່ງທາງລົດໄຟ.
“ປັດຈຸບັນຖ້າການຂົນສົ່ງຜະລິດຕະພັນກະເສດ ຕາມເສັ້ນທາງລົດໄຟແມ່ນມີຄວາມສະດວກທີ່ສຸດ ຍອ້ນບໍ່ກ່ຽວຂ້ອງເຖິງຄົນ, ທັງຂະບວນລົດໄຟມີແຕ່ໜ່ວຍບໍລິການລົດໄຟເທົ່ານັ້ນ. ນະໂຍບາຍຂອງ ຈີນ ແມ່ນ ປອດໂຄວິດ ດັ່ງນັ້ນວິທີການຂົນສົ່ງດ້ວຍທາງລົດໄຟແມ່ນສະດວກທີ່ສຸດ”, ທ່ານເວື້ອງໃຫ້ຮູ້.
ວັນທີ 29 ທັນວາ, ກົມພາສີອາກອນໜານໜິງ - ຈີນ ຈະຈັດຕັ້ງກອງປະຊຸມສຳມະນາກັບກົມພາສີອາກອນລ້າງເຊີນ, ກາວບັ່ງ, ກວາງນິງ. ກົມພາສີອາກອນລ້າງເຊີນ ເປັນຫົວໜ້າຄະນະ ຄາດວ່າ ຈະນຳເນື້ອໃນກ່ຽວກັບການຂົນສົ່ງສິນຄ້າຜ່ານແດນໃນສະພາບການໂລກລະບາດໂຄວິດ - 19 ເພື່ອເຈລະຈາກັບພາສີອາກອນ ຈີນ, ພິເສດແມ່ນຜະລິດຕະພັນກະເສດໃນປັດຈຸບັນ.
ບຸນຄົງ
