| ຮ່າໂນ້ຍມອບສັນຍາລັກຜະລິດຕະພັນອຸດສາຫະກຳຫຼັກແຫຼ່ງ | |
| ທ້ອງຖິ່ນຕ້ອງສົມທົບກັນດັດສົມການສົ່ງອອກຜະລິດຕະພັນກະເສດ ແລະສິນໃນນໍ້າ ໄປຍັງຈີນ |
ເມື່ອບໍ່ດົນມານີ້, ຫ້ອງການແຈ້ງການ ແລະຈຸດສອບຖາມແຫ່ງຊາດກ່ຽວກັບຫຼັກອະນາໄມສຸຂາພິບານ, ກວດພະຍາດຕິດແປດສັດ-ພືດຫວຽດນາມ (ຫ້ອງການ SPS ຫວຽດນາມ) ໃຫ້ຮູ້ວ່າ ກົມໃຫຍ່ພາສີຈີນ ພວມອັບເດດ ແລະປະກາດໝາກຜົນການອະນຸມັດໃຫ້ວິສາຫະກິດຮັບໃບອະນຸຍາດນຳເຂົ້າຜະລິດຕະພັນກະເສດ ແລະສະບຽງອາຫານຂອງຫວຽດນາມ ເຂົ້າຕະຫຼາດຈີນ ແລະລະຫັດຜະລິດຕະພັນໃຫ້ວິສາຫະກິດການພິມຫຸ້ມຫໍ່ ແລະສະແຕມ...
 |
| 320 ລະຫັດຜະລິດຕະພັນຂອງຫວຽດນາມ ໄດ້ຮັບໃບອະນຸຍາດ ສົ່ງອອກໄປຍັງຈີນ. ພາບ: thanhnien.vn |
ຕາມນັ້ນແລ້ວ, ມາຮອດເວລາ 11 ໂມງຂອງວັນທີ 24 ທັນວາ 2021, ມີ 320 ລະຫັດຜະລິດຕະພັນຂອງວິສາຫະກິດຫວຽດນາມ ໄດ້ຮັບໃບອະນຸຍາດສົ່ງອອກໄປຍັງຕະຫຼາດຈີນ. ຫ້ອງການ SPS ຫວຽດນາມ ປະກາດວ່າ ປະຈຸບັນ, ກົມໃຫຍ່ພາສີຈີນ ພວມສືບຕໍ່ອັບເດດບັນຊີລາຍຊື່ນີ້, ວິສາຫະກິດຕ້ອງເອົາໃຈໃສ່ຕິດຕາມ.
ຫ້ອງການ SPS ຫວຽດນາມ ເນັ້ນໜັກວ່າ ບັນດາວິສາຫະກິດທີ່ຍັງບໍ່ທັນໄດ້ຍື່ນເອກະສານຂຶ້ນທະບຽນກັບອົງການມີສິດອໍານາດ ເພື່ອສົ່ງອອກຜະລິດຕະພັນສະບຽງອາຫານໄປຍັງຈີນ ໃຫ້ສືບຕໍ່ຍື່ນເອກະສານຕໍ່ອົງການເຈົ້າໜ້າທີ່ທີ່ມີສິດອຳນາດ ຫຼືໃນລະບົບ ລວມມີ: ເວັບໄຊ: http://cifer.singlewindow. cn/ ຫຼື http://singlewindow.cn/.
ໂດຍໄດ້ຮູ້ວ່າ ແຕ່ວັນທີ 1 ມັງກອນ ປີ 2022, ວິສາຫະກິດຕ່າງປະເທດທີ່ຜະລິດສະບຽງອາຫານນຳເຂົ້າຈີນ ທີ່ໄດ້ຂຶ້ນທະບຽນແລ້ວ ຈະຕ້ອງພິມລະຫັດ (ພາຍໃນແລະນອກແກັດຂອງຜະລິດຕະພັນ) ທີ່ໄດ້ຮັບຮອງເອົາໂດຍກົມພາສີຂອງຈີນ ຫຼືລະຫັດໂດຍອົງການທີ່ມີສິດອໍານາດຂອງຫວຽດນາມ ອອກໃຫ້.
ບູນມີ
