| ນັກຮຽນຮູ້ຫວຽດນາມ-ຈີນ ແລກປ່ຽນປະສົບການດ້ານພາສາ | |
| ນະໂຍບາຍການຕ່າງປະເທດຂອງຫວຽດນາມ ສ້າງຄວາມໄວ້ເນື້ອເຊື່ອໃຈ ແລະອິດທິພົນຊື່ສຽງຕໍ່ໂລກ |
ເມື່ອຕອບສຳພາດຕໍ່ນັກຂ່າວສໍານັກຂ່າວສານຫວຽດນາມ ປະຈຳໄທ, ທ່ານ ປອ Nakorn Serirak ໃຫ້ຂໍ້ສັງເກດວ່າ: ນະໂຍບາຍການຕ່າງປະເທດຂອງຫວຽດນາມ ແມ່ນເຈລະຈາ ແລະແກ້ໄຂຄວາມຂັດແຍ່ງຜ່ານການເຈລະຈາທາງການທູດ, ເຊິ່ງໄດ້ປະກອບສ່ວນຮັກສາສັນຕິພາບຢູ່ອາຊີຕາເວັນອອກສ່ຽງໃຕ້ ແລະໃນໂລກ.
 |
| ທ່ານ ປອ Nakorn Serirak. ພາບ: TTXVN |
ທ່ານ ປອ Nakorn Serirak ຖືວ່າ: ໂລກພວມຮັບຮູ້ຢ່າງລະອຽດກວ່າ ກ່ຽວກັບນະໂຍບາຍພົວພັນຕ່າງປະເທດຂອງຫວຽດນາມ ເມື່ອທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ບັນຍາຍຢ່າງຈະແຈ້ງວ່າ: ການເຄື່ອນໄຫວຕ່າງປະເທດຂອງຫວຽດນາມ ນັບແຕ່ກ່ອນມາຮອດປະຈຸບັນ ໄດ້ສ່ອງແສ່ງຈຸດເອກະລັກສະເພາະຂອງຊາດຫວຽດນາມ, ສະຖານທີ່ມີກຳລັງແຮງ ແລະການເຈລະຈາ, ກົມກຽວ ເຂົ້າກັນ.
ທ່ານ ປະທານກິດຕິມະສັກສະມາຄົມມິດຕະພາບເຊັກໂກ - ຫວຽດນາມ Marcel Winter ໃຫ້ຮູ້ວ່າ: ການທູດຫວຽດນາມ ແມ່ນພື້ນຖານເພີ່ມທະວີການພົວພັນຮ່ວມມືມິດຕະພາບ, ປະກອບສ່ວນຍົກສູງທີ່ຕັ້ງ ແລະ ຊື່ສຽງຂອງ ຫວຽດນາມ ໃນເວທີສາກົນ. ຫວຽດນາມ ບັນລຸໄດ້ບັນດາຜົນງານດ້ານການທູດອັນໃຫຍ່ຫຼວງໃນໂລກ, ພິເສດແມ່ນຢູ່ສະຫະປະຊາຊາດ. ຫວຽດນາມ ຍາມໃດກໍ່ຕັ້ງໜ້າດ້ວຍຖານະເປັນສະມາຊິກບໍ່ຖາວອນສະພາຄວາມໝັ້ນຄົງສະຫະປະຊາຊາດ. ຫວຽດນາມ ກໍ່ປະສົບຜົນສຳເລັດ ເມື່ອເຂົ້າຮ່ວມກຳລັງຮັກສາສັນຕິພາບ ສະຫະປະຊາຊາດ ຢູ່ຊູດັງໃຕ້...
ທ່ານ ປອ Botz Laszlo ປະທານສະມາຄົມມິດຕະພາບ ຮຸງກາຣີ - ຫວຽດນາມ ຊີ້ແຈ້ງວ່າ: ການຄວບຄຸມໂລກລະບາດໂດຍນະໂຍບາຍທີ່ເດັດຂາດ, ລະບຽບວິໄນທີ່ເຂັ້ມງວດ ກໍ່ຄືຄວາມໄວ້ເນື້ອເຊື່ອໃຈຂອງປະຊາຊົນຫວຽດນາມ ທີ່ມີຕໍ່ລັດ ໄດ້ມີການປະກອບສ່ວນຢ່າງຕັ້ງຫນ້າເຂົ້າໃນການພັດທະນາເສດຖະກິດຢ່າງວ່ອງໄວ ແລະ ຕໍ່ເນື່ອງໃນສະພາບການໂລກລະບາດ, ສິ່ງດັ່ງກ່າວໄດ້ຍົກສູງອິດທິພົນຊື່ສຽງສາກົນຂອງຫວຽດນາມ.
ນະໂຍບາຍພົວພັນຕ່າງປະເທດຂອງຫວຽດນາມ ໃນຂອບເຂດ ອາຊຽນ ມີປະສິດທິຜົນທີ່ສຸດ. ບັນດາບາດກ້າວຢ່າງໃຫຍ່ຫຼວງໃນການປະຕິບັດສັນຍາການຄ້າເສລີລະຫວ່າງສະຫະພາບເອີຣົບ-ຫວຽດນາມ (EVFTA) ປະກົດຜົນເປັນຈິງ ແມ່ນກຳລັງໜູນໃຫ້ແກ່ການເປີດກວ້າງສາຍພົວພັນດ້ານການຄ້າລະຫວ່າງ ຫວຽດນາມ ແລະ ຮຸງກາຣີ.
ບູນມີ
