| ສ້າງເງື່ອນໄຂໃຫ້ວິສາຫະກິດ ຫວຽດນາມ - ລາວ ຮ່ວມມືຢ່າງມີປະສິດທິຜົນ | |
| ວິສາຫະກິດເອີລົບ ມີຄວາມປະເອີບໃຈກວ່າ ຕໍ່ກັບການລົງທຶນຢູ່ ຫວຽດນາມ |
 |
| ພາບປະກອບຄັດຈາກ: ສໍານັກຂ່າວສານຫວຽດນາມ. |
ນີ້ແມ່ນຜົນການສໍາຫຼວດ “HSBC Navigator: ຈຸດສຸມອາຊີຕາເວັນອອກສ່ຽງໃຕ້”, ໂດຍທະນາຄານ HSBC ປະຕິບັດຢູ່ບໍລິສັດ 1.500 ກວ່າແຫ່ງທີ່ມາຈາກ 6 ພື້ນຖານເສດຖະກິດໃຫຍ່ກວ່າໝູ່ຢູ່ໂລກ (ລວມມີ ຈີນ, ຝະລັ່ງ, ເຢຍລະມັນ, ອິນເດຍ, ອັງກິດ ແລະອາເມລິກາ) ທີ່ກໍາລັງເຄື່ອນໄຫວ ຫຼື ມີແຜນເຄື່ອນໄຫວຢູ່ອາຊີຕາເວັນອອກສ່ຽງໃຕ້ໃນອະນາຄົດ. ການສໍາຫຼວດນີ້ ເພື່ອແນໃສ່ພິຈາລະນາຄໍາຄິດເຫັນຂອງບັນດາວິສາຫະກິດທີ່ມີການເຄື່ອນໄຫວດໍາເນີນທຸລະກິດຢູ່ອາຊີຕາເວັນອອກສ່ຽງໃຕ້, ພິເສດແມ່ນສຸມໃສ່ດ້ານການຄ້າ, ການຫັນປ່ຽນດີຈີຕອນ ແລະການພັດທະນາແບບຍືນຍົງ.
ປະຈຸບັນ, ມີ 39% ບໍລິສັດອິນເດຍ ຄັດເລືອກຫວຽດນາມ ຍ້ອນພື້ນຖານໂຄງລ່າງພັດທະນາ ແລະ 49% ນິຍົມຕໍ່ການໜູນຊ່ວຍຂອງລັດຖະບານ ແລະສະພາບກົດໝາຍ; 36% ບໍລິສັດຂອງອາເມລິກາໃຫ້ຮູ້ວ່າຕະຫຼາດນີ້ສ້າງຄວາມດຶງດູດຍ້ອນມີຫຼາຍໂອກາດເພື່ອທົດລອງ ແລະພັດທະນາບັນດາຜະລິດຕະພັນ/ມາດຕະການໃໝ່.
ພິເສດ, ມີເຖິງ 49% ຈໍານວນຄົນເຂົ້າຮ່ວມການສໍາຫຼວດ, ສ່ວນຫຼາຍແມ່ນມາຈາກຈີນ, ອິນເດຍ ແລະອາເມລິກາ ຢາກໝູນໃຊ້ສັນຍາການຄ້າເສລີຫວຽດນາມ-ອີຢູ (EVFTA) ເພື່ອເພີ່ມທະວີ ແລະໜູນຊ່ວຍການເຄື່ອນໄຫວພົບປະແລກປ່ຽນດ້ານການຄ້າຂອງເຂົາເຈົ້າກັບພາກພື້ນນີ້.
ການພັດທະນາແບບຍືນຍົງຢູ່ຫວຽດນາມ ແມ່ນບັນຫາທີ່ບັນດານັກລົງທຶນສາກົນກໍາລັງເຄື່ອນໄຫວຢູ່ທີ່ນີ້ຊັ່ງຊາຢ່າງຄັກແນ່. ມີ 45% ຈຳນວນບໍລິສັດເຄື່ອນໄຫວຢູ່ ຫວຽດນາມ ຖືວ່າບັນດາການເຄື່ອນໄຫວແບບຍືນຍົງສໍາຄັນທີ່ສຸດເຊິ່ງເຂົົາເຈົ້າສາມາດປະຕິບັດແມ່ນຍົກສູງປະສິດທິຜົນການນໍາໃຊ້ພະລັງງານໃຫ້ມີປະສິດທິຜົນ; 42% ເນັ້ນໜັກເຖິງຄວາມສໍາຄັນຂອງການໜູນຊ່ວຍປະຊາຄົມທ້ອງຖິ່ນ.
la.qdnd.vn
