| ຊຸກຍູ້ສິດທິຂອງເດັກນ້ອຍ ແລະ ຊາວໜຸ່ມ ໃນໄລຍະປີ 2021-2026 | |
| ການໂອ້ລົມສົນທະນາ “ຊາວໜຸ່ມ, ນັກສຶກສາຫວຽດນາມ ຢູ່ຕ່າງປະເທດທີ່ຄ້າຍພັກແລ້ງຫວຽດນາມ” |
 |
| ພາບປະກອບ: ໜັງສືພິມໄວໜຸ່ມນະຄອນຫຼວງ |
ຫວ່າງແລ້ວນີ້, ທີ່ຮ່າໂນ້ຍ, ສູນກາງຄະນະຊາວໜຸ່ມຄອມມູນິດໂຮຈີມິນ, ສູນກາງສະມາຄົມນັກສຶກສາຫວຽດ ນາມ ຈັດຕັ້ງກອງປະຊຸມສະຫຼຸບການເຄື່ອນໄຫວຜ່ານທາງອອນລາຍ ກັບ ສູນກາງສະມາຄົມນັກສຶກສາຫວຽດນາມ, ສະ ມາຄົມຊາວໜຸ່ມນັກສຶກສາຫວຽດນາມ, ຄະນະບໍລິຫານງານຊາວໜຸ່ມຄອມມູນິດໂຮ່ຈີມິນຢູ່ຕ່າງປະເທດ ຄັ້ງທີ 2, ປີ 2021.
ບັນດາຜູ້ແທນໄດ້ຕີລາຄາໃນປີ 2021 ບັນດາສະມາຄົມນັກສຶກສາຫວຽດນາມຢູ່ຕ່າງປະເທດ ໄດ້ຈັດຕັ້ງຫຼາຍກິດຈະກຳເພື່ອເພີ່ມທະວີນໍ້າໃຈຄວາມສາມັກຄີ, ຫວນຄືນບ້ານເກີດ ຄື: ປຸກລະດົມປະກອບສ່ວນເພື່ອສະໜັບສະໜູນກອງທຶນວັກຊິນປ້ອງກັນໂຄວິດ-19, ຫວຽດນາມ; ສະໜັບສະໜູນວຽກງານປ້ອງກັນ, ຕ້ານການລະບາດຢູ່ທ້ອງຖິ່ນຕ່າງໆພາຍໃນປະເທດ. ຫຼາຍກິດຈະກໍາທີ່ແນໃສ່ຊ່ວຍເຫຼືອສະມາຊິກ, ນັກສຶກສາ ຢູ່ບັນດາປະເທດເຈົ້າພາບໃນຊ່ວງການລະບາດ ໜ່ວຍງານຕ່າງໆກໍໄດ້ດຳເນີນການຈັດຕັ້ງ.
ປີ 2021, ບັນດາອົງການຈັດຕັ້ງມະຫາຊົນນອກປະເທດ ເພີ່ມທະວີປະສົມປະສານຈັດຕັ້ງກິດຈະກໍາຕ່າງໆທີ່ເປັນການເຜີຍແຜ່, ປົກປ້ອງສິດເປັນເຈົ້າໝູ່ເກາະທະເລຫວຽດນາມຢູ່ເວທີສາກົນ; ປ້ອນຂໍ້ມູນຂ່າວສານກ່ຽວກັບສະພາບການເມືອງ-ສັງຄົມໃນປະເທດ, ທັດສະນະຂອງລັດກ່ຽວກັບແຜນນະໂຍບາຍ, ແນວທາງການຕ່າງປະເທດເອກະລາດ, ເປັນເຈົ້າຕົນເອງ, ເປີດກ້ວາງ, ຫັນເປັນຫຼາຍຮູບຫຼາຍແບບ, ຫັນເປັນຫຼາຍທິດການພົວພັນສາກົນ, ເປັນເຈົ້າການເຊື່ອມໂຍງສາກົນ, ດ້ວຍຄຳຂວັນຫວຽດນາມກຽມພ້ອມເປັນເພື່ອນມິດ ແລະ ເປັນຄູ່ຮ່ວມມືທີ່ເຊື່ອໝັ້ນໄດ້ ຂອງທັງໝົດບັນດາປະເທດໃນປະຊາຄົມໂລກ ສູ້ຊົນເພື່ອສັນຕິພາບ, ເອກະລາດ ແລະ ການພັດທະນາ.
ບັນດາອົງການຈັດຕັ້ງມະຫາຊົນ, ສະມາຄົມນອກປະເທດໄດ້ຕັ້ງໜ້າຈັດຕັ້ງ, ເຂົ້າຮ່ວມບັນດາກິດຈະກໍາແລກປ່ຽນວັດທະນະທໍາ, ເສີມຂະຫຍາຍ ແລະ ຮັກສາວັດທະນະທໍາອັນດີງາມຂອງຫວຽດນາມຢູ່ປະເທດເຈົ້າພາບ; ເພີ່ມທະວີຄວາມໃກ້ຊິດຂອງຊາວໜຸ່ມຫວຽດນາມຢູ່ຕ່າງປະເທດຕໍ່ກັບບ້ານເກີດ ແລະ ດຶງດູດປັນຍາຊົນໜຸ່ມຫວຽດນາມຢູ່ຕ່າງປະເທດປະກອບສ່ວນໃຫ້ແກ່ການສ້າງສາ, ປົກປ້ອງປະເທດຊາດ.
ວິລະຊົນ
