| ນັກທ່ອງທ່ຽວກວ່າ 20.000 ຄົນໄດ້ສຳຜັດກັບລະດູດອກຕາເວັນປ່າຢູ່ ບາວີ | |
| ອັດງານມະຫາກຳກິລາການທະຫານສາກົນ Army Games 2021 ຢູ່ຫວຽດນາມ: ຫວຽດນາມຄ້ວາໄດ້ 1 ຫຼຽນຄຳ ແລະ 1 ຫຼຽນ ເງິນ |
ວັນທີ 14 ທັນວາ, ທ່ານ ເລືອງກວາງເສີ, ຫົວໜ້າຄະນະຄຸ້ມຄອງດ່ານສາກົນມ໊ອງກ໋າຍ ໃຫ້ຮູ້ວ່າ: ໃນປັດຈຸບັນ ມີລົດຄອນເທນເນີ ກວ່າ 1.000 ຄັນຖືກຕິດຄ້າງອັ່ງອໍ. ຝ່າຍຈີນ ພວມຈັດພະນັກງານກວດກາໂລກລະບາດຂອງດ່ານໄປໜູນຊ່ວຍວຽກງານຄວບຄຸມຊາວຈີນ ເຂົ້າເມືອງທີ່ກັບຄືນປະເທດໃນວັນບຸນປີໃໝ. ສະນັ້ນ ຈໍານວນ ພະນັກງານທີ່ຍັງເຫຼືອບໍ່ສາມາດຕອບສະໜອງກັບປະລິມານສິນຄ້າສົ່ງອອກໄດ້. ຈຳນວນລົດຄອນເທນເນີ ທີ່ຖືກອັ່ງອໍນີ້້ ລວມມີຫຼາຍປະເພດເຊັ່ນ: ພາຫະນະໄປຈີນເພື່ອຮັບສິນຄ້າ, ລົດບັນທຸກຜະລິດຕະພັນກະເສດ, ສິນໃນນໍ້າ ແລະ ໝາກໄມ້ຫວຽດນາມ ສົ່ງອອກ...
 |
| ລົດຄອນເທນເນີຂົນສົ່ງສິນຄ້າອອກໄປຍັງຈີນ ກວ່າ 1.000 ຄັນ ຖືກຕິດຄ້າງຢູ່ມ໊ອງກ໋າຍ. ພາບ: ທູຮັ່ງ |
ປະຈຸບັນ, ລົດບັນທຸກສິນຄ້າຈາກແຂວງພາກໃຕ້ ແລະແຂວງບັກຢາງ, ລ້າງເຊີນ, ລາວກາຍ... ສືບຕໍ່ໄປມ໊ອງກ໋າຍ ເຮັດໃຫ້ສະພາບການຕິດຂັດຍິ່ງໜັກໜ່ວງຂຶ້ນ.
ນະຄອນ ມ໊ອງກ໋າຍ ສະເໜີໃຫ້ບັນດາວິສາຫະກິດເຊົ່າສາງ ແລະ ເດີ່ນ ເພື່ອໜູນຊ່ວຍເຈົ້າຂອງສິນຄ້າ, ເຈົ້າຂອງພາຫະນະ ເພື່ອຫຼຸດຜ່ອນຄ່າໃຊ້ຈ່າຍ. ວິສາຫະກິດຢູ່ມ໊ອງກ໋າຍ ໄດ້ຕົກລົງຫຼຸດຄ່າເຊົ່າບ່ອນຈອດລົດຄອນເທນເນີ ແລະຍານພາຫະນະລົງເປັນ 100.000 ດົ່ງ/ຄັນ/ມື້.
ຄະນະກຳມະການປະຊາຊົນແຂວງກວ໋າງນິງ ພວມສືບຕໍ່ປຶກສາຫາລື ແລະສະເໜີໃຫ້ປະເທດເພື່ອນມິດ ສ້າງເງື່ອນໄຂສະດວກເພື່ອເພີ່ມທະວີຈໍານວນລົດຄອນເທນເນີໄດ້ຜ່ານດ່ານບາງດ່ານຊາຍແດນໃນບໍລິເວນ ຄື: ມ໊ອງກ໋າຍ; ບັກຟອງຊິງ (ເມືອງຫາຍຮ່າ); ຮວ່າງໂມ (ເມືອງບິ່ງລຽວ).
ບູນມີ
