 |
| ພາບປະກອບ: thoibaotaichinhvietnam.vn |
ທ່ານ ເລແທັງຕຸງ - ຮອງຫົວໜ້າກົມປູກຝັງ, ກະຊວງກະສິກຳ ແລະ ພັດທະນາຊົນນະບົດ ໃຫ້ຮູ້ວ່າ ໃນເດືອນທັນວາ ປີ 2021, ປະລິມານໝາກໄມ້ເກັບກ່ຽວໄດ້ໃນທົ່ວປະເທດປະມານ 700.000 ໂຕນ, ຖ້າໄລ່ຮອດບຸນເຕັດ ຈະບັນລຸໄດ້ຫຼາຍກ່ວາ 1,7 ລ້ານໂຕນ. ນີ້ແມ່ນຕົວເລກທີ່ຕ້ອງຄິດໄລ່ເພື່ອບໍລິໂພກ.
ທ່ານ ເລແທັງຕຸງ ໄດ້ສະເໜີບັນດາທ້ອງຖິ່ນກຳແໜ້ນປະລິມານຜະລິດຕະພັນ, ຄຸນນະພາບຕົ້ນໄມ້ກິນໝາກໃນບໍລິເວນຂອງຕົນ, ເພື່ອມີການຄາດຄະເນໄລຍະຍາວກ່ຽວກັບທຸກບັນຫາ, ສະໜອງຂໍ້ມູນໃຫ້ແກ່ບັນດາວິສາຫະກິດເກັບຊື້ຢ່າງທັນການ, ການບໍລິໂພກທີ່ມີວິທີການເຊື່ອມຕໍ່ໂດຍໄວ. ບັນດາທ້ອງຖິ່ນຕ້ອງສືບຕໍ່ຍູ້ແຮງການຕີລາຄາລະຫັດເຂດປູກຝັງ, ສ້າງແຜນການບໍລິໂພກຢ່າງລະອຽດ.
ຕາມກົມປູກຝັງຫວຽດນາມ ແລ້ວ, ຄາດວ່າ ທ້າຍປີນີ້ ຫຼື ປີ 2022, ຈີນຈະນຳໃຊ້ມາດຕະການກວດກາແບບທາງໄກສຳລັບຜັກໝາກໄມ້ 3 ຊະນິດນັ້ນແມ່ນ: ມັນຕົ້ນ, ໝາກກ້ຽງ, ທົ່ວລຽນ, ພ້ອມທັງອາດຈະພິຈາລະນານຳເຂົ້າໝາກໜອດ ຫວຽດນາມ.
ກົມປົກປ້ອງພຶດໃຫ້ຮູ້ວ່າ ມາຮອດຈຸດເວລານີ້ ມີໝາກໄມ້ 10 ຊະນິດໄດ້ສົ່ງອອກໄປຍັງ ຈີນ ແບບທາງການ. ກົມປົກປ້ອງພຶດ ຈະເຈລະຈາກ່ຽວກັບການສົ່ງອອກມັນດ້າງ, ໝາກກ້ຽງໃຫຍ່, ຖົ່ວລຽນ. ຖ້າບໍ່ມີໂຄວິດ - 19, ຝ່າຍຈີນ ຈະສົມທົບກັນກວດກາເຂດປູກຕົ້ນມັນ ແລະ ຖົ່ວລຽນ.
ທ່ານ ຫງວຽນຝຸກງວຽນ - ເລຂາສະມາຄົມຜັກໝາກໄມ້ ຫວຽດນາມ ແບ່ງປັນວ່າ ຈີນ ຄາດວ່າຈະຢຸດຕິການນຳເຂົ້າໃນໄລຍະເວລາຢ່າງໜ້ອຍສຸດ 6 ອາທິດໃນໂອກາດວັນບຸນເຕັດ, ສິ່ງນີ້ອາດຈະເຮັດໃຫ້ສະພາບການຂາດວັກຂາດຕອນການສະໜອງທົ່ວໂລກເພີ່ມຂຶ້ນ.
ບຸນຄົງ
