| ອາກຊັງຕິນ ມອບວັກຊີນ AstraZeneca 500.000 ໂດສ ໃຫ້ຫວຽດນາມ | |
| ອົດສະຕຣາລີ ສືບຕໍ່ໜູນຊ່ວຍວັກຊີນ ໂຄວິດ-19 ໃຫ້ຫວຽດນາມ 3,7 ລ້ານ ໂດສ |
ທີ່ການຕ້ອນຮັບ, ທ່ານ ເຈີ່ນວັນທ໋ວນ - ຮອງລັດຖະມົນຕີກະຊວງສາທາລະນະສຸກຫວຽດນາມ ໃຫ້ຮູ້ວ່າ: ເກືອບ 50 ປີນັບແຕ່ວັນອາເຈນຕິນາ ແລະ ຫວຽດນາມ ສ້າງຕັ້ງການພົວພັນທາງການທູດ (1973), ການພົວພັນຮ່ວມມືລະຫວ່າງສອງປະເທດພວມພັດທະນາຢ່າງດີງາມ.
ເດືອນຕຸລາ 2021, ກອງປະຊຸມຄັ້ງທີ 7, ຄະນະກຳມະການລະຫວ່າງລັດຖະບານ ກ່ຽວກັບການຮ່ວມມືດ້ານເສດຖະກິດ, ການຄ້າ ແລະ ວິທະຍາສາດເຕັກໂນໂລຊີ ໄດ້ຈັດຂຶ້ນດ້ວຍທາງອອນລາຍຢູ່ຮ່າໂນ້ຍ ແລະ Buenos Aires ກ່ຽວກັບຂົງເຂດສາທາລະນະສຸກ, ສອງຝ່າຍຈະເພີ່ມທະວີການຮ່ວມມືດ້ານຄວາມປອດໄພອາຫານ ແລະ ການນຳໃຊ້ຜະລິດຕະພັນການຢາຂອງອາເຈນຕິນາ ໃນຫວຽດນາມ. ພິເສດ, ສອງຝ່າຍເຫັນດີເປັນເອກະສັນເພີ່ມທະວີການຮ່ວມມື ທີ່ຍົກສູງຄຸນນະພາບການບໍລິການ ແລະ ພື້ນຖານໂຄງລ່າງສາທາລະນະສຸກ, ຕ້ານການແຜ່ລະບາດຂອງພະຍາດໂຄວິດ-19.
 |
| ອາເຈນຕິນາ ມອບຢາວັກຊີນຕ້ານໂຄວິດ-19 ເປັນມູນຄ່າກວ່າ 2 ລ້ານໂດລາສະຫະລັດ ໃຫ້ຫວຽດນາມ. ພາບ: suckhoedoisong.vn |
ໃນເດືອນພະຈິກ 2021, ທ່ານນາຍົກລັດຖະມົນຕີ ໄດ້ມອບໝາຍໃຫ້ກະຊວງສາທາລະນະສຸກ ຮັບເອົາວັກຊີນ AstraZeneca COVID-19 ຈຳນວນ 500.000 ໂດສ ຈາກລັດຖະບານ ອາເຈນຕິນາ ມອບໃຫ້ລັດຖະບານ ຫວຽດນາມ, ດ້ວຍມູນຄ່າກວ່າ 2 ລ້ານໂດລາ.
ດ້ວຍການໜູນຊ່ວຍຂອງກະຊວງສາທາລະນະສຸກ ອາເຈນຕິນາ ແລະ ສະຖານທູດອາເຈນຕິນາ ປະຈຳ ຮ່າໂນ້ຍ, ກະຊວງການຕ່າງປະເທດ ແລະ ບັນດາກະຊວງ, ຂະແໜງການທີ່ກ່ຽວຂ້ອງ, ວັກຊີນດັ່ງກ່າວ ໄດ້ສົ່ງເຖິງ ຫວຽດນາມ ຢ່າງປອດໄພໃນວັນທີ 24 ພະຈິກ 2021.
ກ່າວຄຳເຫັນທີ່ພິທີ, ທ່ານ Luis Pablo María Beltramino, ເອກອັກຄະລັດຖະທູດ ອາເຈນຕິນາ ປະຈຳ ຫວຽດນາມ ໄດ້ແບ່ງປັນວ່າ: ພວກຂ້າພະເຈົ້າຍາມໃດ ຈົດຈຳ ຫວຽດນາມ ໄດ້ມອບຜ້າອັດປາກ 20.000 ອັນໃຫ້ອາເຈນຕິນາ ເພື່ອປ້ອງກັນພະຍາດໂຄວິດ-19 ໃນປີ 2020. ທ່ານເອກອັກຄະລັດຖະທູດອາເຈນຕິນາ ໃຫ້ຮູ້ວ່າ: ນີ້ແມ່ນຄັ້ງທຳອິດທີ່ລັດຖະບານອາເຈນຕິນາ ມອບວັກຊິນຕ້ານພະຍາດໂຄວິດ-19 ໃຫ້ປະເທດອື່ນ, ຫວຽດນາມ ກໍ່ແມ່ນປະເທດທີ່ໄດ້ຮັບການໜູນຊ່ວຍດ້ານວັກຊິນຈາກ ອາເຈນຕິນາ ຫຼາຍກວ່າໝູ່. ທ່ານເອກອັກຄະລັດຖະທູດ ໄດ້ແຈ້ງໃຫ້ຊາບ ແລະ ເນັ້ນໜັກວ່າ: ສອງປະເທດຕ້ອງສືບຕໍ່ຮ່ວມມືໃນວຽກງານຕ້ານການແຜ່ລະບາດຂອງພະຍາດ ດ້ວຍວຽກງານປະຕິບັດສະເພາະ ກ່ຽວກັບການຮ່ວມມືດ້ານການແພດ, ໃນນັ້ນມີຂົງເຂດການຢາ. ອາເຈນຕິນາ ຈະຮ່ວມເດີນທາງກັບ ຫວຽດນາມ ໃນສົງຄາມນີ້.
ທ່ານຮອງລັດຖະມົນຕີ ເຈີ່ນວັນທ໋ວນ ໄດ້ສະແດງຄວາມຂອບໃຈລັດຖະບານ ແລະ ປະຊາຊົນ ອາເຈນຕິນາ, ກະຊວງສາທາລະນະສຸກ ອາເຈນຕິນາ, ສະຖານທູດ ອາເຈນຕິນາ ປະຈຳ ຫວຽດນາມ ແລະ ພິເສດແມ່ນທ່ານເອກອັກຄະລັດຖະທູດ Luis Pablo María Beltramino ທີ່ໄດ້ໃຫ້ການມອບ ແລະ ໜູນຊ່ວຍໃນການມອບວັກຊິນໃຫ້ ຫວຽດນາມ.
ທ່ານຮອງລັດຖະມົນຕີ ເຈີ່ນວັນທ໋ວນ ໃຫ້ຮູ້ວ່າ: ກະຊວງສາທາລະນະສຸກ ວາງແຜນຈະນຳໃຊ້ວັກຊິນເຫຼົ່ານີ້ຢ່າງສົມເຫດສົມຜົນທີ່ສຸດ ເພື່ອຍົກສູງພູມຄຸ້ມກັນຂອງປະຊາຊົນ, ປະກອບສ່ວນປ້ອງກັນ ແລະ ຕ້ານພະຍາດໂຄວິດ-19.
ຄຳຮຸ່ງ
