| ອາເຈນຕິນາ ມອບຢາວັກຊີນຕ້ານໂຄວິດ-19 ເປັນມູນຄ່າກວ່າ 2 ລ້ານໂດລາສະຫະລັດ ໃຫ້ຫວຽດນາມ | |
| ການພົວພັນຄູ່ຮ່ວມມືຫວຽດນາມ - ອາເຈນຕິນາ ສືບຕໍ່ໄດ້ຮັບການເພີ່ມທະວີຢ່າງແໜ້ນແຟ້ນ |
 |
| ການເຮັດວຽກລະຫວ່າງສອງຝ່າຍໃນວັນທີ 11 ກໍລະກົດ (ພາບ:Bộ Công Thương) |
ທ່ານລັດຖະມົນຕີ ຫງວຽນຮົ່ງຢຽນ ຫວັງວ່າ ສອງຝ່າຍຈະສືບຕໍ່ມານະພະຍາຍາມເພື່ອຍົກສູງການແລກປ່ຽນດ້ານການຄ້າ, ຫັນບັນດາປະເພດສິນຄ້າສົ່ງອອກ - ນຳເຂົ້າໃຫ້ເປັນຫຼາຍຮູບແບບ ແລະ ສ້າງຄວາມດຸນການຄ້າສອງຝ່າຍເທື່ອລະກ້າວ; ເພີ່ມທະວີການສົມທົບກັນເພື່ອປະຕິບັດບັນດາການເຄື່ອນໄຫວສົ່ງເສີມການຄ້າ, ສະໜອງຂໍ້ມູນໃຫ້ແກ່ປະຊາຄົມວິສາຫະກິດຂອງສອງຝ່າຍກ່ຽວກັບຕະຫຼາດຂອງກັນ; ໜູນຊ່ວຍວິສາຫະກິດເຂົ້າຮ່ວມບັນດາງານຕະຫຼາດນັດສະເພາະຂະແໜງອາຊີບ ແລະ ບັນດາການເຄື່ອນໄຫວເຊື່ອມຕໍ່ພົວພັນການຄ້າຂອງສອງປະເທດ.
ທ່ານລັດຖະມົນຕີ ຫງວຽນຮົ່ງຢຽນ ກໍສະເໜີ ອາເຈນຕິນາສ້າງເງື່ອນໄຂໃຫ້ບັນດາວິສາຫະກິດ ຫວຽດນາມ ໃນການເຂົ້າໃກ້ກັບຕະຫຼາດ ອາເຈນຕິນາ ກວ່າອີກ, ພິເສດແມ່ນບັນດາປະເພດສິນຄ້າທີ່ເປັນທ່າແຮງຂອງ ຫວຽດນາມ ຄື ກະເສດຕະພັນ, ເຄື່ອງຕ່ຳແຜ່ນຕັດຫຍິບ, ເຄື່ອງເຟີນີເຈີ, ເຄື່ອງຫັດຖະກຳ.
ທັງສອງຝ່າຍເຫັນດີເປັນເອກະພາບຈະພິຈາລະນາຄວາມສາມາດໃນການຮ່ວມມືໃນຂົງເຂດໃໝ່ທີ່ມີຄວາມສາມາດບົ່ມຊ້ອນ ຄື ບັນດາຂະແໜງການອຸດສາຫະກຳທີ່ມີລັກສະນະແບບພື້ນຖານ, ຂະແໜງການກະສິກຳທີ່ນໍາໃຊ້ເຕັກໂນໂລຢີແບບທັນສະໄໝ, ການປຸງແຕ່ງສະບຽງອາຫານ, ພະລັງງານ ແລະ ເຕັກໂນໂລຢີຊີວະສາດ... ເພື່ອເຮັດໃຫ້ການພົວພັນດ້ານເສດຖະກິດ - ການຄ້າສອງຝ່າຍໄດ້ລົງເລິກກວ່າ.
ຫອມມາລາ
