| ອົດສະຕຣາລີ ສືບຕໍ່ໜູນຊ່ວຍວັກຊີນ ໂຄວິດ-19 ໃຫ້ຫວຽດນາມ 3,7 ລ້ານ ໂດສ | |
| ປະທານສະພາແຫ່ງຊາດ ຂອບໃຈ ລັດເວຍ ມີແຜນຈະມອບໂອນວັກຊີນປ້ອງກັນພະຍາດໂຄວິດ -19 ໃຫ້ຫວຽດນາມ |
 |
| ອາກຊັງຕິນ ມອບວັກຊີນ AstraZeneca 500.000 ໂດສ ໃຫ້ຫວຽດນາມ. ພາບ: cafebiz.vn |
ເມື່ອບໍ່ດົນມານີ້, ວັກຊີນ AstraZeneca ຈໍານວນ 500.000 ໂດສ ທີ່ລັດຖະບານອາກຊັງຕິນ ມອບໃຫ້ໄດ້ສົ່ງມາຮອດສະໜາມບິນສາກົນໂນຍບ່າຍ (ຮ່າໂນ້ຍ). ເຂົ້າຮ່ວມພິທີມອບຮັບງວດວັກຊີນດັ່ງກ່າວ ມີຜູ້ຕາງໜ້າກະຊວງການຕ່າງປະເທດ, ກະຊວງສາທາລະນະສຸກ, ສະຖາບັນອະນາໄມ ແລະ ລະບາດວິທະຍາສູນກາງ, ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມ ອາກຊັງຕິນ ປະຈຳ ຫວຽດນາມ Luis Pablo Maria Beltramino ແລະ ພະນັກງານຂອງສະຖານທູດ.
ໃນສະພາບການຜັນແປໄປຢ່າງສັບສົນຂອງໂລກລະບາດໂຄວິດ-19 ຢູ່ຫວຽດນາມ ກໍ່ຄືໃນໂລກ, ການມອບວັກຊີນຂອງ ອາກຊັງຕິນ ໃຫ້ຫວຽດນາມ ທີ່ກ່າວມາຂ້າງເທິງນີ້ ແມ່ນມີຄວາມໝາຍເລິກເຊິ່ງ, ສະແດງໃຫ້ເຫັນການຖືເປັນສຳຄັນການພົວພັນຄູ່ຮ່ວມມືຮອບດ້ານລະຫວ່າງສອງປະເທດ, ຄວາມສາມັກຄີ ມິດຕະພາບອັນເປັນມູນເຊື້ອ, ແມ່ນການໜູນຊ່ວຍອັນແທດຈິງຂອງປະເທດເພື່ອນມິດສະຫງວນໃຫ້ແກ່ຫວຽດນາມ ໃນຄວາມມານະພະຍາຍາມເລັ່ງການສັກວັກຊີນ ເພື່ອປ້ອງກັນ ແລະ ຄວບຄຸມໂລກລະບາດ.
ກ່ອນໜ້ານີ້, ອາກຊັງຕິນ ເປັນສະມາຊິກຂອງລະບົບການຊ່ວຍເຫຼືອດ້ານວັກຊີນທົ່ວໂລກທີ່ສ້າງຕັ້ງຂຶ້ນເພື່ອອຸປະຖໍາບັນດາວັກຊີນ ແນໃສ່ຫຼຸດຜ່ອນການແຜ່ລະບາດ ແລະ ຜົນກະທົບຈາກການລະບາດຂອງພະຍາດໂຄວິດ-19 ທົ່ວໂລກ. ກົນໄກສາກົນນີ້ແມ່ນການຕອບສະໜອງຢ່າງມີປະສິດທິຜົນ ແລະ ສາມັກຄີຕໍ່ຄຳຮຽກຮ້ອງເພື່ອຕ້ານການແຜ່ລະບາດຂອງໂລກລະບາດຢູ່ກອງປະຊຸມສຸດຍອດ G20 ເຊິ່ງໄດ້ຈັດຂຶ້ນໃນວັນທີ 30 ແລະ 31 ຕຸລາ 2021 ຢູ່ Rome (ອີຕາລີ).
ໄຊພອນ
