| ການນໍານະຄອນດ່ານັ້ງ ຢ້ຽມຢາມ ແລະອວຍພອນວັນຊາດ ລາວ ຄົບຮອບ 46 ປີ | |
| ຍ້ອງຍໍຊົມເຊີຍນັກສຶກສາ ລາວ ແລະ ກຳປູເຈຍ ຜູ້ດີເດັ່ນຈຳນວນ 107 ຄົນ |
 |
| ພິທີມອບຮັບ (ພາບ: baoquocte.vn) |
ແຂວງກວາງບິ່ງ ມີຊາຍແດນຕິດກັບ 2 ແຂວງຄຳມ່ວນ ແລະ ສະຫວັນນະເຂດຂອງລາວ, ສະນັ້ນ ຈຶ່ງມີການພົວພັນມິດຕະພາບທີ່ເປັນມູນເຊື້ອມາແຕ່ດົນນານ. ໃນຊຸມປີມໍ່ໆມານີ້, ຜ່ານການເຄື່ອນໄຫວຮ່ວມມືຫຼາຍດ້ານ, ບັນດາອົງການພັກ, ອຳນາດການປົກຄອງ ແລະ ຂັ້ນຕ່າງໆຂອງ 2 ຝ່າຍໄດ້ຮັກສາການພົວພັນແລກປ່ຽນຂໍ້ມູນຂ່າວສານ, ແບ່ງປັນປະສົບການ, ໜູນຊ່ວຍ ແລະ ຊ່ວຍເຫຼືອເຊິ່ງກັນ ແລະ ກັນ ໃນບັນດາຂົງເຂດເສດຖະກິດ, ວັດທະນະທຳ - ສັງຄົມ, ປ້ອງກັນຊາດ - ປ້ອງກັນຄວາມສະຫງົບ... ຢ່າງເປັນປະຈຳ.
ນັບແຕ່ເວລາໂລກລະບາດໂຄວິດ-19 ໄດ້ແຜ່ລະບາດໄປທົ່ວໂລກ, ໃນນັ້ນມີທັງສອງປະເທດ, ຄະນະພັກ, ອຳນາດການປົກຄອງທຸກຂັ້ນ ແລະ ປະຊາຊົນແຂວງກວາງບິ່ງ ຍາມໃດກໍ່ເອົາໃຈໃສ່ເປັນພິເສດ, ແບ່ງປັນ ແລະ ໜູນຊ່ວຍບັນດາແຂວງເພື່ອນລາວໃນວຽກງານປ້ອງກັນຕ້ານໂລກພະຍາດລະບາດ.
ກວາງບິ່ງ ໄດ້ໜູນຊ່ວຍອຸປະກອນການແພດເພື່ອປ້ອງກັນພະຍາດໂຄວິດ-19 ໃຫ້ບັນດາແຂວງຄຳມ່ວນ, ສະຫວັນນະເຂດ, ຈໍາປາສັກ ດ້ວຍຍອດມູນຄ່າເກືອບ 12 ຕື້ດົ່ງ.
ໃນປີ 2020, ເມື່ອພະຍາດໂຄວິດ-19 ແຜ່ລະບາດຢູ່ລາວ, ກວາງບິ່ງ ໄດ້ໜູນຊ່ວຍອຸປະກອນການແພດໃຫ້ແຂວງຄຳມ່ວນ ແລະ ສະຫວັນນະເຂດເປັນມູນຄ່າ 2 ຕື້ດົ່ງເພື່ອປ້ອງກັນ ແລະ ຕ້ານການແຜ່ລະບາດຂອງພະຍາດ
ປີ 2021, ສະພາບການແຜ່ລະບາດຂອງພະຍາດຢູ່ບັນດາແຂວງໃກ້ຄຽງຂອງລາວຍັງມີການຜັນແປສັບສົນ, ກວາງບິ່ງ ສືບຕໍ່ໜູນຊ່ວຍອຸປະກອນການແພດເພື່ອປ້ອງກັນ, ຕ້ານການແຜ່ລະບາດໃຫ້ແຂວງຄຳມ່ວນ, ສະຫວັນນະເຂດ, ຈຳປາສັກ ດ້ວຍມູນຄ່າກວ່າ 4 ຕື້ດົ່ງ.
ບັນດາຂະແໜງການ, ກົມກອງ, ທ້ອງຖີ່ນແຂວງກວາງບິ່ງ ກໍ່ໄດ້ສົມທົບກັນໜູນຊ່ວຍບັນດາຫົວໜ່ວຍ, ທ້ອງຖິ່ນຂອງແຂວງຄໍາມ່ວນ.
ກອງບັນຊາການທະຫານແຂວງ ໜູນຊ່ວຍອຸປະກອນການແພດໃຫ້ກອງບັນຊາການທະຫານແຂວງຄໍາມ່ວນ ດ້ວຍມູນຄ່າ 263 ລ້ານດົ່ງ; ກອງບັນຊາການທະຫານຊາຍແດນແຂວງ ໄດ້ໜູນຊ່ວຍອຸປະກອນການແພດໃຫ້ກອງບັນຊາການທະຫານ ແລະ ກຳລັງປ້ອງກັນຄວາມສະຫງົບ ແຂວງຄໍາມ່ວນ ແລະ ສະຫວັນນະເຂດ ດ້ວຍມູນຄ່າ 2 ຕື້ດົ່ງ; ປກສ ແຂວງ ໜູນຊ່ວຍວຽກງານປ້ອງກັນຄວາມສະຫງົບ ແຂວງຄໍາມ່ວນ ແລະ ສະຫວັນນະເຂດ ມູນຄ່າປະມານ 400 ລ້ານດົ່ງ; ຄະນະຊາວໜຸ່ມແຂວງ ກວາງບິ່ງ ໄດ້ໜູນຊ່ວຍຄະນະຊາວໜຸ່ມແຂວງຄຳມ່ວນ ດ້ວຍວັດຖຸອຸປະກອນທີ່ມີມູນຄ່າ 300 ລ້ານດົ່ງ; ເມືອງໂບແຈັກ ໄດ້ໜູນຊ່ວຍອຳນາດການປົກຄ້ອງ, ປະຊາຊົນກຸ່ມບ້ານໜອງມ້າ ແລະ ກອງບັນຊາການທະຫານປ້ອງກັນຊາຍແດນແຂວງຄຳມ່ວນ ດ້ວຍວັດຖຸອຸປະກອນທີ່ມີມູນຄ່າ 235 ລ້ານດົ່ງ.
ວັນທີ 11 ຕຸລາ 2021, ແຂວງກວາງບິ່ງ ໄດ້ສົ່ງຄະນະຜູ້ແທນ 11 ທ່ານ ພ້ອມດ້ວຍເຄື່ອງກວດພະຍາດ Covid-19, ຕູ້ປອດໄພຊີວະພາບລະດັບ 2, ຜະລິດຕະພັນຊີວະພາບ, ເຄື່ອງອຸປະກອນການແພດໄປຊ່ວຍແຂວງຄຳມ່ວນ ເພື່ອແນໃສ່ກວດພົບ ແລະ ແຍກຕົວຜູ້ຕິດເຊື້ອພະຍາດໂຄວິດ-19 ອອກຈາກຊຸມຊົນ, ປະກອບສ່ວນເຂົ້າໃນການຈໍາກັດການແຜ່ລະບາດ ແລະ ມຸ່ງໄປເຖິງການການຄວບຄຸມໂລກພະຍາດ.
ຍອດມູນຄ່າການໜູນຊ່ວຍຄັ້ງນີ້ຂອງແຂວງ ກວາງບິ່ງ ແມ່ນ 2,7 ຕື້ດົ່ງ. ໃນໄລຍະເຮັດວຽກມາເປັນເວລາ 15 ວັນ, ຄະນະຜູ້ແທນໄດ້ວິໄຈຫາເຊື້ອທັງໝົດ 6.701 ຕົວຢ່າງ, ໄດ້ກວດພົບຜູ້ຕິດເຊື້ອ 738 ກໍລະນີ.
ຄຽງຄູ່ກັບການໜູນຊ່ວຍຝ່າຍເພື່ອນປະຕິບັດການວິໄຈຫາເຊື້ອ, ຄະນະຜູ້ແທນຍັງໄດ້ແບ່ງປັນບົດຮຽນປະສົບການໃນວຽກງານເອົາຕົວຢ່າງຫາເຊື້ອ, ກວດວິເຄາະ ແລະ ຊອກຫາຜູ້ຕິດເຊື້ອ ເຊິ່ງແຂວງໄດ້ປະຕິບັດຢ່າງມີປະສິດທິຜົນໃນການປ້ອງກັນພະຍາດໂຄວິດ-19.
ປະຫວັດສາດແຫ່ງການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງຫວຽດນາມ ແລະ ລາວ ຍາມໃດກໍ່ພິສູດໃຫ້ເຫັນວ່າ ຍິ່ງປະສົບກັບຄວາມຫຍຸ້ງຍາກລຳບາກເທົ່າໃດ, ນ້ຳໃຈສາມັກຄີ, ຄວາມສະໜິດຕິດພັນ ລະຫວ່າງປະຊາຊົນສອງປະເທດ ຍິ່ງໝັ້ນແກ່ນເທົ່ານັ້ນ.
ການຮ່ວມມື, ແບ່ງປັນ, ຜ່ານຜ່າຄວາມຫຍຸ້ງຍາກພ້ອມກັນຕ້ານພະຍາດລະບາດໃນໄລຍະປະຈຸບັນ ອີກເທື່ອໜຶ່ງ ໄດ້ຢືນຢັນຄວາມສາມັກຄີ, ມິດຕະພາບ ແລະ ຄວາມສາມັກຄີແບບພິເສດລະຫວ່າງປະຊາຊົນສອງປະເທດຫວຽດນາມ - ລາວ ເວົ້າລວມ ແລະ ແຂວງ ກວາງບິ່ງ ກັບບັນດາແຂວງຂອງປະເທດລາວ ເວົ້າສະເພາະ ຈະໝັ້ນຄົງທະນົງແກ່ນໄປຊົ່ວກາລະນານ.
ບຸນຄົງ
