| ນັກທ່ອງທ່ຽວສາກົນມາ ຫວຽດນາມ ໃນເດືອນ ພະຈິກ 2021 ເພີ່ມຂຶ້ນ 42% ເມື່ອທຽບໃສ່ເດືອນ ຕຸລາ | |
| ທ່ານປະທານປະເທດ ຫວຽດນາມ ຫງວຽນຊວັນຟຸກ ພົບປະພະນັກງານຄະນະຜູ້ຕາງໜ້າ ຫວຽດນາມ ປະຈຳ ເຊີແນວ |
 |
| ທ່ານນາງ ພິມພາ ແກ້ວມີໄຊ ຫົວໜ້າສະຖານກົງສູນ ແຫ່ງ ສປປ. ລາວ ປະຈໍາ ນະຄອນ ໂຮ່ຈີມິນ ມອບດອກໄມ້ໃຫ້ແກ່ລາຍການ (ພາບ: TTXVN) |
ເນື່ອງໃນໂອກາດສະເຫຼີມສະຫຼອງວັນສະຖາປະນາ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 46 ປີ (2/12/1975 – 2/12/2021) ແລະ ວັນສະຖາປະນາ ແຫ່ງ ລາຊະອານາຈັກ ກຳປູເຈຍ ຄົບຮອບ 68 ປີ (9/11/1953 – 9/11/2021), ຕອນບ່າຍວັນທີ 27 ພະຈິກ, ຄະນະຊາວໜຸ່ມນະຄອນ ໂຮ່ຈີມິນ ໄດ້ຈັດຕັ້ງລາຍການຍ້ອງຍໍຊົມເຊີຍ “ນັກສຶກສາ ລາວ - ກຳປູເຈຍ ຜູ້ດີເດັ່ນ” ປີ 2021. ເນື່ອງໃນໂອກາດນີ້, ມີນັກສຶກສາ ລາວ ແລະ ກຳປູເຈຍ ຈຳນວນ 107 ຄົນ ທີ່ພວມຮ່ຳຮຽນຢູ່ ນະຄອນ ໂຮ່ຈີມິນ ໄດ້ຮັບການຍ້ອງຍໍຊົມເຊີຍ ຍ້ອນມີຜົນງານທີ່ດີເດັ່ນໃນການຮ່ຳຮຽນ ແລະ ຕັ້ງໜ້າເຂົ້າຮ່ວມການເຄື່ອນໄຫວຂະບວນການ.
ຜ່ານການຈັດຕັ້ງມາເປັນເວລາ 16 ປີ, ມາຮອດປັດຈຸບັນ, ລາຍການຍ້ອງຍໍຊົມເຊີຍ “ນັກສຶກສາ ລາວ - ກຳປູເຈຍ ຜູ້ດີເດັ່ນ” ໄດ້ຍ້ອງຍໍຊົມເຊີຍນັກສຶກສາ ລາວ ແລະ ກຳປູເຈຍ ທັງໝົດ 908 ຄົນ ທີ່ມີຜົນງານດີເດັ່ນໃນການຮ່ຳຮຽນຢູ່ມະຫາວິທະຍາໄລ, ສະຖາບັນແຫ່ງຕ່າງໆໃນບໍລິເວນນະຄອນ ໂຮ່ຈີມິນ. ບຸກຄົນເຫຼົ່ານັ້ນ ບໍ່ພຽງແຕ່ແມ່ນຕົວແບບອັນໃສແຈ້ງໃນການຮ່ຳຮຽນ, ຝຶກຝົນເທົ່ານັ້ນ ຫາກຍັງແມ່ນຜູ້ທີ່ສືບຕໍ່ເພີ່ມພູນຄູນສ້າງໄມຕີຈິດມິດຕະພາບ ລະຫວ່າງ ຫວຽດນາມ, ລາວ, ກຳປູເຈຍ ໃຫ້ພັດທະນາຢ່າງໝັ້ນຄົງຂະໜົງແກ່ນອີກດ້ວຍ.
vov.world.vn
