 |
| ພາບປະກອບ: dantri.com |
ຕາມຂໍ້ມູນຈາກພະແນກອຸດສາຫະກຳ ແລະ ການຄ້າ ນະຄອນໂຮ່ຈີມິນ ແລ້ວ, ຍອດຈຳນວນວິສາຫະກິດ ໃນບັນດາເຂດອຸດສາຫະກຳ, ເຂດປຸງແຕ່ງ, ເຂດເຕັກໂນໂລຢີສູງນະຄອນໂຮ່ຈີມິນ ໄດ້ຈົດທະບຽນເຄື່ອນໄຫວຄືນໃໝ່ ບັນລຸອັດຕາສ່ວນ 95%.
ສະເພາະຢູ່ເຂດອຸດສາຫະກຳສູງ ມີວິສາຫະກິດ 88/88 ແຫ່ງໄດ້ເຄື່ອນໄຫວດ້ວຍກຳມະການເຮັດວຽກ 145.000 ຄົນ, ບັນລຸ 84%. ນອກຈາກນັ້ນ, ມີວິສາຫະກິດກ່ວາ 6.500 ແຫ່ງ ຢູ່ນອກເຂດອຸດສາຫະກຳ, ເຂດປຸງແຕ່ງ, ເຂດເຕັກໂນໂລຢີສູງ ໃນບໍລິເວນນະຄອນໂຮ່ຈີມິນ ກໍ່ໄດ້ຈົດທະບຽນເຄື່ອນໄຫວຄືນໃໝ່.
ບັນດາເມືອງ ແລະ ນະຄອນຖູດຶກພວມສືບຕໍ່ອັບເດດຈຳນວນວິສາຫະກິດຈົດທະບຽນວິທີການເຄື່ອນໄຫວເພື່ອສົ່ງໄປຍັງພະແນກອຸດສາຫະກຳ ແລະ ການຄ້າໃນໄລຍະຈະມາເຖິງ.
ຕາມຄະນະຄຸ້ມຄອງບັນດາເຂດປຸງແຕ່ງ, ເຂດອຸດສາຫະກຳ ນະຄອນໂຮ່ຈີມິນ ແລ້ວ, ກ່ອນເວລາເກີດໂລກລະບາດໂຄວິດ - 19, ນະຄອນມີ 178 ເຂດປຸງແຕ່ງ, ເຂດອຸດສາຫະກຳ ແລະ ເຂດເຕັກໂນໂລຢີສູງ ດ້ວຍຜູ້ອອກແຮງງານ ກ່ວາ 320.000 ຄົນໃນໂຮງງານ ເກືອບ 1.500ແຫ່ງ.
ນັບແຕ່ວັນທີ 15 ກໍລະກົດ ຫາວັນທີ 30 ກັນຍາ, ຕາມການຮຽກຮ້ອງຂອງຄະນະກຳມະການປະຊາຊົນນະຄອນ, ຖ້າຫາກວ່າວິສາຫະກິດບໍ່ຮັບປະກັນການປ້ອງກັນ, ຕ້ານໂລກລະບາດໂຄວິດໄດ້ ແມ່ນຕ້ອງຢຸດຕິການເຄື່ອນໄຫວ ດັ່ງນັ້ນມີໂຮງງານ, ໂຮງຈັກ ກ່ວາ 820 ແຫ່ງຢູ່ເຂດນີ້ຕ້ອງຢຸດຕິການຜະລິດ, ເຮັດໃຫ້ມີກຳມະກອນກ່ວາ 244.000 ຄົນບໍ່ມີວຽກເຮັດງານທຳ.
ບຸນຄົງ
