| ວິທະຍຸສາກົນແຫ່ງປະເທດຈີນປະຈຳລາວ ມອບປຶ້ມ 2 ພາສາລາວ-ຈີນ ໃຫ້ສື່ມວນຊົນລາວ | |
| ໂຮງຮຽນສອງພາສາລາວ-ຫວຽດນາມຫງວຽນຢູ ໄດ້ຈັດກິດຈະກຳຕ້ອນຮັບບຸນເຕັດ-ປີສະຫຼູ 2021 |
ເຂົ້າຮ່ວມພິທີເປີດມີ ທ່ານ ປອ. ໂດຕ໋ວນມີງ – ອໍານວຍການໂຮງຮຽນ; ທ່ານ ປອ. ຫງວຽນຊວັນລອງ – ຮອງອຳນວຍການ; ທ່ານ ຮຈ.ປອ. ຫງວຽນລານຈູງ, ປະທານສະພາທີ່ປຶກສາ ແລະ ການຮ່ວມມືພັດທະນາ; ແລະ ບັນດາຜູ້ຕາງຫນ້າຂອງຫ້ອງການໂຮງຮຽນ.
 |
| ບັນຍາກາດທີ່ພິທີເປີດ. |
ສ່ວນຝ່າຍກອງກຳລັງຕຳຫຼວດສືບສວນ-ສອບສວນ ກ່ຽວກັບອາດຊະຍາກຳຢາເສບຕິດ, ມີ ທ່ານ ພົນຈັດຕະວາ ຟ້າມຮົ່ງເຊີນ - ຮອງຫົວໜ້າກົມຕຳຫຼວດສືບສວນ-ສອບສວນອາດຊະຍາກຳຢາເສບຕິດ; ທ່ານ ພັນເອກ ຟານວັນມີ, ຮອງຫົວໜ້າກົມບຳລຸງສ້າງ; ທ່ານພັນຕີ ບຸ່ຍແທ່ງດາດ, ຫົວໜ້າຫ້ອງການຄຸ້ມຄອງວິຊາການ ແລະ ການສຶກສາປະຈຳ ຂອງກົມບຳລຸງສ້າງ; ຜູ້ຕາງໜ້າບັນດາໜ່ວຍງານປະຕິບັດໜ້າທີ່ຂອງກົມບຳລຸງສ້າງ, ກົມຕຳຫຼວດສືບສວນ-ສອບສວນອາດຊະຍາກຳຢາເສບຕິດ.
ຕາງໜ້າໃຫ້ກະຊວງຕຳຫຼວດ, ທ່ານພັນເອກ ຟານວັນມີ, ຮອງຫົວໜ້າກົມບຳລຸງສ້າງ ໃຫ້ຮູ້ວ່າ: ຊຸດຮຽນພາສາລາວຄັ້ງນີ້ ຈັດຂຶ້ນເພື່ອຍົກລະດັບການນຳໃຊ້ພາສາລາວໃຫ້ແກ່ກຳລັງຕຳຫຼວດສືບສວນ-ສອບສວນອາດຊະຍາກຳຢາເສບຕິດ, ເໝາະສົມກັບສະພາບການເຊື່ອມໂຍງ, ປະກອບສ່ວນເພີ່ມທະວີການເຄື່ອນໄຫວ ແລະ ແລກປ່ຽນວັດທະນະທຳ, ມິດຕະພາບລະຫວ່າງສອງປະເທດຫວຽດນາມ - ລາວ. ທ່ານ ພັນເອກ ຟານວັນມີ ປາດຖະໜາໃຫ້ບັນດາສຳມະນາກອນ ຈົ່ງມານະພະຍາຍາມຮ່ຳຮຽນເພື່ອບັນລຸໝາກຜົນທີ່ດີທີ່ສຸດ.
ກ່າວຄຳເຫັນທີ່ພິທີ, ທ່ານ ປອ. ໂດຕ໋ວນມີງ, ຜູ້ອຳນວຍການໂຮງຮຽນ ເນັ້ນໜັກວ່າ: ການເປີດຊຸດຮຽນພາສາລາວ ແມ່ນມີຄວາມໝາຍທີ່ສຸດໃນການປະກອບຄວາມຮູ້ໃຫ້ກຳລັງຕຳຫຼວດ ແລະ ປັບປຸງທັກສະໃນການນຳໃຊ້ພາສາລາວ ເພື່ອປະຕິບັດໜ້າທີ່ວຽກງານໃຫ້ມີປະສິດທິຜົນສູງສຸດ.
ຕາງໜ້າໃຫ້ບັນດາສຳມະນາກອນ, ພັນຕີ ນາງ ຟ້າມທິຢຽວລິງ ໄດ້ສະແດງຄວາມເປັນກຽດທີ່ໄດ້ເຂົ້າຮ່ວມຊຸດຮຽນພາສາລາວ. ພັນຕີ ນາງ ຟ້າມທິຢ່ຽວລິງ ແບ່ງປັນວ່າ ນີ້ແມ່ນໂອກາດເພື່ອເຝິກຝົນ, ເພື່ອຮັບໃຊ້ວຽກງານໃຫ້ດີຂຶ້ນໃນອະນາຄົດ, ພິເສດແມ່ນວຽກງານປ້ອງກັນ ແລະ ຕ້ານຢາເສບຕິດ ຢູ່ເຂດຊາຍແດນລະຫວ່າງສອງປະເທດ.
 |
| ການນຳຂອງກະຊວງຕໍາຫຼວດ ພ້ອມດ້ວຍພະນັກງານ-ລັດຖະກອນ ພາຍໃນໂຮງຮຽນ ໄດ້ຖ່າຍຮູບທີ່ລະນຶກກັບນັກຮຽນ. |
ຕາງໜ້າໃຫ້ຄູສອນວິຊາພາສາລາວຂອງໂຮງຮຽນ, ທ່ານ Thut Phoumphithut ໄດ້ແບ່ງປັນວ່າ: “ຜ່ານຫຼັກຊຸດຝຶກອົບຮົມນີ້, ສຳມະນາກອນຈະໄດ້ຮັບການຍົກສູງທັກສະການສື່ສານປະຈຳວັນ, ການຟັງ, ການເວົ້າ, ຄວາມເຂົ້າໃຈພາສາລາວ ເພື່ອຮັບໃຊ້ວຽກງານຕ້ານຢາເສບຕິດ. ຂ້າພະເຈົ້າຫວັງວ່າ, ດ້ວຍຄວາມກະຕືລືລົ້ນຂອງສຳມະນາກອນ, ຈະສ້າງເປັນຊຸດຮຽນທີ່ມີຄວາມມ່ວນຊື່ນ, ເປີດອົກເປີດໃຈ ແລະ ບັນລຸຜົນງານຕາມທີ່ຄາດໄວ້.”
ໂດຍເຂົ້າຮ່ວມຊຸດຝຶກອົບຮົມພາສາລາວ ໃຫ້ແກ່ກອງກຳລັງຕຳຫຼວດ ສືບສວນ-ສອບສວນ ອາດຊະຍາກຳຢາເສບຕິດ ໃນຄັ້ງນີ້, ມີສຳມະນາກອນ ທີ່ເປັນນາຍຕຳຫຼວດຂອງບັນດາໜ່ວຍງານທ້ອງຖິ່ນ ຈຳນວນທັງໝົດ 106 ຄົນ.
ການຮຽນ-ການສອນຈະຈັດຂຶ້ນໃນຮູບແບບປະສົມປະສານ ລະຫວ່າງຮູບການໂດຍກົງ ແລະ ຮູບການທາງອອນລາຍ. ໄລຍະເວລາຂອງຫຼັກສູດແມ່ນແຕ່ 4 ຫາ 5 ເດືອນ. ນອກຈາກການເຂົ້າຮ່ວມການຮຽນພາສາລາວ ດ້ວຍຊຸດຝຶກອົບຮົມທີ່ປະກອບດ້ວຍ 2 ພາກພື້ນຖານ ແລະ ພາກຍົກສູງແລ້ວ, ສຳມະນາກອນ ຍັງສາມາດເຂົ້າຮ່ວມກິດຈະກຳຜ່ານພຶດຕິກຳຕົວຈິງ ແລະ ແນະນຳວັດທະນະທຳລາວນຳອີກ.
ຄຳຮຸ່ງ
