| ສ.ເກົາຫຼີ ມອບວັກຊີນ AstraZeneca ໃຫ້ຫວຽດນາມ 1,1 ລ້ານໂດສ | |
| ພິທີມອບ-ຮັບວັກຊິນກັນໂຄວິດ-19 ຈຳນວນ 1,5 ລ້ານໂດສ ໃຫ້ແກ່ຫວຽດນາມ |
ຫວຽດນາມ ຈະຍູ້ແຮງການຮ່ວມມືໃນດ້ານເຕັກໂນໂລຍີການຜະລິດວັກຊີນ ແລະ ໜູນຊ່ວຍຂະບວນວິວັດການຜະລິດ ແລະ ການທົດລອງວັກຊີນພາຍໃນປະເທດ, ການນຳເຂົ້າຢາບາງຊະນິດເພື່ອປິ່ນປົວໂຄວິດ 19.
 |
| ຫວຽດນາມ ໄດ້ຮັບຢາວັກຊີນ ປະມານ 90 ລ້ານໂດສ. (ພາບ: unicef) |
ມີບໍລິສັດຂອງຫວຽດນາມຈຳນວນໜຶ່ງ ໄດ້ຮ່ວມມືກັບບັນດາບໍລິສັດຂອງອາເມຣິກາ, ຣັດເຊຍ ແລະ ຍີ່ປຸ່ນ ເພື່ອຮັບການຖ່າຍທອດເຕັກໂນໂລຍີ, ທົດລອງ ແລະ ຜະລິດວັກຊີນເຕັກໂນໂລຍີໃໝ່ mRNA, ບັນຈຸກ່ອງເປັນຜະລິດຕະພັນວັກຊີນ Sputnik V. ບໍລິສັດ Nanogen ຂອງຫວຽດນາມ ບັນລຸຂໍ້ຕົກລົງຮ່ວມມືກັບອິນເດຍ ກ່ຽວກັບການທົດລອງວັກຊີນ ແລະ ການຮ່ວມມືຜະລິດວັກຊີນ.
ມາຮອດປັດຈຸບັນ, ຫວຽດນາມ ໄດ້ສັກຢາວັກຊີນໂດສທຳອິດ ໃຫ້ຫຼາຍກວ່າ 54% ຂອງປະຊາກອນທີ່ອາຍຸ 18 ປີຂຶ້ນໄປ ແລະ ສັກຢາວັກຊີນ 2 ໂດສ ໃຫ້ປະມານ 22% ຂອງປະຊາກອນ.ຫວຽດນາມ ໄດ້ຮັບອຸປະກອນການແພດເປັນຈຳນວນຫຼວງຫຼາຍ ມີມູນຄ່າຫຼາຍສິບລ້ານໂດລາສະຫະລັດ ຈາກຫຼາຍຄູ່ຮ່ວມງານ, ອົງການຈັດຕັ້ງສາກົນ ແລະ ຊາວຫວຽດນາມຢູ່ຕ່າງປະເທດ, ໄດ້ປິ່ນປົວຢ່າງທັນການ ໃນໄລຍະທີ່ຈໍານວນຂອງກໍລະນີຕິດເຊື້ອເພີ່ມຂຶ້ນສູງ, ປະກອບສ່ວນຫຼຸຸດຜ່ອນຄວາມກົດດັນຂອງລະບົບສາທາລະນະສຸກ.
ນັບແຕ່ນີ້ຈົນຮອດທ້າຍປີ, ຄະນະປະຕິບັດງານຂອງລັດຖະບານ ກ່ຽວກັບການທູດວັກຊີນຈະສືບຕໍ່ໃຫ້ການຂົນຂວາຍ, ຊຸກຍູ້ ແລະ ຮັບປະກັນໃຫ້ຄູ່ຮ່ວມງານຈັດສົ່ງວັກຊີນຖືກຕາມຄໍາໝັ້ນສັນຍາຂອງຕົນ, ເປັນເສນາທີການໃຫ້ລັດຖະບານ ກ່ຽວກັບແຜນການລວມວ່າດ້ວຍຄວາມຕ້ອງການວັກຊີນສໍາລັບປີ 2022.
ໜ່ວຍປະຕິບັດງານກໍ່ຊຸກຍູ້ການຮ່ວມມືສາກົນ ໃນການຜະລິດວັກຊີນ ເພື່ອໜູນຊ່ວຍການພັດທະນາວັກຊີນພາຍໃນປະເທດ, ຮັບປະກັນແຫຼ່ງສະໜອງທີ່ເປັນປົກກະຕິ ແລະ ເປັນເຈົ້າຕົນເອງໂດຍຍາວນານ, ຍູ້ແຮງການເຂົ້າເຖິງຢາປິ່ນປົວສະເພາະ COVID-19.
ຄຳຮຸ່ງ
