ຢາວັກຊີນນີ້ ຄາດວ່າຈະມາຮອດຫວຽດນາມ ແລະ ໄທໃນວັນທີ 15 ຕຸລານີ້, ອີງຕາມຂໍ້ມູນຂອງ Yonhap. ກະຊວງການຕ່າງປະເທດ ສ.ເກົາຫຼີ ຍັງແຈ້ງໃຫ້ຊາບຕື່ມວ່າ Seoul ໄດ້ຕົກລົງມອບວັກຊີນ ໃຫ້ກັບບັນດາຄູ່ຮ່ວມມືການຄ້າທີ່ສໍາຄັນໃນພາກພື້ນ ເພື່ອຊ່ວຍປົກປ້ອງພົນລະເມືອງ ສ.ເກົາຫຼີ ທີ່ອາໄສຢູ່ໃນບັນດາປະເທດເຫຼົ່ານີ້ ຄືກັນກັບພົນລະເມືອງຂອງເຂົາເຈົ້າ.
 |
| ສ.ເກົາຫຼີ ມອບວັກຊີນ AstraZeneca ໃຫ້ຫວຽດນາມ 1,1 ລ້ານໂດສ. (ພາບ: REUTERS) |
ກະຊວງການຕ່າງປະເທດກ່າວໃນຖະແຫຼງການສະບັບໜຶ່ງວ່າ "ລັດຖະບານໄດ້ຕົກລົງມອບຢາວັກຊີນ ເພາະວ່າພວກເຮົາສາມາດສືບຕໍ່ໂຄງການສັກຢາວັກຊີນປ້ອງກັນພະຍາດ ໂດຍບໍ່ຊັກຊ້າ ກັບປະລິມານສະສົມທີ່ມີຢູ່ໃນປະຈຸບັນ". "ບັນດາປະເທດເຫຼົ່ານີ້ ໄດ້ຖືກຄັດເລືອກຫຼັງຈາກການພິຈາລະນາຂອງພວກຂ້າພະເຈົ້າ ຕາມຄວາມຮຽກຮ້ອງຄວາມຊ່ວຍເຫຼືອຂອງເຂົາເຈົ້າ, ຄວາມປອດໄພຂອງພົນລະເມືອງ ສ.ເກົາຫຼີ ທີ່ອາໄສຢູ່ໃນປະເທດເຫຼົ່ານັ້ນ, ນະໂຍບາຍການຕ່າງປະເທດ ແລະ ສະຖານະການ Covid-19".
ກະຊວງການຕ່າງປະເທດ ສ.ເກົາຫຼີ ຍັງກ່າວວ່າ ຈະພິຈາລະນາໃຫ້ການຊ່ວຍເຫຼືອເພີ່ມເຕີມ ໃຫ້ແກ່ປະເທດອື່ນ ທີ່ມີຄວາມຕ້ອງການ, ຫຼັງຈາກທົບທວນຄືນອັດຕາການສະໜອງວັກຊີນ ແລະ ການສັກຢາກັນພະຍາດຂອງປະເທດ.
ນີ້ເປັນຄັ້ງທໍາອິດທີ່ ສ.ເກົາຫຼີ ໄດ້ສະໜັບສະໜູນວັກຊີນໂດຍກົງໃຫ້ກັບຕ່າງປະເທດ, ນອກຈາກການສະໜັບສະໜູນດ້ານການເງິນ ຜ່ານໂຄງການ COVAX.
ຄຳຮຸ່ງ
