| ສາທາລະນະລັດເຊັກ ໂອນວັກຊີນກັນ COVID -19 500,000 ໂດສ ໃຫ້ແກ່ຫວຽດນາມ | |
| ປະເທດລາວ ໄດ້ເລີ່ມຕົ້ົ້ນທົດລອງການສັກວັກຊິນ ຕ້ານພະຍາດ COVID – 19 |
 |
| ກອງປະຊຸມໂອ້ລົມເຈລະຈາ “ມະຕິ 128 - ມຸ່ງໄປສູ່ສະພາບການປົກກະຕິໃໝ່”. ພາບ:VGP |
ທີ່ກອງປະຊຸມໂອ້ລົມເຈລະຈາ, ຜູ້ຕາງໜ້າການນໍາບັນດາກະຊວງ, ຂະແໜງການ, ທ້ອງຖິ່ນ, ບັນດານັກຊ່ຽວຊານໄດ້ໄຈ້ແຍກ, ວິເຄາະ ແລະ ເຮັດແຈ້ງບັນດາຂໍ້ມູນຂ່າວສານ, ເນື້ອໃນສະເພາະທີ່ກ່ຽວຂ້ອງເຖິງມະຕິເລກທີ 128/NQ-CP ລົງວັນທີ 11/10/2021 ຂອງລັດຖະບານກ່ຽວກັບຂໍ້ກຳນົດຊົ່ວຄາວ “ປັບຕົວຢ່າງປອດໄພ, ມີຄວາມໄຫວພິບ, ຄວບຄຸມການລະບາດຂອງ COVID-19 ຢ່າງມີປະສິດທິຜົນ” (ຫຼືເອີ້ນຫຍໍ້ວ່າ ມະຕິເລກທີ 128/NQ-CP).
ສ່ວນຫຼາຍບັນດາຜູ້ແທນກໍ່ເຫັນດີເປັນເອກະພາບວ່າ ມະຕິເລກທີ 128 ແມ່ນນະໂຍບາຍຊີ້ຂາດທີ່ຖືກຕ້ອງທີ່ສຸດໃນໄລຍະປະຈຸບັນ, ເໝະສົມກັບການປັບຕົວທີ່ມີໄຫວພິບ, ຈັດຕັ້ງບັນດາວິທີການແກ້ໄຂທີ່ເໝາະສົມກັບສະພາບການໃໝ່. ນະໂຍບາຍຊີ້ຂາດນີ້ແມ່ນມີຄວາມສຳຄັນຫຼາຍ, ຈະແຈ້ງ ແລະ ມີຫຼາຍນະໂຍບາຍ, ວິທີການແກ້ໄຂທີ່ເໝະສົມ.
ພາຍຫຼັງເກືອບ 2 ປີໃນການຮັບມືກັບໂລກລະບາດ COVID-19, ຫວຽດນາມ ບັນລຸໄດ້ໝາກຜົນສໍາຄັນຫຼາຍຢ່າງໃນການປ້ອງກັນ ແລະ ຄວບຄຸມໂລກລະບາດ COVID-19. ມາຮອດປັດຈຸບັນ, ໂລກລະບາດ COVID-19 ໄດ້ຮັບການຄວບຄຸມໂດຍພື້ນຖານ; ຊີວິດການເປັນຢູ່ຂອງປະຊາຊົນຄ່ອຍໆກັບຄືນສູ່ “ສະພາບການປົກກະຕິໃໝ່”.
ໄຊພອນ
