 |
| ກວດວິໄຈຫາເຊື້ອ ໂຄວິດ - 19 |
ສະມາຄົມຊາວຫວຽດນາມ ອາໄສຢູ່ ມາເກົາ ແລະ ສະມາຄົມທຳການກຸສົນ ມິງອ໊າຍ (ມາເກົາ) ໄດ້ຈັດຕັ້ງການວິໄຈຫາເຊື້ອໃຫ້ແກ່ກໍລະນີຊາວຫວຽດນາມທີ່ບໍ່ມີເງື່ອນໄຂໄປກວດຫາເຊື້ອໂຄວິດ - 19 ຢູ່ບັນດາສະຖານທີ່ທີ່ໄດ້ກຳນົດ. ສະຖານທີ່ຈັດຕັ້ງການວິໄຈແມ່ນ No.17, U.S.Vice General Road.
“ເພື່ອສຸຂະພາບຂອງຕົນເອງ ແລະ ປະຊາຄົມ, ພວກຂ້າພະເຈົ້າມີຄວາມຫວັງວ່າ ທຸກຄົນທີ່ມີສັນຍານອາການຕິດເຊື້ອໂຄວິດ - 19 ຕ້ອງຍາດແຍ່ງເວລາໄປກວດຫາເຊື້ອຢ່າງຮີບດ່ວນ”, ທ່ານເຢືອງຈຸງດຶກ ປະທານສະຫະສະມາຄົມຊາວ ຫວຽດນາມ ອາໄສຢູ່ ມາເກົາແບ່ງປັນ.
ທ່ານ ເຢືອງຈູງດຶກມີຄວາມປາດຖະໜາວ່າ ປະຊາຄົມຊາວຫວຽດນາມ ຈົ່ງອຸ່ຍອຽນໃຈ, ຕິດຕາມ, ອັບເດດຂໍ້ມູນທາງການຈາກສະມາຄົມຊາວຫວຽດນາມ ອາໄສຢູ່ ມາເກົາ, ຫຼີກລ້ຽງການເຜີຍແຜ່ຂໍ້ມູນທີ່ບໍ່ຖືກຕ້ອງກ່ຽວກັບຜູ້ຕິດເຊື້ອພະຍາດໂຄວິດ - 19, ບໍ່ສ້າງຄວາມວິຕົກກັງວົນໃນປະຊາຄົມ. ພິເສດ ຕ້ອງປະຕິບັດບັນດາຂໍ້ກຳນົດກ່ຽວກັບການປ້ອງກັນ, ຕິດຕາມກວດກາສຸຂະພາບຂອງຕົນເອງ ແລະ ຈື່ບັນດາຂໍ້ມູນການເດີນທາງໄປມາໃນກໍລະນີທີ່ຈຳເປັນຕ້ອງກວດກາປະຫວັດການໄປມາ.
ຊາວຫວຽດນາມ ອາໄສຢູ່ ມາເກົາ ຖ້າຕ້ອງການການໜູນຊ່ວຍສາມາດຕິດຕໍ່ກັບສະຫະສະມາຄົມ ຊາວຫວຽດນາມ ອາໄສຢູ່ ມາເກົາ ທີ່ໃຫ້ຄຳປຶກສາ ແລະ ໜູນຊ່ວຍຕາມເບີໂທລະສັບ +85366722613.
ບຸນຄົງ
