 |
| ນັກຮົບເກົ່າ ຫວຽດນາມ ອາໄສຢູ່ ຢູແກຼນ ມອບເງິນ ຈຳນວນ 2000 USD ເພື່ອສະໜັບສະໜູນເພື່ອນຮ່ວມກົມກອງຢູ່ບ້ານເກີດເມືອງນອນທີ່ປະສົບກັບຄວາມຫຍຸ້ງຍາກຍ້ອນໂລກລະບາດໂຄວິດ - 19 |
ໂດຍໄດ້ຮັບການມອບສິດຂອງຄະນະບໍລິຫານງານສະມາຄົມນັກຮົບເກົ່າ ຫວຽດນາມ ອາໄສຢູ່ ຢູແກຼນ, ທ່ານ ອານຫວູບິ່ງ, ອະດີດເລຂາຜູ້ທີໜຶ່ງ, ຜູ້ປະຈຳການຄະນະປະຕິບັດວຽກງານປະຊາຄົມສະຖານທູດ ຫວຽດນາມ ປະຈຳ ຢູແກຼນ ແລະ ທ່ານ ຟ້າມງອກລອງ ໄດ້ມອບເງິນເປັນຈຳນວນ 2000 USD ໃຫ້ແກ່ສະມາຄົມນັກຮົບເກົ່າ ຫວຽດນາມ.
ທ່ານ ຫງວຽນວັນລວານ ປະທານສະມາຄົມນັກຮົບເກົ່າ ຫວຽດນາມ ປະຈຳ ຢູແກຼນ ໃຫ້ຮູ້ວ່າ ພາຍຫຼັງໄດ້ຮັບຈົດໝາຍຮຽກຮ້ອງການສະໜັບສະໜູນບັນດາສະມາຊິກ ແລະ ຄອບຄົວນັກຮົບເກົ່າພາຍໃນປະເທດ ທີ່ຖືກຜົນສະທ້ອນຈາກໂລກລະບາດໂຄວິດ - 19, ສະມາຄົມນັກຮົບເກົ່າ ຫວຽດນາມ ປະຈຳ ຢູແກຼນ ກໍ່ໄດ້ປຸກລະດົມຂະບວນການອຸປະຖຳສະໜັບສະໜູນໄປຍັງບັນດາສະມາຊິກສະມາຄົມນັກຮົບເກົ່າແຂວງ, ນະຄອນ ແລະ ອ້າຍເອື້ອຍນ້ອງນັກຮົບເກົ່າໝົດທຸກຄົນຢູ່ ຢູແກຼນ. ປະຊາຄົມຊາວຫວຽດນາມ ອາໄສຢູ່ ຢູແກຼນ ເວົ້າລວມ ແລະ ບັນດານັກຮົບເກົ່າເວົ້າສະເພາະ ກໍ່ພວມປະສົບກັບຄວາມຫຍຸ້ງຍາກຫຼາຍຢ່າງຍ້ອນວິກິດການດ້ານເສດຖະກິດ ແລະ ໂລກລະບາດໂຄວິດ - 19. ແຕ່ດ້ວຍຈິດໃຈຮັກແພງເຊິ່ງກັນແລະກັນ, ເສີມຂະຫຍາຍຄຸນທາດ “ທະຫານລຸງໂຮ່”, ສະມາຄົມນັກຮົບເກົ່າ ຫວຽດນາມ ປະຈຳ ຢູແກຼນ ໄດ້ຕັ້ງໜ້າເຂົ້າຮ່ວມການອຸປະຖຳສະໜັບສະໜູນ. ໝາກຜົນ ອຸປະຖຳໄດ້ 2000 USD, ນີ້ແມ່ນໝາກຜົນສູງທີ່ສຸດ, ລື່ນການຄາດຄະເນເບື້ອງຕົ້ນຂອງຄະນະບໍລິຫານງານສະມາຄົມນັກຮົບເກົ່າຫວຽດນາມ ຢູ່ ຢູແກຼນ.
ທ່ານຮອງປະທານສະມາຄົມນັກຮົບເກົ່າ ຫວຽດນາມ, ທ່ານ ພົນໂທ ຫງວຽນຊອງຟີ ຕາງໜ້າຄະນະບໍລິຫານງານສູນກາງສະມາຄົມນັກຮົບເກົ່າ ແລະ ນັກຮົບເກົ່າ ຫວຽດນາມ ໄດ້ສົ່ງຄຳຂອບອົກຂອບໃຈຕໍ່ນ້ຳໃຈຂອງເພື່ອນຮ່ວມກົມກອງ ທີ່ຍາມໃດກໍ່ອ່າວຍໜ້າເມື່ອຫາບ້ານເກີດເມືອງນອນຂອງບັນດານັກຮົບເກົ່າ ຫວຽດນາມ ປະຈຳ ຢູແກຼນ. ທ່ານຫວັງວ່າ ສະມາຄົມບັນດານັກຮົບເກົ່າ ແລະ ນັກຮົບເກົ່າ ຫວຽດນາມ ອາໄສຢູ່ ຢູແກຼນ ຈະແມ່ນຂົວຕໍ່ເພີ່ມທະວີນ້ຳໃຈສາມັກຄີມິດຕະພາບຂອງນັກຮົບເກົ່າ ຫວຽດນາມ ແລະ ນັກຮົບເກົ່າ ຢູແກຼນ.
ບຸນຄົງ
