 |
| ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມ |
ວັນທີ 10 ຕຸລາ, ຫ້ອງວ່າການລັດຖະບານປະກາດໃຊ້ແຈ້ງການເລກທີ 264/TB-VPCP, ແຈ້ງການສະຫຼຸບຂອງທ່ານນາຍົກລັດຖະມົນຕີຟ້າມມິງຈິງ, ຫົວໜ້າຄະນະຊີ້ນຳແຫ່ງຊາດໃນການປ້ອງກັນຕ້ານໂລກລະບາດໂຄວິດ - 19 ຢູ່ກອງປະຊຸມຄະນະຊີ້ນຳທີ່ໄດ້ດຳເນີນໃນວັນທີ 9 ຕຸລາ.
ຕາມນັ້ນແລ້ວ, ທ່ານນາຍົກລັດຖະມົນຕີໄດ້ຮຽກຮ້ອງຕ້ອງປ່ຽນແປງໃໝ່ຈິນຕະນາການແລະມາດຕະການປ້ອງກັນ, ຕ້ານໂລກລະບາດໂຄວິດ - 19 ຢ່າງເໝາະສົມ. ທ່ານນາຍົກລັດຖະມົນຕີໄດ້ມອບໜ້າທີ່ໃຫ້ແກ່ບັນດາກະຊວງ, ຂະແໜງການ, ທ້ອງຖິ່ນສຸມໃສ່ຜັນຂະຫຍາຍບາງວຽກງານຈຸດສຸມຄືດັ່ງນີ້:
ທີໜຶ່ງແມ່ນກະຊວງສາທາລະນະສຸກເປັນປະທານຈັດຕັ້ງ, ພ້ອມກັບຫ້ອງວ່າການລັດຖະບານຕັ້ງໜ້າເປັນເສນາທິການປະກາດໃຊ້ຂໍ້ກຳນົດກ່ຽວກັບການປັບຕົວໃຫ້ແທດເໝາະ, ມີໄຫວພິບ, ຄວບຄຸມໂລກລະບາດໂຄວິດ - 19 ຢ່າງມີປະສິດທິຜົນເພື່ອທັງປ້ອງກັນຕ້ານໂລກລະບາດຢ່າງມີປະສິດທິຜົນ, ທັງຟື້ນຟູແລະພັດທະນາເສດຖະກິດສັງຄົມ.
ທີສອງແມ່ນທຸກຂັ້ນ, ທຸກຂະແໜງການ, ທ້ອງຖິ່ນເມື່ອຫັນເອກະສານຊີ້ນຳເປັນອັນລະອຽດຕ້ອງປະຕິບັດຢ່າງຖືກຕ້ອງແລະບໍ່ໃຫ້ຝືນກັບບັນດາຂໍ້ກຳນົດຂອງສູນກາງຢ່າງເດັດຂາດ, ການຈັດຕັ້ງປະຕິບັດຕ້ອງເປັນເອກະພາບໃນຂອບເຂດທົ່ວປະເທດ, ຢຸດຕິສະພາບການບ່ອນໃດປະຕິບັດຕາມຂໍ້ກຳນົດສະເພາະຂອງບ່ອນນັ້ນ, ສ່ອງແສງຂຶ້ນຂັ້ນເທິງໂດຍກົງຢ່າງທັນການຖ້າຫາກກວດພົບຂໍ້ຕິດຂັດໃນຕົວຈິງແລະມີໄຫວພິບໃນແຕ່ລະກໍລະນີຢ່າງລະອຽດ, ບັນດາກະຊວງ, ຂະແໜງການທີ່ມີໜ້າທີ່ກວດກາ, ຕ້ອງກວດກາແລະແກ້ໄຂໃນທັນທີ.
ທີສາມແມ່ນບັນດາທ້ອງຖິ່ນສົມທົບນຳກັນຢ່າງແໜ້ນແຟ້ນ, ມີປະສິດທິຜົນໃນການຈັດຕັ້ງຕ້ອນຮັບ, ຄຸ້ມຄອງປະຊາຊົນກັບຄືນບ້ານເກີດເມືອງນອນ, ຮັບປະກັນຊີວິດສັງຄົມ, ຄວາມໝັ້ນຄົງ, ຄວາມປອດໄພ, ຄວາມເປັນລະບຽບຮຽບຮ້ອຍທາງສັງຄົມແລະມີຄວາມປອດໄພໃນການປ້ອງກັນຕ້ານໂລກລະບາດຕາມຂໍ້ກຳນົດ.
ທີສີ່ແມ່ນຕ້ອງເພີ່ມທະວີການເຄື່ອນໄຫວຂອງອົງການການທູດວັກຊິນ, ຊຸກຍູ້ການປະຕິບັດບັນດາສັນຍາທີ່ໄດ້ຮັບການລົງນາມແລ້ວແລະພິຈາລະນາຢ່າງລະອຽດແລະມີວິທະຍາສາດໃນການນຳເຂົ້າຄັ້ງຕໍ່ໄປ, ຄິດໄລ່ການສັກວັກຊິນກັນໂຄວິດ - 19 ໃຫ້ແກ່ເດັກນ້ອຍແລະແຜນການໃຫ້ແກ່ປີ 2022, ຊຸກຍູ້ການຄົ້ນຄ້ວາ, ຜະລິດພາຍໃນປະເທດ, ລວມມີການຮັບປະກັນຄວາມປອດໄພ, ພາວະວິໄສ, ຊື່ສັດ, ວິທະຍາສາດ, ຍູ້ແຮງການຈັດຕັ້ງບັ້ນສັກວັກຊິນຢ່າງປອດໄພ, ມີວິທະຍາສາດ, ມີປະສິດທິຜົນກ່ວາອີກ.
ທີຫ້າແມ່ນມີຂັ້ນຕອນຮັບມືຢ່າງປອດໄພ, ມີໄຫວພິບ, ຟື້ນຟູບັນດາການເຄື່ອນໄຫວຜະລິດ, ດຳເນີນທຸລະກິດຢ່າງມີປະສິດທິຜົນ, ເຊື່ອມຊຶມທັດສະນະຜະລິດຕ້ອງມີຄວາມປອດໄພ, ວິສາຫະກິດຕ້ອງເປັນໃຈກາງ, ແມ່ນເຈົ້າໃນການຜະລິດຢ່າງປອດໄພ, ເສີມຂະຫຍາຍລັກສະນະເປັນເຈົ້າການ, ຄວາມເປັນເຈົ້າຕົນເອງແລະຍົກສູງຈິດໃຈຄວາມຮັບຜິດຊອບຂອງວິສາຫະກິດ, ປະຊາຊົນກັບປະຊາຄົມ, ສັງຄົມແລະ ປະເທດຊາດ.
ທີຫົກແມ່ນເຫັນດີເປັນເອກະພາບໃນທົ່ວໂລກກ່ຽວກັບການຈໍລະຈອນແລະການຄົມມະນາຄົມຂົນສົ່ງ(ທາງນຳ້, ທາງບົກ, ທາງອາກາດ), ມີການຄຸ້ມຄອງ, ດັດສົມຂອງລັດຖະບານ,ບໍ່ໃຫ້ປະກາດເອກະສານຍ່ອຍຢ່າງເດັດຂາດ, ບໍ່ແບ່ງແຍກ, ຈຳກັດເຂດ, ຜັນຂະຫຍາຍຢ່າງລະມັດລະວັງ, ປອດໄພ, ປະຕິບັດທົດລອງຕາມອາທິດເພື່ອດັດປັບຢ່າງເໝາະສົມແລະຕ້ອງເພີ່ມທະວີການກວດກາ, ຕິດຕາມ.
ທີເຈັດແມ່ນສືບຕໍ່ຜັນຂະຫຍາຍການເຄື່ອນໄຫວໜູນຊ່ວຍຊີວິດສັງຄົມ, ບໍ່ປະໃຫ້ລາຍຊື່ເປົ້າໝາຍທີ່ຕ້ອງການໜູນຊ່ວຍຕົກເຮ່ຍ, ຮັບປະກັນຄວາມໝັ້ນຄົງ, ຄວາມປອດໄພຄວາມເປັນລະບຽບຮຽບຮ້ອຍທາງສັງຄົມແລະບັນດາມາດຕະການປ້ອງກັນ, ຕ້ານໂລກລະບາດໂຄວິດ - 19.
ທີແປດແມ່ນເພີ່ມທະວີວຽກງານໂຄສະນາຕາມທິດເປັນເຈົ້າການ, ມີແຜນການຢ່າງລະອຽດ, ສ່ອງແສງສະພາບການຢ່າງຖືກຕ້ອງ, ດ້ວຍຈິດໃຈ “ຖືຄວາມຕັ້ງໜ້າຍູ້ໄພຫຍໍ້ທໍ້ໃຫ້ຖອຍໄປ,ເອົາຄວາມດີລົບລ້າງຄວາມຊົ່ວ”, ບໍ່ປະໃຫ້ບັນດາກຳລັງທີ່ເປັນປໍລະປັກສວຍໃຊ້, ທຳລາຍ.
ທີເກົ້າແມ່ນສືບຕໍ່ປະຕິບັດສຳເລັດໂປແກຼມ PC-COVID ຢ່າງຮີບດ່ວນເພື່ອເຫັນດີເປັນເອກະພາບໃນການນຳໃຊ້ເພື່ອສ້າງຄວາມສະດວກແລະຮັບປະກັນຄວາມປອດໄພ, ຄວາມໝັ້ນຄົງທາງຂໍ້ມູນຂອງປະຊາຊົນ.
ບຸນຄົງ
