| ກອງປະຊຸມຄົບຄະນະຄູ່ຮ່ວມມືພັດທະນາກະສິກຳ ແບບຍືນຍົງ ຫວຽດນາມ | |
| ອົດສະຕາລີ ແລະ ຫວຽດນາມ ມີຫຼາຍກາລະໂອກາດຮ່ວມມືພັດທະນາດ້ານກະສິກຳ ທີ່ນຳໃຊ້ເຕັກໂນໂລຢີສູງ |
 |
| ບັນດາຜູ້ເຂົ້າຮ່ວມການແຂ່ງຂັນ |
ການແຂ່ງຂັນມີການເຂົ້າຮ່ວມຂອງ 17 ຄົນ ທີ່ໄດ້ຮັບການຄັດເລືອກ ແລະ ເປັນຜູ້ຕາງໜ້າໃຫ້ປະຊາຄົມຊາວຫວຽດນາມ ຢູ່ຫຼາຍປະເທດເອີລົບຄື: ສ.ເຊັກໂກ, ເຢຍລະມັນ, ຮຸງກາຣີ, ສະໂລວາກີ, ນອກແວ…
ນີ້ແມ່ນໜຶ່ງໃນບັນດາການເຄື່ອນໄຫວວັດທະນະທຳສິລະປະຂອບຂະໜາດໃຫຍ່ທີ່ມີຄວາມໝາຍດ້ານມະນຸດສະທຳຢ່າງເລິກເຊິ່ງ ໂດຍສະມາຄົມວັດທະນະທຳສິລະປະ ຫວຽດນາມ ອາໄສ ຢູ່ ສ.ເຊັກໂກ ຈັດຕັ້ງ, ເພື່ອແນໃສ່ປະກອບສ່ວນເພີ່ມທະວີຄວາມສະໜິດຕິດພັນ ແລະ ຄວາມສາມັກຄີລະຫວ່າງປະຊາຄົມຊາວຫວຽດນາມ ອາໄສ ຢູ່ ສ.ເຊັກໂກ ກັບປະຊາຄົມຊາວຫວຽດນາມ ໃນທົ່ວເອີລົບ ກໍ່ຄືມຸ່ງໄປເຖິງບ້ານເກີດເມືອງນອນຂອງປະເທດຊາດ.
ກ່າວຄຳເຫັນທີ່ການແຂ່ງຂັນ, ທ່ານເອກອັກຄະລັດຖະທູດ ຫວຽດນາມ ປະຈຳ ສ.ເຊັກໂກ ທ໊າຍຊວັນຢຸງ ໄດ້ເນັ້ນໜັກວ່າ ການແຂ່ງຂັນປະກອບສ່ວນເພີ່ມທະວີຄວາມສະໜິດຕິດພັນຢ່າງແໜ້ນແຟ້ນລະຫວ່າງປະຊາຄົມ ຊາວຫວຽດນາມ ອາໄສຢູ່ ສ.ເຊັກໂກ ກັບປະຊາຄົມ ຊາວຫວຽດນາມ ໃນທົ່ວເອີລົບ ກໍ່ຄືກັບບ້ານເກີດເມືອງນອນປະເທດຊາດ. ທ່ານເອກອັກຄະລັດຖະທູດ ມີຄວາມປາດຖະໜາຢາກໃຫ້ສະຫະສະມາຄົມ ຊາວຫວຽດນາມ ອາໄສ ຢູ່ ເອີລົບ, ສະມາຄົມຊາວຫວຽດນາມ ອາໄສ ຢູ່ ສ.ເຊັກໂກ ສືບຕໍ່ຮ່ວມເດີນທາງກັບສະມາຄົມວັດທະນະທຳສິລະປະ ຫວຽດນາມ ຢູ່ ເຊັກໂກ ຈັດຕັ້ງບັນດາໂຄງການສະແດງວັດທະນະທຳສິລະປະທີ່ມີຄວາມໝາຍດ້ານມະນຸດສະທຳໃຫ້ຫຼາຍກ່ວາອີກ.
ບຸນຄົງ
