| ອາຊຽນຍົກສູງກຳລັງຄວາມສາມາດການຮ່ວມມືພັດທະນາແຮ່ທາດແບບຍືນຍົງ | |
| ອົດສະຕາລີ ແລະ ຫວຽດນາມ ມີຫຼາຍກາລະໂອກາດຮ່ວມມືພັດທະນາດ້ານກະສິກຳ ທີ່ນຳໃຊ້ເຕັກໂນໂລຢີສູງ |
 |
| ພາບປະກອບ: baochinhphu.vn |
ເມື່ອບໍ່ດົນມານິ້, ຢູ່ຮ່າໂນ້ຍ, ກະຊວງກະສິກຳ ແລະ ພັດທະນາຊົນນະບົດ ຫວຽດນາມ ໄດ້ຈັດກອງປະຊຸມທາງໄກ “ຄູ່ຮ່ວມມືພັດທະນາກະສິກຳແບບຍືນຍົງ ຫວຽດນາມ (PSAV)”.
ກອງປະຊຸມແມ່ນໂອກາດເພື່ອໃຫ້ບັນດາຄູ່ຮ່ວມມື “ພາກລັດ - ເອກະຊົນ” ຂອງຂະແໜງກະສິກຳ ພ້ອມກັນຫວນຄືນ ເສັ້ນທາງ 10 ປີແຫ່ງການເຄື່ອນໄຫວ ແລະ ພັດທະນາຂອງ “ຄູ່ຮ່ວມມືພັດທະນາກະສິກຳແບບຍືນຍົງ ຫວຽດນາມ”. ຜ່ານນັ້ນ, ກໍ່ແບ່ງປັນບັນດາຜົນງານ, ໝາກຜົນທີ່ບັນລຸໄດ້ ກໍ່ຄືບັນດາບົດຮຽນປະສົບການເພື່ອສືບຕໍ່ມານະພະຍາຍາມເພີ່ມທະວີການຊຸກຍູ້ໃນການຮ່ວມມືພາກລັດ - ເອກະຊົນຢ່າງມີປະສິດທິຜົນ ໃນພາລະຫິດແຫ່ງການພັດທະນາກະສິກຳ, ຊົນນະບົດແບບຍືນຍົງ.
ນີ້ກໍ່ແມ່ນກາລະໂອກາດເພື່ອໃຫ້ບັນດາສະມາຊິກພ້ອມກັນໃຫ້ຄຳໝັ້ນສັນຍາຊຸກຍູ້ການດຶງດູດນັກລົງທຶນພັດທະນາຂະແໜງກະສິກຳ ຫວຽດນາມ ແບບຍືນຍົງ, ຜ່ານຜ່າບັນດາສິ່ງທ້າທາຍຂອງວິກິດການເສດຖະກິດ - ສັງຄົມ ໂດຍໂລກລະບາດໂຄວິດ - 19 ກໍ່ຂຶ້ນ, ຍາດແຍ່ງທ່າອ່ຽງໃໝ່ຂອງເສດຖະກິດທົ່ວໂລກ, ກາລະໂອກາດໃໝ່ຈາກບັນດາສັນຍາການຄ້າເສລີ (FTA) ລຸ້ນໃໝ່ ມຸ່ງໄປເຖິງການພັດທະນາກະສິກຳ, ຊົນນະບົດຕາມທິດຍືນຍົງ ແລະ ກວມລວມ, ຜ່ານນັ້ນ ກໍ່ຍົກລະດັບຜະລິດຕະພັນກະເສດ ຫວຽດນາມ ເຊື່ອມໂຍງເຂົ້າກັບສາກົນ.
ບຸນຄົງ
