 |
| ຜູ້ປ້ອງກັນບໍ່ອະນຸຍາດໃຫ້ນັກຂ່າວ ຫວຽດນາມ ເຂົ້າເດີ່ນຝຶກແອບ (ພາບ: baohatinh.vn) |
ກ່ອນທີ່ຈະເລີ່ມຕົ້ນມື້ຝຶກຊ້ອມທີ 2 ຂອງທິມຊາດຫວຽດນາມຢູ່ Sharjah, ບັນດາພະນັກງານປ້ອງກັນຄວາມສະຫງົບຢູ່ເດີ່ນຝຶກຊ້ອມໄດ້ຮຽກຮ້ອງວົງການສື່ມວນຊົນຫວຽດນາມບໍ່ໃຫ້ເຂົ້າເດີ່ນ. ໂດຍບໍ່ຫົວຊາຕໍ່ການມີສ່ວນຂອງຜູ້ຕາງໜ້າ VFF, ຖັນແຖວປ້ອງກັນຢູ່ເດີ່ນຍັງປະຕິເສດການໃຫ້ສື່ມວນຊົນຫວຽດນາມເຂົ້າເດີ່ນປະຕິບັດວຽກງານສື່ມວນຊົນ.
ຕາມການອະທິບາຍຈາກຝ່າຍຄະນະຄຸ້ມຄອງເດີ່ນແລ້ວ, ນີ້ແມ່ຄຳຮຽກຮ້ອງຈາກສະຫະພັນບານເຕະຈີນຍ້ອນຢາກຮັບປະກັນຄວາມປອດໄພໃນການປ້ອງກັນຕ້ານໂລກລະບາດໂຄວິດ - 19.
ຍ້ອນບັນດານັກຂ່າວຫວຽດນາມບໍ່ນອນໃນກຸ່ມກິນຢູ່, ເດີນທາງໄປມານຳກັນ, ພ້ອມກັນວິໄຈ PCR ກັບທິມບານເຕະດັ່ງນັ້ນຖືກຫ້າມບໍ່ໄດ້ປະຕິບັດວຽກງານສື່ມວນຊົນໃນການຝຶກຊ້ອມຂອງທິມຊາດຫວຽດນາມ. ຝ່າຍສະຫະພັນບານເຕະຈີນຮຽກຮ້ອງວ່າການຝຶກຊ້ອມຈະໄດ້ດຳເນີນລັບກັບສື່ມວນຊົນຍ້ອນໂລກລະບາດໂຄວິດ - 19. ວົງການສື່ມວນຊົນຫວຽດນາມທີ່ມີບັດອາດປະຕິບັດໜ້າທີ່ຄືນໃໝ່ໃນວັນທີ 4 ຕຸລາເມື່ອຄະນະການນຳ AFC ມາຍັງ UAE ແລະ ຍົກອອກຂໍ້ຕົກລົງສຸດທ້າຍ” ຜູ້ຕາງໜ້າຄະນະຄຸ້ມຄອງເດີ່ນໃຫ້ຮູ້ວ່າ:
ໂດຍໄດ້ຮູ້ວ່າຄຳຕັດສິນບໍ່ໃຫ້ສື່ມວນຊົນຫວຽດນາມປະຕິບັດວຽກງານສື່ມວນຊົນບໍ່ໄດ້ຮັບການແຈ້ງກ່ອນຈາກສະຫະພັນບານເຕະຈີນ. ສິ່ງນີ້ກໍ່ຄວາມຫຍຸ້ງຍາກຫຼາຍຢ່າງໃຫ້ແກ່ບັນດານັກຂ່າວທີ່ເດີນທາງແຕ່ຫວຽດນາມໄປຍັງ UAE ເພື່ອເກັບຂ່າວກ່ຽວກັບທິມຊາດຫວຽດນາມໃນການກະກຽມໃຫ້ແກ່ນັດເຕະກັບຈີນໃນວັນທີ 7 ຕຸລາ.
ໃນນັດເຕະຈະມາເຖິງ, ຈີນໄດ້ຮັບຖືວ່າແມ່ນປະເທດເຈົ້າພາບດັ່ງນັ້ນຄະນະຄຸ້ມຄອງເດີ່ນຢູ່ UAE ຈຳເປັນຕ້ອງປະຕິບັດຕາມຄຳຮຽກຮ້ອງ. ຕາມການຊອກຮູ້ແລ້ວ, ບັນດາພະນັກງານສື່ມວນຊົນຂອງທິມຊາດຈີນກໍ່ຕ້ອງປະຕິບັດຕາມຫຼາຍຫຼັກການທີ່ເຂັ້ມງວດ. ນັບທັງໃນນັດເຕະມິດຕະພາບກັບຊີຣີທີ່ຜ່ານມາ, ບັນດາພະນັກງານສື່ມວນຊົນກໍ່ບໍ່ໄດ້ມີໜ້າຢູ່ເດີ່ນ.
ນັດເຕະລະຫວ່າງຈີນແລະຫວຽດນາມຈະດຳເນີນໃນເວລາ 21 ໂມງ ຂອງ ວັນທີ 7 ຕຸລາ (ຕາມເວລາທ້ອງຖິ່ນ), ກົງກັບເວລາ 00 ໂມງ 00 ນາທີ (ຕາມເວລາຫວຽດນາມ) ຂອງວັນທີ 8 ຕຸລາ ຢູ່ເດີນ Sharjah.
ບຸນຄົງ
