| WeWork ໜູນຊ່ວຍການເພີ່ມຄວາມໄວໃນການ Startup ຢູ່ ຫວຽດນາມ | |
| ຫັນແນວຄວາມຄິດ Startup ຂອງປະຊາຄົມຊາວໜຸ່ມ ຫວຽດນາມ ອາໄສຢູ່ ອົດສະຕາລີ ໃຫ້ປະກົດຜົນເປັນຈິງ |
 |
| ທ່ານ ຮ່ວາງດຶກຍວັນ, ທີປຶກສາຝ່າຍການຄ້າ ຫວຽດນາມ ປະຈຳ ອານເຊຣີ ກ່າວຄຳເຫັນທີ່ກອງປະຊຸມສຳມະນາ. (ພາບ: TTXVN) |
ກອງປະຊຸມສຳມະນາສາກົນ ດ້ວຍຫົວຂໍ້ “ເສດຖະກິດ ອານເຊຣີ ວິໄສທັດ 2030” ໂດຍສະມາຄົມຊາວໜຸ່ມ ອານເຊຣີ ຈັດຕັ້ງຄັ້ງທຳອິດ, ພາຍໃຕ້ການອຸປະຖຳຂອງ ທ່ານເຈົ້າແຂວງ Skikda ແລະ ທ່ານລັດຖະມົນຕີຮັບຜິດຊອບບັນຫາ Startup ອານເຊຣີ ໄດ້ດຳເນີນໃນລະຫວ່າງວັນທີ 25 – 26 ກັນຍາ ຢູ່ແຂວງ Skikda, ເຊິ່ງແມ່ນທ້ອງຖິ່ນໜຶ່ງຢູ່ທາງພາກໃຕ້ ອານເຊຣີ ທີ່ມີຄວາມສາມາດບົ່ມຊ້ອນດ້ານນ້ຳມັນບໍ່, ກະສິກຳ, ການທ່ອງທ່ຽວ ແລະ ທ່າກ່ຳປັ່ນ.
ຕາມນັກຂ່າວຂອງສຳນັກຂ່າວສານ ຫວຽດນາມ ປະຈຳ ອານເຊຣີ ແລ້ວ, ກອງປະຊຸມສຳມະນາ ໄດ້ດຶງດູດການເຂົ້າຮ່ວມຂອງການນຳອຳນາດການປົກຄອງ ແລະ ວິສາຫະກິດທ້ອງຖິ່ນເປັນຈຳນວນຫຼາຍພ້ອມກັບຜູ້ຕາງໜ້າບາງສະຖານທູດ ແລະ ອົງການທູຕານຸທູດ ຢູ່ ອານເຊຣີ ຄື: ໂປໂລຍ, ອູແກນດາ, Zimbabwe... ຄະນະຜູ້ແທນ ຫວຽດນາມ ໂດຍທ່ານ ຮ່ວາງດຶກຍວັນ, ທີປຶກສາຝ່າຍການຄ້າ ຫວຽດນາມ ປະຈຳ ອານເຊຣີ ນຳໜ້າ, ເຂົ້າຮ່ວມກອງປະຊຸມສຳມະນາຄັ້ງນີ້.
ກ່າວຄຳເຫັນທີ່ກອງປະຊຸມ, ທ່ານ ຮ່ວາງດຶກຍວັນ ໄດ້ແນະນຳກ່ຽວກັບສະພາບການພົວພັນທາງການຄ້າ ແລະ ການລົງທຶນສອງຝ່າຍ ລະຫວ່າງ ອານເຊຣີ ແລະ ຫວຽດນາມ, ພ້ອມທັງແບ່ງປັນບົດຮຽນປະສົບການກ່ຽວກັບສະພາບການ Startup ຢູ່ ຫວຽດນາມ, ບັນດາມາດຕະການຂອງ ລັດຖະບານ ຫວຽດນາມ ໃນການໜູນຊ່ວຍຊາວໜຸ່ມ, ວິສາຫະກິດ Startup ກ່ຽວກັບການປ່ຽນແປງໃໝ່, ປະດິດຄິດສ້າງ, ເປັນຕົ້ນແມ່ນໃນບັນດາຂົງເຂດວິທະຍາສາດ - ເຕັກໂນໂລຢີ, ການຄ້າເອກເລັກໂຕນິກ, ສື່ມວນຊົນ, ການລະຫຼິ້ນບັນເທິງ.
ກໍ່ໃນໂອກາດນີ້, ທ່ານ ຮ່ວາງດຶກຍວັນ ໄດ້ມີການພົບປະກັບຫົວໜ້າພະແນກການຄ້າ, ປະທານຫ້ອງການການຄ້າ ແລະ ບັນດາວິສາຫະກິດ ຂອງແຂວງ Skikda ເພື່ອແລກປ່ຽນກ່ຽວກັບບັນດາກາລະໂອກາດຮ່ວມມື ແລະ ລົງທຶນລະຫວ່າງສອງປະເທດ.
ງານວາງສະແດງສິນຄ້າຫຼາຍຊະນິດຂອງທ້ອງຖິ່ນ ແລະ ບາງປະເທດຄື ເຕັກໂນໂລຢີຂໍ້ມູນຂ່າວສານ, ໄຟຟ້າ - ເອເລັກໂຕນິກ, ບັນດາຜະລິດຕະພັນກະສິກຳ, ເຄືຶ່ອງນຸ່ງທີ່ເປັນມູນເຊື້ອ… ກໍ່ໄດ້ດຳເນີນໃນຂອບເຂດກອງປະຊຸມສຳມະນາຄັ້ງນີ້.
ບຸນຄົງ
