| ມະຕິເລກທີ 105 ໜູນຊ່ວຍວິສາຫະກິດຜ່ານຜ່າໂລກລະບາດໂຄວິດ - 19 | |
| BAGPS ໜູນຊ່ວຍການຕິດຕັ້ງ “ການເດີນທາງຢ່າງປອດໄພ” ໂດຍບໍ່ເສຍຄ່າ ເພື່ອປ້ອງກັນຕ້ານໂລກລະບາດໂຄວິດ - 19. |
 |
| ພາບປະກອບ |
ຄະນະກຳມະການປະຊາຊົນ ນະຄອນຮ່າໂນ້ຍຫາກໍ່ມີເອກະສານກ່ຽວກັບການປັບປຸງບາງມາດຕະການປ້ອງກັນ, ຕ້ານໂລກລະບາດໂຄວິດ - 19 ໃນບໍລິເວນນະຄອນ. ຕາມນັ້ນແລ້ວ, ນັບແຕ່ເວລາ 12 ໂມງຂອງວັນທີ 16 ກັນຍາ, ບັນດາເມືອງ/ເທດສະບານທີ່ບໍ່ມີຜູ້ຕິດເຊື້ອພະຍາດໂຄວິດ - 19 ໃນຊຸມຊົນ ຈະໄດ້ເປີດບັນດາຮາກຖານດຳເນີນທຸລະກິດຄືນໃໝ່ ຄື ຮ້ານຂາຍເຄື່ອງໃຂ້ຫ້ອງການ, ປຶ້ມ, ວັດຖຸ, ອຸປະກອນການຮຽນ, ການບໍລິການສ້ອມແປງພາຫະນະ, ເຄື່ອງເອເລັກໂຕນິກ ແລະ ເຄື່ອງໃຊ້ສອຍ, ການບໍລິການກິມດື່ມ (ໂດຍຊື້ກັບເມືອບ້ານ) ແລະ ປິດຮ້ານກ່ອນເວລາ 21 ໂມງ.
ບັນດາຮາກຖານດຳເນີນທຸລະກິດ, ການບໍລິການເຄື່ອນໄຫວຕາມການຄວບຄຸມ, ຕິດຕາມກວດກາຂອງອຳນາດການປົກຄອງທ້ອງຖິ່ນ, ຕ້ອງປະຕິບັດບັນດາມາດຕະການປ້ອງກັນ, ຕ້ານໂລກລະລາດໂຄວິດ - 19 ຢ່າງຖືກຕ້ອງຕາມຂໍ້ກຳນົດ, ຮຽກຮ້ອງຕ້ອງແຈ້ງອາການສຸຂະພາບສຳລັບພະນັກງານໃນຮ້ານ, ປະຕິບັດ 5 ປະການ, Scan ລະຫັດ QR ສຳລັບແຂກທີ່ມາຊື້ເຄື່ອງ, ປະຕິບັດການອະນາໄມ, ຂ້າເຊື້ອຢູ່ຮາກຖານເປັນປະຈຳ, ຈຳກັດການສຳຜັດໂດຍກົງ.
ບັນດາຫົວໜ້າຮາກຖານດຳເນີນທຸລະກິດ, ການບໍລິການຕ້ອງໃຫ້ຄຳໝັ້ນສັນຍາ ແລະ ຮັບຜິດຊອບຕໍ່ການປະຕິບັດບັນດາມາດຕະການປ້ອງກັນ, ຕ້ານໂລກລະບາດໂຄວິດ - 19 ຢ່າງເຂັ້ມງວດຕາມຂໍ້ກຳນົດ.
ບຸນຄົງ
