| ກອງປະຊຸມໃຫຍ່ຄັ້ງທີ 8 ຂອງສະມາຄົມນັກສຶກສາຫວຽດນາມ ຢູ່ ສ.ເກົາຫຼີ | |
| ມະຫາວິທະຍາໄລ ເຊິອຸນໃຕ້ ໜູນຊ່ວຍຫວຽດນາມ 1,250,000 ວອນ ແລະ ສິ່ງທີ່ຈຳເປັນທາງການແພດ |
 |
| WVI ໜູນຊ່ວຍ ນະຄອນ ເກິ່ນເທີ ໃນການຕ້ານໂລກລະບາດ COVID-19 |
ຕອນບ່າຍວັນທີ 12 ກັນຍາ, ໂດຍຜ່ານສະຫະພັນບັນດາອົງການຈັດຕັ້ງມິດຕະພາບນະຄອນ ເກິ່ນເທີ, ອົງການ World Vision International (WVI/USA) ໄດ້ໜູນຊ່ວຍນະຄອນ ເກິ່ນເທີ ລວມມີ ຜ້າອັດປາກການແພດ 1.167 ກ່ອງ, ເຄື່ອງນຸ່ງປ້ອງກັນການແພດ 966 ຊຸດ ແລະນໍ້າຢາຂ້າເຊື້ອ 500 ຕຸກ, ລວມມູນຄ່າທັງໝົດປະມານ 14,993 USD...
ທ່ານນາງ ເລຖີ້ແທງຢາງ - ປະທານສະຫະພັນ ເກິ່ນເທີ ໃຫ້ຮູ້ວ່າ ຕໍ່ສະພາບ ການຜັນແປທີ່ສັບສົນຂອງການລະບາດຂອງພະຍາດ COVID-19, ນະຄອນ ເກິ່ນເທີ ໄດ້ຈັດຕັ້ງປະຕິບັດການແຍກຫ່າງຕາມຄໍາສັ່ງເລກທີ 16 ຂອງລັດຖະບານນັບແຕ່ກາງເດືອນກໍລະກົດເປັນຕົ້ນມາ. ອໍານາດການປົກຄອງບັນດາຂັ້ນພວມສຸມໃສ່ການປ້ອງກັນ, ຊອກຫາ ແລະປິ່ນປົວຄົນເຈັບທີ່ຕິດພະຍາດ COVID-19;
ສະນັ້ນ, ຄວາມຕ້ອງການດ້ານອຸປະກອນການແພດສໍາລັບການປ້ອງກັນ ແລະປິ່ນປົວຄົນເຈັບແມ່ນມີຫຼາຍ ແລະຕ້ອງການຄວາມຊ່ວຍເຫຼືອຈາກບັນດາອົງການຈັດຕັ້ງ ແລະສ່ວນບຸກຄົນພາຍໃນ ແລະຕ່າງປະເທດ. ການໜູນຊ່ວຍ ຂອງ WVI ໄດ້ປະກອບສ່ວນຢ່າງແທດຈິງເຂົ້າໃນການປ້ອງກັນພະຍາດ ແລະປົກປ້ອງສຸຂະພາບຂອງປະຊາຊົນໃນທ້ອງຖິ່ນ.
ທ່ານນາງ ປະທານສະຫະພັນ ເກິ່ນເທີ ກ່າວຕື່ມອີກວ່າ ສະຫະພັນ ເກິ່ນເທີ ມີຄວາມຮັບຜິດຊອບໃນການເຮັດໜ້າ ທີ່ເປັນຈຸດປະສານງານໃນການຮັບ ແລະແຈກຢາຍອຸປະກອນການແພດເຫຼົ່ານີ້ໃຫ້ກັບຮາກຖານການແພດ ແລະກໍາລັງແຖວໜ້າ ໃນການຕໍ່ສູ້ກັບພະຍາດ COVID-19 ໃນທົ່ວບໍລິເວນນະຄອນ, ຮັບປະກັນຖືກເປົ້າໝາຍ ແລະເນື້ອໃນຂອງການຊ່ວຍເຫຼືອ.
WVI ແມ່ນອົງການບໍ່ຂື້ນກັບລັດຖະບານຂອງອາເມຣິກາທີ່ດໍາເນີນການເຄື່ອນໄຫວຢູ່ຫວຽດນາມໃນຂົງເຂດຄວາມປອດໄພສະບຽງອາຫານ, ກະສິກໍາ, ນໍ້າສະອາດ ແລະສຸຂະອະນາໄມສິ່ງແວດລ້ອມ, ພະລັງງານຜະລິດຄືນໃໝ່ທີ່ຍືນຍົງ, ການເງິນຈຸລະພາກ, ການພັດທະນາເສດຖະກິດ, ການປ້ອງກັນ, ຫຼຸດຜ່ອນໄພພິບັດ ແລະການບັນເທົາທຸກສຸກເສີນ, ການປ່ຽນແປງຂອງດິນຟ້າອາກາດ, ການສຶກສາ, ການພັດທະນາ ແລະການສຶກສາເດັກອະນຸບານ, ການປົກປ້ອງເດັກ, ສາທາລະນະສຸກ, HIV/AIDS, ການປ້ອງກັນການຄ້າມະນຸດ, ການຊ່ວຍເຫຼືອເດັກນ້ອຍທີ່ມີຄວາມຫຍຸ້ງຍາກພິເສດ, ພິການ, ເພດ, ຂົນຂວາຍນະໂຍບາຍກ່ຽວກັບສິດທິເດັກ, ສ້າງກຳລັງຄວາມສາມາດ, ການມີສ່ວນຮ່ວມ ແລະປົກປ້ອງເດັກ.
ໄຊພອນ
