ຫວຽດນາມ ໄດ້ຮັບວັກຊີນກັນໂຄວິດ -19 ຫຼາຍກວ່າ 501.000 ໂດສ ໂດຍປະເທດໂປໂລຍອຸປະຖຳ
	ກູບາ ຈະສະໜອງວັກຊີນ ແລະຖ່າຍທອດເຕັກໂນໂລຢີການຜະລິດວັກຊີນໃຫ້ຫວຽດນາມ

ອີງຕາມຂໍ້ມູນຢູ່ໃນເວັບໄຊ໌ ຂອງພັນທະມິດສາກົນກ່ຽວກັບວັກຊີນ ແລະ ການສັກຢາກັນພະຍາດ (GAVI) ໃຫ້ຮູ້ວ່າ ທານນາງ Aurélia Nguyen ກໍາລັງປະສານການຈັດຊື້ ແລະ ມອບວັກຊີນຕ້ານພະຍາດ COVID-19 ໃຫ້ແກ່ 190 ປະເທດ ແລະ ເຂດແຄວ້ນທີ່ເຂົ້າຮ່ວມໃນກົນໄກ COVAX.

ກ່ອນທີ່ຈະໄດ້ຮັບແຕ່ງຕັ້ງເປັນຜູ້ອຳນວຍການບໍລິຫານຂອງ COVAX, ທ່ານນາງ Aurélia Nguyen ເຄີຍເປັນຜູ້ອຳນວຍການບໍລິຫານກ່ຽວກັບບັນຫາຢາວັກຊີນ ແລະ ຄວາມຍືນຍົງຂອງ GAVI, ດ້ວຍບົດບາດຮັບຜິດຊອບການປະສານງານການອອກແບບໂຄງການສັກຢາວັກຊີນຂອງ GAVI, ສ້າງບັນດາມາດຕະການໜູນຊ່ວຍດ້ານການເງິນ ໃຫ້ກັບໂຄງການວັກຊີນ ແລະ ຕະຫຼາດເພື່ອເປີດກວ້າງການສັກຢາວັກຊີນທີ່ຈໍາເປັນຂອງໂລກ.

ທານນາງ Aurélia Nguyen - ຜູ້ອຳນວຍການບໍລິຫານຂອງ COVAX

ທານນາງ Aurélia Nguyen ຍັງໄດ້ດຳລົງຕຳແໜ່ງຕ່າງໆໃນລະຫວ່າງປີ 1999 ແລະ 2010, ໃນນັ້ນມີບົດບາດຂັ້ນສູງໃນ GlaxoSmithKline - ບໍລິສັດການຢາແຖວໜ້າຂອງອັງກິດ. ທານນາງ Aurélia Nguyen ເຄີຍເຮັດການຄົ້ນຄວ້າໃຫ້ແກ່ອົງການອະນາໄມໂລກ (WHO) ກ່ຽວກັບນະໂຍບາຍຢາ generic.

ໃນເດືອນກຸມພາ 2021, ທານນາງ Aurélia Nguyen ໄດ້ຖືກຈັດເຂົ້າຢູ່ໃນລາຍຊື່ "Time 100 Next" ຕາມການຄັດເລືອກໂດຍວາລະສານ TIME ເພື່ອເຊີດຊູ 100 ບຸກຄົນ ທີ່ຖືກຕີລາຄາວ່າມີຜົນກະທົບຕໍ່ອະນາຄົດໃນຂົງເຂດທີ່ເຂົາເຈົ້າເຮັດວຽກຢູ່. ວາລະສານ TIME ໃຫ້ຄຳເຫັນວ່າ: “ສຸຂະພາບຂອງທົ່ວໂລກ ພວມຢູ່ໃນມືຂອງ ທ່ານນາງ Aurélia Nguyen”.

ໃນຖານະຕໍາແໜ່ງຂອງຕົນ, ທ່ານນາງ Aurélia Nguyen ໄດ້ຄຸ້ມຄອງການນໍາໃຊ້ກອງທຶນ 6 ຕື້ໂດລາສະຫະລັດ ທິ່ປະກອບສ່ວນໂດຍ 98 ປະເທດ, ຮັບປະກັນເຊັນໄດ້ບັນດາສັນຍາຊື້ວັກຊີນກັນພະຍາດໂຄວິດ -19 ແລະ ແບ່ງປັນໃຫ້ກັບປະເທດທີ່ມີຊັບພະຍາກອນໜ້ອຍກວ່າ ໂດຍບໍ່ເສຍຄ່າ.

ເມື່ອໄດ້ມອບໝາຍໃຫ້ເປັນຜູ້ນຳໂຄງການ COVAX, ທ່ານນາງ Aurélia Nguyen ຄາດຄະເນວ່າ "ທຸກສິ່ງທຸກຢ່າງຈະບໍ່ໄປໄດ້ດ້ວຍດີ". ແຕ່ໄລ່ມາຮອດວັນທີ 19 ສິງຫາ, COVAX ໄດ້ແຈກຢາຍວັກຊີນຫຼາຍກວ່າ 209 ລ້ານໂດສ ໃຫ້ກັບ 138 ປະເທດ ແລະ ເຂດແຄວ້ນທີ່ເຂົ້າຮ່ວມໃນກົນໄກນີ້, ໃນນັ້ນ ມີຫວຽດນາມ.