ຫວ່າງມໍ່ໆນີ້, ກະຊວງສາທາລະນະສຸກໄດ້ເປັນເຈົ້າການແລກປ່ຽນກັບບັນດາອົງການສາກົນ WHO, UNICEF ເພື່ອຊອກຫາແຫຼ່ງວັກຊີນ 5 ໃນ 1 ເພື່ອຜັນຂະຫຍາຍການສັກຢາກັນພະຍາດໃຫ້ແກ່ເດັກນ້ອຍອາຍຸຕ່ຳກວ່າ 1 ປີ ເພື່ອປ້ອງກັນບັນດາພະຍາດຄໍຕີບ, ໄອໄກ່, ບາດພະຍັກ, ຕັບບີ ແລະ ປອດອັກເສບ/ເຍື່ອຫຸ້ມສະໝອງອັກເສບ ທີ່ເກີດຈາກພະຍາດ Hib.
 |
| ວັກຊີນ 5 ໃນ 1 ໄດ້ມາຮອດຮ່າໂນ້ຍໃນວັນທີ 27 ກໍລະກົດ (ພາບ: UNICEF). |
ຜູ້ຕາງຫນ້າກະຊວງສາທາລະນະສຸກໄໃຫ້ຮູ້ວ່າ: ໂຄງການສັກຢາກັນພະຍາດທີ່ໄດ້ຜັນຂະຫຍາຍມາເປັນເວລາຫຼາຍປີຢູ່ຫວຽດນາມ ໄດ້ປະກອບສ່ວນເຂົ້າໃນການຄວບຄຸມ, ຈຳກັດ ແລະ ປ້ອງກັນພະຍາດຕິດຕໍ່ບໍ່ໃຫ້ກັບມາອີກ. ໃນໂຄງການສັກວັກຊີນເປີດກວ້າງ , ຫວຽດນາມໄດ້ຜະລິດ 9 ຊະນິດ, ສ່ວນອີກ 2 ຊະນິດຕ້ອງນຳເຂົ້າ, ໃນນັ້ນ ມີວັກຊີນ DTP - VGB - Hib, ຊ່ວຍປ້ອງກັນ 5 ພະຍາດໃນເຂັໍມດຽວ ເຊິ່ງມີຄວາມສະດວກດີທີ່ສຸດ.
ຈຳນວນວັກຊີນທີ່ຫາກໍ່ໄດ້ຮັບເອົາແມ່ນໄດ້ຮັບໃບອະນຸຍາດນຳໃຊ້ຢູ່ຫວຽດນາມ, ມີໃບອະນຸຍາດນຳເຂົ້າ, ການກວດກາການຮັບປະກັນຄຸນນະພາບ ແລະ ຄວາມປອດໄພ. ສູນຄວບຄຸມພະຍາດຕິດຕໍ່ສູນກາງ ກໍ່ໄດ້ມີຄໍາແນະນໍາກ່ຽວກັບການຮັບ, ການຂົນສົ່ງ, ການເກັບຮັກສາ, ການນໍາໃຊ້ ... ແລະ ການຈັດຕັ້ງການຝຶກອົບຮົມໃຫ້ບັນດາທ້ອງຖິ່ນ.
ໃນວັນທີ 28 ກໍລະກົດນີ້, ຢາວັກຊິນດັ່ງກ່າວໄດ້ຂົນສົ່ງໄປຍັງບັນດາແຂວງ, ນະຄອນ ແລະ ເຂດພູດອຍທີ່ຫຍຸ້ງຍາກເຂດພາກເໜືອ, ເຊິ່ງເປັນເຂດປະສົບກັບຄວາມຫຍຸ້ງຍາກຫລາຍຢ່າງໃນການເຂົ້າເຖິງການບໍລິການການສັກຢາກັນພະຍາດ ເພື່ອຈະດຳເນີນສັກຢາໃຫ້ເດັກນ້ອຍແຕ່ຕົ້ນເດືອນ 8/2023 ເປັນຕົ້ນໄປ.
ດີງເລື້ອງ
